Къонагъынгы артмагъын алма да, алгъышын ал.
Эринчекни эр алмаз, эр алса да, кёл салмаз, кёл салса да, кёб бармаз!
Ариу джол аджал келтирмез.
Тас болгъан бычакъны сабы – алтын.
Суугъа – чабакъ, къаягъа – ыргъакъ.
Биреуге аманлыкъны тилеме да, кесинге ашхылыкъны тиле.
Экиндини кеч къылсанг, чабыб джетер ашхам.
Къарт айтханны этмеген, къартаймаз.
Чабакъ башындан чирийди.
Эллинг бла джау болсанг да, юйюнг бла джау болма.
Ач къарынны, токъ билмез
Тенгни тенглиги джашай барсанг билинир.
Джетген къыз джерли эшекни танымаз.
Мухардан ач ычхынмаз.
Чабакъгъа акъыл, табагъа тюшсе келеди.
Тау башында, тау болмаз, джангыз терек, бау болмаз.
Ёпкелегенни ашы татлы болады.
Агъач халкъгъа алтынды, иссиликге салкъынды.
Булут кёкге джарашыу, уят бетге джарашыу.
Насыблы элин сюер, насыбсыз кесин сюер.
Тай асырагъан, атха минер.
Сангырау къулакъ эл бузар.
Келинин тута билмеген, къул этер, къызын тута билмеген, тул этер.
Ачлыкъда тары гырджын халыуадан татлы.
Таукелге нюр джауар.
Аман адамны тепсинге олтуртсанг, къызынгы тилер.
Сёз садакъдан кючлюдю.
Билим ат болуб да чабар, къуш болуб да учар.
Къызбайны юйюне дери сюрсенг, батыр болур.
Къолу уллу – асыу, аягъы уллу – джарсыу.
Хар сёзню орну барды.
Чарсда алчыны эл кёреди.
Ауузу бла къуш тута айланады.
Уллу къазанда бишген эт, чий къалмаз.
Тюзлюк шохлукъну бегитир.
Малны кют, джерни тюрт.
Дууулдаса – бал чибин, къонса – къара чибин.
Биреуню къыйынлыгъы бла кесинге джол ишлеме.
Сёз – кюмюш, джыр – алтын.
Ашаса, ашамаса да, бёрюню ауузу – къан.
Элни кючю – эмеген.
Сютню башын джалагъан къутулур, тюбюн ичген тутулур.
Миллетни бойну – базыкъ, аны бла кюрешген – джазыкъ.
Мени джылытмагъан кюн, меннге тиймесин!
Къарны аманнга къазан такъдырма, къолу аманнга от джакъдырма.
Ёлген эшек бёрюден къоркъмайды.
Кёрмегеннге кебек – танг, битмегеннге сакъал – танг.
Къыйынлы джети элни къайгъысын этер.
Алтыда кюлмеген, алтмышда кюлмез.
Чабакъсыз кёлге къармакъ салгъанлыкъгъа, чабакъ тутмазса.
