- Къатын байлыкъны сюер, эр саулукъну сюер.
- Уллу къашыкъ эрин джыртар.
- Ашлыкъны арба юйге келтирир, чана базаргъа элтир.
- Дженгил джетерикме деб, узун джолну къоюб, къысхасын барма.
- Кенгеш болса, уруш болмаз.
- Таула не мийик болсала да, аууш табылыр.
- Тёзген – тёш ашар!
- Хар ишни да аллы къыйынды.
- Аджал соруб келмез, келсе, къайтыб кетмез.
- Аз сёлеш, кёб ишле.
- Ариу сёз джыланны орнундан чыгъарыр.
- Ишин билген, аны сыйын чыгъарады.
- Адеб джокъда, намыс джокъ.
- Арбаз къынгырды да, ийнек сауалмайма.
- Билимли ёлмез, билимсиз кёрмез.
- Биреуню эскиси биреуге джангы болмайды.
- Биреуню къыйынлыгъы бла кесинге джол ишлеме.
- Къалгъан ишге къар джауар.
- Къобан да къуру да къобханлай турмайды, адам да къуру да патчахлай турмайды.
- Къолунгдан къуймакъ ашатсанг да, атаны борчундан къутулмазса.
- Минг тенг да азды, бир джау да кёбдю.
- Зар адам ашынгы ашар, кесинги сатар.
- Узун джолну барсанг, бюгюн келирсе, къысха джолну барсанг, тамбла келирсе.
- Ачлыкъ отха секиртир.
- Алгъанда – джууукъ, бергенде – джау.
- Чыкълы кюнде чыкъмагъан, чыкъса къуру кирмеген.
- Эркишини аманы тиширыуну джылатыр.
- Оюмсуз атлагъан, аджалсыз ёлюр.
- Аш берме да, къаш бер.
- Тешик этген тынчды, аны джамагъан къыйынды.
- Сёлеш деб шай берген, тохта деб, сом берген.
- Эртде тургъан бла эртде юйленнген сокъуранмаз.
- Иши джокъну, сыйы джокъ.
- Айтылгъан сёз ызына къайтмаз.
- Башда акъыл болмаса, эки аякъгъа кюч джетер.
- Ёзденликни джайгъан – джокълукъ.
- Къатын къылыкъсыз, эр тынчлыкъсыз.
- Къулакъдан эсе, кёзге ышан.
- Тёрде – темир таякълы, къаяда – чыпчыкъ аякълы.
- Гугук кесини атын айтыб къычыргъанча, мен, мен деб нек тураса?
- Сёз къанатсыз учар.
- Ашыкъгъан cуу, тенгизге джетмез.
- Къоркъакъны кёзю экили кёрюр.
- Огъурлуну сёзю – суу, огъурсузну сёзю – уу.
- Кёл – къызбай, къол – батыр.
- Атлыны кёрсе, джаяуну буту талыр.
- Акъыллы эркиши атын махтар, акъылсыз эркиши къатынын махтар.
- Булут кёкге джарашыу, уят бетге джарашыу.
- Ёлмесенг да, къарт дамы болмазса?
- Эшекге миннген – биринчи айыб, андан джыгъылгъан – экинчи айыб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72