- Иги сёз – джаннга азыкъ, аман сёз башха – къазыкъ.
- Ишге юренсин къоллары, халкъ бла болсун джоллары.
- Эм ашхы къайын ана мамукъ бла башынгы тешер.
- Эки итни арасына сюек атма, эки адамны арасында сёз чыгъарма.
- Айырылмаз джууугъунга, унутмаз сёзню айтма.
- Телиге акъыл салгъандан эсе, ёлгеннге джан салырса.
- Иги адамны бир сёзю эки болмаз.
- Аллахха ийнаннган кишини, Аллах онгдурур ишин.
- Сёз садакъдан кючлюдю.
- Онгсузну – джакъла, тенгликни – сакъла.
- Къайтырыкъ эшигинги, къаты уруб чыкъма.
- Къонакъ аз олтурур, кёб сынар.
- Байлыкъ тауусулур, билим тауусулмаз.
- Сютден ауузу кюйген, суугъа юфгюре эди.
- Джюрекден джюрекге джол барды.
- Ариу – кёзге, акъыл – джюрекге.
- Сабий болмагъан джерде, мёлек болмаз.
- Тыш элде солтан болгъандан эсе, кесинги элде олтан болгъан игиди!
- Гырджын – тепсини тамадасы.
- Сабийликде юретмесенг, уллу болса – тюзелмез.
- Атынг аманнга чыкъгъандан эсе, джанынг тамагъынгдан чыкъсын.
- Нарт сёз къарт болмаз.
- Киштикге къанат битсе, чыпчыкъ къалмаз эди.
- Джаз бир кюнню джатсанг, къыш талай кюнню абынырса.
- Ким бла джюрюсенг, аны кёзю бла кёрюнюрсе.
- Азыкълы ат арымаз, къатыны аман джарымаз.
- Нарт сёз – тилни бети.
- Ата – баланы уясы.
- Ёгюзню мюйюзлери ауурлукъ этмейдиле.
- Таукел адам тау тешер.
- Эл элде бирер малынг болгъандан эсе, бирер тенгинг болсун.
- Башда акъыл болмаса, эки аякъгъа кюч джетер.
- Къарны аманнга къазан такъдырма, къолу аманнга от джакъдырма.
- Иги болса, тамадама – махтау, аман болса, меннге – айыб.
- Кёрмегеннге кебек – танг, битмегеннге сакъал – танг.
- Ашхы сёз таш тешер.
- Ашына кёре табагъы, балына кёре къалагъы.
- Ишни аллы бла къууанма да, арты бла къууан.
- Къарнынг ауруса, ауузунгу тый
- Хатерли къул болур.
- Адамны бетине къарама, адетине къара.
- Адам къаллай бир ишленмесе, аллай бир кесин уллу кёреди.
- Таукелге нюр джауар.
- Насыб бютеу халкъны юлюшюдю.
- Адам къыйынлыгъын кёлтюрюр, зауукълугъун кёлтюрмез.
- Ёзденликни джайгъан – джокълукъ.
- Къар – келтирди, суу – элтди.
- Къарт болгъан джерде, берекет болур, сабий болгъан джерде, оюн болур.
- Бермеген къол, алмайды.
- Сакъламагъан затынга джолукъсанг, не бек къууанаса, не бек ачыйса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72