Эльбрусоид :: Форум

Джаханимни кёрмей, джандетге кёл салмазса.
Ётюрюкню башын керти кесер.
Сёз – кюмюш, джыр – алтын.
Юй кюйдю да, кюйюз чыкъды, ортасындан тюйюш чыкъды.
Келлик заман – къартлыкъ келтирир, кетген заман – джашлыкъ ёлтюрюр.
Иги адам абынса да, джангылмаз.
Къартны бурнун сюрт да, оноугъа тут.
Бастасын ашагъан, хантусун да ичер.
Байны оноуу, джарлыгъа джарамаз.
Эл ауузу – элек, анга ийнаннган – халек.
Джюрекден джюрекге джол барды.
Ата Джуртуму башы болмасам да, босагъасында ташы болайым.
Уллу къашыкъ эрин джыртар.
Ач, тоймам, дейди, тойгъан, ач болмам, дейди.
Къая джолда джортма, ачыкъ сёзден къоркъма.
Къолу уллу – асыу, аягъы уллу – джарсыу.
Тенги кёбню джау алмаз, акъылы кёбню дау алмаз.
Сакъалы текени да бар, мыйыгъы киштикни да бар.
Бал ашаргъа сюе эсенг, чибин ургъаннга тёз.
Терслик кетер, тюзлюк джетер.
Мухар, кеси тойса да, кёзю тоймаз.
Адамны артындан къара сабан сюрме.
Ётюрюк хапар аякъ тюбю бла джюрюйдю.
Адамны адамлыгъы къыйынлыкъда айгъакъланады.
Зар адам ашынгы ашар, кесинги сатар.
Мени джылытмагъан кюн, меннге тиймесин!
Акъыл неден да кючлюдю.
Ач да бол, токъ да бол – намысынга бек бол.
Къанны къан бла джуума, аманны аман бла къуума.
Сагъышы джокъ – джукъучу, акъылы джокъ – къаугъачы.
Харам къарнашдан, халал тенг ашхы.
Чалманны аллы къалай башланса, арты да алай барады.
Байдан умут эте, джарлыдан ёгюз багъасы къорады.
Акъыллы – эл иеси, тели – эл баласы.
Намысы джокъну – дуниясы джокъ.
Аманны тукъумуна къарама, игини тукъумун сорма.
Байлыкъдан саулукъ ашхыды.
Чакъырылмагъан къонакъ – орунсуз.
Къарт болгъан джерде, берекет болур, сабий болгъан джерде, оюн болур.
Ат басханны джер билед.
Мухардан ач ычхынмаз.
Урама да – ёледи, сатама да – келеди.
Киштикге къанат битсе, чыпчыкъ къалмаз эди.
Тил – кесген бычакъ, сёз – атылгъан окъ.
Ургъан суудан башынгы сакъла.
Ушамагъан – джукъмаз.
Эркиши – от, тиширыу – суу.
Къарын къуру болса, джюрек уру болур.
Тёрдеги кюлсе, эшикдеги ышарыр.
Сютню башын джалагъан къутулур, тюбюн ичген тутулур.

Логин:
Пароль:
	Запомнить меня на этом компьютере

Забыли свой пароль?
Регистрация