Джаханимни кёрмей, джандетге кёл салмазса.
Атадан ёксюз – бир ёксюз, анадан ёксюз – эки ёксюз.
Татлы сёз – балдан татлы.
Суугъа – таянма, джаугъа – ийнанма.
Уясында не кёрсе, учханында аны этер.
Окъугъан озар, окъумагъан тозар.
Гитче джилтин уллу элни джандырыр.
Ашхы – джыяр, аман – джояр.
Бюгюн дуния кибик, тамбла ахыратды.
Гугук кесини атын айтыб къычыргъанча, мен, мен деб нек тураса?
Тилде сюек болмаса да, сюек сындырыр.
Урама да – ёледи, сатама да – келеди.
Керти сёзге тёре джокъ.
Ауузу аманнга «иги», деме.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тюкюрюк баш джармаз, налат кёз чыгъармаз!
Адеб этмеген, адеб кёрмез.
Ханы къызы буюгъа-буюгъа киштик болду.
От кюйдюрген, сау болса да, тот кюйдюрген, сау болмаз.
Ариу сёз аурууунгу алыр.
Билимсиз иш бармаз.
Минг тенг да азды, бир джау да кёбдю.
Кёзюнде тереги болгъан, чёбю болгъаннга кюле эди.
Къызгъанчдан ычхыныр, мухардан ычхынмаз.
Ичимден чыкъды хата, къайры барайым сата?
Кёлю джокъну – джолу джокъ.
Окъугъан – асыу, окъумагъан – джарсыу.
Бети – къучакълар, джюреги – бычакълар.
Тилчи тилден къаныкъмаз.
Кечеси – аяз, кюню – къыш, джарлы къаргъагъа бир аш тюш!
Сёз – кюмюш, джыр – алтын.
Накъырданы арты керти болур.
Ач – эснер, ат – кишнер.
Рысхысына кёре, джаш ёсер, къышлыгъына кёре, мал ёсер.
Тамбла алтындан бюгюн багъыр ашхы.
Гугурук къычырмаса да, тангны атары къалмаз.
Ариу – кёзге, акъыл – джюрекге.
Ётген ёмюр – акъгъан суу.
Таш ата билмеген, башына урур.
Айранын берсенг, челегин да къызгъанма.
Ана – юйню кюн джарыгъы.
Чыбыкълыкъда бюгюлмеген, къазыкълыкъда бюгюлмей эди.
Биреу къой излей, биреу той излей.
Арба аугъандан сора, джол кёргюзтюучю кёб болур.
Къазанда болса, чолпугъа чыгъар.
Ишленмеклик адамлыкъды.
Эринчекни эр алмаз, эр алса да, кёл салмаз, кёл салса да, кёб бармаз!
Ёгюзню мюйюзлери ауурлукъ этмейдиле.
Тюзню ётмеги тюзде къалса да, тас болмаз.
Эшекни не къадар тюйсенг да, ат болмаз.
