Туз, гырджын аша, тюзлюк бла джаша.
Баргъанынга кёре болур келгенинг.
Джыйырма къойну юч джыйырма эбзе кюте эди.
Ишлегенден, къарагъан уста.
Акъыллы айтыр эди, акъылсыз къоймайды.
Ёлмесенг да, къарт дамы болмазса?
Къозулугъунда тоймагъан, къойлугъунда тоймаз.
Ёгюзню мюйюзлери ауурлукъ этмейдиле.
Джерни букъусу кёкге къонмаз.
Адамны джюреги нени кёрюрге сюйсе, кёзю да аны кёрюрге ёч болады.
Чакъырылмагъан къонакъ къачан кетерин сормаз.
Ашхы тенг джолгъа салыр, аман тенг джолдан тайдырыр.
Къарын къуру болса, джюрек уру болур.
Ариу сёзде ауруу джокъ.
Ётюрюкню башын керти кесер.
Юре билмеген ит, къонакъ келтирир.
Къошда джокъгъа – юлюш джокъ.
Адеб базарда сатылмаз.
Акъыл неден да кючлюдю.
Абынмазлыкъ аякъ джокъ, джангылмазлыкъ джаякъ джокъ.
Адамгъа аман кюн соруб келмейди.
Ариу – кёзге, акъыл – джюрекге.
Тешигини къатында, чычхан да батыр болур.
Къазанчы аман болса, къазаны къайнамаз.
Къартны сыйын кёрмеген, къартлыгъында сыйлы болмаз.
Джангыз терек къынгыр ёсер.
Чарсда алчыны эл кёреди.
Тил джюрекге джол ишлейди.
От кюйдюрген, сау болса да, тот кюйдюрген, сау болмаз.
Кёб джашагъан – кёб билир.
Сибиртки да сыйлы болду, кюрек да кюнлю болду.
Ач, тоймам, дейди, тойгъан, ач болмам, дейди.
Битмегеннге сакъал – танг.
Бети къызарыучу адамны, джюреги харам болмаз.
Рысхы – сют юсюнде кёмюк кибикди.
Атадан ёксюз – бир ёксюз, анадан ёксюз – эки ёксюз.
Хата – гитчеден.
Нёгер болсанг, тенг бол, тенг болмасанг, кенг бол.
Иги бла джюрюсенг, джетерсе муратынга, аман бла джюрюсенг, къалырса уятха.
Сёз – кюмюш, джыр – алтын.
Къарнынг тойгъунчу аша да, белинг талгъынчы ишле.
Ашыкъгъан cуу, тенгизге джетмез.
Джашны джигитлиги сорулур, къызны джигерлиги сорулур.
Хар ишни да аллы къыйынды.
Адамны сабийин сюйген джюреги, бычакъча, джитиди.
Сагъыш – къартлыкъгъа сюйюмчю.
Этни бети бла шорпасы.
Ёлюк кебинсиз къалмаз.
Аман къатын алгъан, арыр, иги къатын алгъан джарыр.
Тёзгеннге, джабылгъан эшик ачылыр.
