- Келинин тута билмеген, къул этер, къызын тута билмеген, тул этер.
- Ётюрюкню къуйругъу – бир тутум.
- Акъыллы – эл иеси, тели – эл баласы.
- Оюмсуз атлагъан, аджалсыз ёлюр.
- Башда акъыл болмаса, эки аякъгъа кюч джетер.
- Тай асырагъан, атха минер.
- Тенгни тенглиги джашай барсанг билинир.
- Ата Джуртча джер болмаз, туугъан элча эл болмаз.
- Айырылмаз джууугъунга, унутмаз сёзню айтма.
- Биреуге аманлыкъны тилеме да, кесинге ашхылыкъны тиле.
- Зар адамны насыбы болмаз.
- Иги адамны бир сёзю эки болмаз.
- Танг атмайма десе да, кюн къоярыкъ тюйюлдю.
- Айранны сюйген, ийнек тутар.
- Рысхы – сют юсюнде кёмюк кибикди.
- Эл бла кёргенинг эрелей.
- Кюлме джашха – келир башха.
- Ёгюзню мюйюзюнден тутадыла, адамны сёзюнден тутадыла.
- Иги адам абынса да, джангылмаз.
- Эли джокъну – кёлю джокъ.
- Махтаннган къыз, тойда джукълар.
- Кечеси – аяз, кюню – къыш, джарлы къаргъагъа бир аш тюш!
- Ургъан суудан башынгы сакъла.
- Къазанда болса, чолпугъа чыгъар.
- Аман киши кеси юйюнде – къонакъ.
- Къошда джокъгъа – юлюш джокъ.
- Адам къыйынлыгъын кёлтюрюр, зауукълугъун кёлтюрмез.
- Терек ауса, отунчу – кёб.
- Аман адам этегингден тутса, кес да къач.
- Тилчи бир сагъатха айлыкъ хата этер.
- Нёгер болсанг, тенг бол, тенг болмасанг, кенг бол.
- Ариу – кёзге, акъыл – джюрекге.
- Ариу сёз – къылычдан джити.
- Окъуу – билимни ачхычы, окъуу – дунияны бачхычы.
- Аш кетер да бет къалыр.
- Аманны къуугъан, аманлыкъ табар.
- Ичимден чыкъды хата, къайры барайым сата?
- Чоюнну башы ачыкъ болса, итге уят керекди.
- Къарт бла баш аша, джаш бла аякъ аша.
- Аурууну келиую тынч, кетиую – къыйын.
- Баш болса, бёрк табылыр.
- Билимсиз иш бармаз.
- Акъыллы эркиши атын махтар, акъылсыз эркиши къатынын махтар.
- Къонагъынгы артмагъын алма да, алгъышын ал.
- Ана – юйню кюн джарыгъы.
- Эл тойса, тоймагъан, эл къойса, къоймагъан.
- Накъырданы арты керти болур.
- Сыфатында болмагъаны, суратында болмаз.
- Айтхан – тынч, этген – къыйын.
- Татлы тилде – сёз ариу, чемер къолда – иш ариу.
Профиль
|
|
|||