- Терслик кетер, тюзлюк джетер.
- Садакъачыны джаны – къапчыгъында.
- Аууздан келген, къолдан келсе, ким да патчах болур эди.
- Джан саулукъ бермей, сан саулукъ бермезсе.
- Тели турса – той бузар.
- Къарнынг тойгъунчу аша да, белинг талгъынчы ишле.
- Кюл тюбюндеги от кёрюнмейди.
- Минг тенг да азды, бир джау да кёбдю.
- Ургъан суудан башынгы сакъла.
- Башда акъыл болмаса, эки аякъгъа кюч джетер.
- Айтхан – тынч, этген – къыйын.
- Кёзю сокъурдан – къоркъма, кёлю сокъурдан – къоркъ.
- Къонакъ хазыр болгъанлыкъгъа, къонакъбай хазыр тюлдю.
- Ойнай билмеген, оюн бузар.
- Тилчи бир сагъатха айлыкъ хата этер.
- Къарнынг ауруса, ауузунгу тый
- Иги адамны бир сёзю эки болмаз.
- Тамбла алтындан бюгюн багъыр ашхы.
- Юйлю уругъа ит чабмаз.
- Джангыз торгъай джырламаз.
- Кёлсюзден сёзсюз тууар.
- Джукъу тёшек сайламайды.
- Тин – байлыгъынг, терен саулугъунг.
- Джыланны къуйругъундан басарынг келсе, аны башы болгъанын унутма.
- Кютгени беш эчки, сызгъыргъаны уа, джерни джарады.
- Сабийликде юретмесенг, уллу болса – тюзелмез.
- Тёзген – тёш ашар!
- Бети – къучакълар, джюреги – бычакълар.
- Арпа, будай – ащды, алтын, кюмюш а – ташды.
- Эки элинги тыйсанг, джети элде махталырса.
- Ач къарным, тынч къулагъым.
- Аманнга игилик этсенг, юйюнге сау бармазса.
- Ишни ахырын ойламай, аллын башлама.
- Эки къатын алгъанны къулагъы тынгнгаймаз.
- Ашлыкъ – бюртюкден, джюн – тюкден.
- Намысы джокъну – дуниясы джокъ.
- Акъыллы – эл иеси, тели – эл баласы.
- Къонагъы джокъну – шоху джокъ.
- Ишни аллы бла къууанма да, арты бла къууан.
- Биреу ашаб къутулур, биреу джалаб тутулур.
- Ариу сёзде ауруу джокъ.
- Къарт айтханны этмеген, къартаймаз.
- Ата – билек, ана – джюрек!
- Айтхан сёзюне табылгъан.
- Тёрени джагъы джокъ.
- Джумушакъ сёз къаты таякъны сындырыр.
- Ариу сёз – къылычдан джити.
- Ауурну тюбю бла, дженгилни башы бла джюрюген.
- Джаз бир кюнню джатсанг, къыш талай кюнню абынырса.
- Тик ёргени, тик энгишгеси да болады.
Профиль
|
|
|||