- Къарын къуру болса, джюрек уру болур.
- Тюзлюк тас болмайды.
- Джашда акъыл джокъ, къартда къарыу джокъ.
- Аджалсыз ёлюм болмаз.
- Джигер – джаннга къыйынлыкъ.
- Ёксюзню тилеги къабыл болур.
- Нёгер болсанг, тенг бол, тенг болмасанг, кенг бол.
- Эки къатын алгъан – эки ташны ортасына башын салгъан.
- Сакъламагъан затынга джолукъсанг, не бек къууанаса, не бек ачыйса.
- Эл бла кёргенинг эрелей.
- Магъанасыз сёз – тауушсуз сыбызгъы.
- Биреуге кёлтюрген таягъынг, кесинги башынга урур.
- Адам къыйынлыгъын кёлтюрюр, зауукълугъун кёлтюрмез.
- Ашаса, ашамаса да, бёрюню ауузу – къан.
- Эл тойса, тоймагъан, эл къойса, къоймагъан.
- Джюрекге ариу – кёзге да ариу.
- Ат да турмайды бир териде.
- Эшекге миннген – биринчи айыб, андан джыгъылгъан – экинчи айыб.
- Телини эшигин, махтау джабар.
- Суу кетер, таш къалыр.
- Атадан ёксюз – бир ёксюз, анадан ёксюз – эки ёксюз.
- Аманны къуугъан, аманлыкъ табар.
- Ишлерге уял да, ашаргъа табма.
- Чакъырылмай келген къонакъ сыйланмай кетер.
- Атынг аманнга чыкъгъандан эсе, джанынг тамагъынгдан чыкъсын.
- Кёзю сокъурдан – къоркъма, кёлю сокъурдан – къоркъ.
- Джумушакъ терекни къурт ашар.
- Къонагъы джокъну – шоху джокъ.
- Къызын тута билмеген, тул этер, джашын тута билмеген, къул этер.
- Джетген къыз джерли эшекни танымаз.
- Дуния мал дунияда къалады.
- Аз айтсам, кёб ангылагъыз.
- Ат басханны джер билед.
- Уллу сёлешме да, уллу къаб.
- Ишге юренсин къоллары, халкъ бла болсун джоллары.
- Юреннген ауруу къалмаз.
- Битмегеннге сакъал – танг.
- Аджашхан тёгерек айланыр.
- Сакъалы текени да бар, мыйыгъы киштикни да бар.
- Элни кючю – эмеген.
- Ашхылыкъ джерде джатмайды, аманлыкъ суугъа батмайды.
- Адеб джокъда, намыс джокъ.
- Эрине къаргъыш этген къатын, эрнин къабар.
- Ким бла джюрюсенг, аны кёзю бла кёрюнюрсе.
- Сагъышы джокъ – джукъучу, акъылы джокъ – къаугъачы.
- Биреу ашаб къутулур, биреу джалаб тутулур.
- Байлыкъдан саулукъ ашхыды.
- Айыбны суу бла джууалмазса.
- Абынмазлыкъ аякъ джокъ, джангылмазлыкъ джаякъ джокъ.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72