- Аджашханны ызындагъы кёреди, джангылгъанны джанындагъы биледи.
- Чакъырылмагъан джерге барма, чакъырылгъан джерден къалма.
- Ашда уялгъан – мухар, ишде уялгъан – хомух.
- Эр абынмай, эл танымаз.
- Ёлген эшек бёрюден къоркъмайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Сютню башын джалагъан къутулур, тюбюн ичген тутулур.
- Таула не мийик болсала да, аууш табылыр.
- Мухарны эси – ашарыкъда.
- Алим болгъандан эсе, адам болгъан къыйынды.
- Уллу атлама – абынырса, уллу къабма – къарылырса.
- Ёксюзню тилеги къабыл болур.
- Къарнынг бла ёч алма.
- Сёз сёзню айтдырыр.
- Тау башында, тау болмаз, джангыз терек, бау болмаз.
- Сабийликде юретмесенг, уллу болса – тюзелмез.
- Эски джаугъа ышанма.
- Ата джурт – алтын бешик.
- Таугъа чыгъаллыкъ эсенг, тюзде къалма.
- Ачлыкъ отха секиртир.
- Бек анасы джыламаз.
- Къызгъанчдан ычхыныр, мухардан ычхынмаз.
- Чомартха Тейри да борчлуду.
- Гырджын – тепсини тамадасы.
- Таукел тауну аудурур.
- Кёб джашагъан – кёб билир.
- Тёрени джагъы джокъ.
- Агъач – джерни чырайы, кийим – эрни чырайы.
- Окъуу – билимни ачхычы, окъуу – дунияны бачхычы.
- Суугъа – таянма, джаугъа – ийнанма.
- Элни кючю – эмеген.
- «Ёгюз, джаргъа джууукъ барма, меннге джюк боллукъса», - дегенди эшек.
- Къатын байлыкъны сюер, эр саулукъну сюер.
- Билим ат болуб да чабар, къуш болуб да учар.
- Сакъ юйюне сау барыр.
- Ёнгкюч къууана барыр, джылай келир.
- Аман киши кеси юйюнде – къонакъ.
- Джумушакъ терекни къурт ашар.
- Ашхылыкъ джерде джатмайды, аманлыкъ суугъа батмайды.
- Этим кетсе да, сюегим къалыр.
- Адамгъа аман кюн соруб келмейди.
- Аз айтсам, кёб ангылагъыз.
- Бал чибинни ургъаны – ачы, балы – татлы.
- Тик ёргени, тик энгишгеси да болады.
- Аманны эки битли тону болур, бирин сеннге кийдирир, бирин кеси киер.
- Ач къарынны, токъ билмез
- Ата Джуртун танымагъан, атасын да танымаз.
- Уллу айтханны этмеген – уллаймаз.
- Таукел адам тау тешер.
- Къартха ушагъан джаш – акъыллы, джашха ушагъан къарт – тели.
Профиль
|
|
|
|||