- Аман адам этегингден тутса, кес да къач.
- Ойнай билмеген, оюн бузар.
- Ишни ахырын ойламай, аллын башлама.
- Акъылсызны джууукъгъа алма, акъыллыны кенгнге салма.
- Кирсизни – саны таза, халалны – къаны таза.
- Иги бла джюрюсенг, джетерсе муратынга, аман бла джюрюсенг, къалырса уятха.
- Суу да къайтады чыкъгъан джерине.
- Тюзню ётмеги тюзде къалса да, тас болмаз.
- Аякъларынгы джууургъанынга кёре узат.
- Баргъанынга кёре болур келгенинг.
- Джол бла сёзню къыйыры джокъ.
- Джашда акъыл джокъ, къартда къарыу джокъ.
- Джашны джигитлиги сорулур, къызны джигерлиги сорулур.
- Ач келгенни – тойдур, кеч келгенни – къондур.
- Ёзденликни джайгъан – джокълукъ.
- Иги джашны ышаны – аз сёлешиб, кёб тынгылар.
- Дууулдаса – бал чибин, къонса – къара чибин.
- Тил бла келеди джыр да.
- Джаш болсун, къыз болсун, акъылы, саны тюз болсун.
- Джолунга кёре – джюрюшюнг, джагъанга кёре – юлюшюнг.
- Чомартны къолу берекет.
- Ауругъаннга – кийик саулукъ, джетген къызгъа – чилле джаулукъ.
- Ачылгъан эт джабылыр, кёрген кёз унутмаз.
- Таукел адам тау тешер.
- Ёксюзню къалачы уллу кёрюнюр.
- Кёб джат да, бек чаб.
- Термилгенинги табмазса, кюлгенинге тюберсе.
- Аууз сакълагъан – джан сакълар.
- Ариу – кёзге, акъыл – джюрекге.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бет бетге къараса, бет да джерге къарар.
- Атлыны ашхысы, ат тизгининден билинир
- Телини эшигин, махтау джабар.
- Ишлегенден, къарагъан уста.
- Адам боллукъ, атламындан белгили болур.
- Таугъа чыгъаллыкъ эсенг, тюзде къалма.
- Сакъ юйюне сау барыр.
- Кёб ант этген, кёб ётюрюк айтыр.
- Арпа, будай – ащды, алтын, кюмюш а – ташды.
- Бюгюн дуния кибик, тамбла ахыратды.
- Кютгени беш эчки, сызгъыргъаны уа, джерни джарады.
- Ачлыкъ отха секиртир.
- Кечеси – аяз, кюню – къыш, джарлы къаргъагъа бир аш тюш!
- Аман къатын алгъан, арыр, иги къатын алгъан джарыр.
- Сабий кёргенин унутмаз.
- Кесине оноу эте билмеген, халкъына да эте билмез.
- Эки къатын алгъанны къулагъы тынгнгаймаз.
- Акъыл неден да кючлюдю.
- Келгинчи, къонакъ уялыр, келгенден сора, къонакъбай уялыр.
- Хунаны тюбюн къазсанг, юсюнге ауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72