Агъач – джерни чырайы, кийим – эрни чырайы.
Ачыкъ джюрекге джол – ачыкъ.
Харам къарнашдан, халал тенг ашхы.
Джетген къыз джерли эшекни танымаз.
Тёгюлген тюгел джыйылмайды.
Окъ къызбайны джокълайды.
Рысхы джалгъанды: келген да этер, кетген да этер.
Рысхы – сют юсюнде кёмюк кибикди.
Татлы сёз – балдан татлы.
Рысхы – насыбха къор.
Кёлю джокъну – джолу джокъ.
Аман адамны тепсинге олтуртсанг, къызынгы тилер.
Эртде тургъан бла эртде юйленнген сокъуранмаз.
Алим болгъандан эсе, адам болгъан къыйынды.
Рысхысына кёре, джаш ёсер, къышлыгъына кёре, мал ёсер.
Адебни адебсизден юрен.
Тил – кесген бычакъ, сёз – атылгъан окъ.
Къатын байлыкъны сюер, эр саулукъну сюер.
Атлыны ашхысы, ат тизгининден билинир
Малны кют, джерни тюрт.
Кечеси – аяз, кюню – къыш, джарлы къаргъагъа бир аш тюш!
Тамырсыз терекге таянма – джыгъылырса.
Айраннга суу къош, телиге джол бош.
Аууздан келген, къолдан келсе, ким да патчах болур эди.
Таш бла ургъанны, аш бла ур.
Ариу сёз джыланны орнундан чыгъарыр.
Ёксюзню къалачы уллу кёрюнюр.
Аман эсирсе, юйюн ояр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Бети – къучакълар, джюреги – бычакълар.
Ойнай билмеген, уруб къачар.
Гыдай эчки суугъа къараб, мюйюзле кёрмесе, джашма алкъын, дегенди.
Ишге юренсин къоллары, халкъ бла болсун джоллары.
Эри аманны, къатыны – аман.
Джан саулукъ бермей, сан саулукъ бермезсе.
Аджалсыз ёлюм болмаз.
Дууулдаса – бал чибин, къонса – къара чибин.
Эл ауузу – элия.
Этни да ашады, бетни да ашады.
Ётюрюк хапар аякъ тюбю бла джюрюйдю.
Джигер – джаннга къыйынлыкъ.
Ашхы атаны – джашы ашхы, ашхы ананы – къызы ашхы.
Къарнынг тойгъунчу аша да, белинг талгъынчы ишле.
Джашны джигитлиги сорулур, къызны джигерлиги сорулур.
Бойнуму джети джерден кессенг да, мен ол ишни этеллик тюлме.
Ашха уста, юйюнде болсун
Таукелге нюр джауар.
Миллетни бойну – базыкъ, аны бла кюрешген – джазыкъ.
Джукъу тёшек сайламайды.
Намысы болмагъанны, сыйы болмаз.
