- Рысхысына кёре, джаш ёсер, къышлыгъына кёре, мал ёсер.
- Ач къарным, тынч къулагъым.
- Тенгни тенглиги джашай барсанг билинир.
- Ишлегенде эринме, ишде чолакъ кёрюнме.
- Къыз чыгъаргъан – къызыл къымжа.
- Ачылгъан эт джабылыр, кёрген кёз унутмаз.
- Адамны артындан къара сабан сюрме.
- Минг тенг да азды, бир джау да кёбдю.
- Бетинги сатма, малынгы сат.
- Ётюрюкчюню шагъаты – къатында.
- Къызын тута билмеген, тул этер, джашын тута билмеген, къул этер.
- Кимни – тили, тиши онглу, кимни – къолу, иши онглу.
- Аш иеси бла татлыды.
- Нарт сёз къарт болмаз.
- Ана къойну – балагъа джандет.
- Башда акъыл болмаса, эки аякъгъа кюч джетер.
- Бек анасы джыламаз.
- Чабар ат – джетген къыз.
- Чыкълы кюнде чыкъмагъан, чыкъса къуру кирмеген.
- Накъырданы арты керти болур.
- Кечеси – аяз, кюню – къыш, джарлы къаргъагъа бир аш тюш!
- Эри аманны, къатыны – аман.
- Ёлген аслан – сау чычхан.
- Юре билмеген ит, къонакъ келтирир.
- Къулакъдан эсе, кёзге ышан.
- Къазанда болса, чолпугъа чыгъар.
- Бёрю да ач къалмасын, эчки да ашалмасын.
- Тай асырагъан, атха минер.
- Тюзлюк шохлукъну бегитир.
- Айтхан – тынч, этген – къыйын.
- Кёзден кетген, кёлден да кетеди.
- Иги сеники эсе да, сюйген кесимикин этеме.
- Халкъгъа джарагъан, джарлы къалмаз.
- Ишни ахырын ойламай, аллын башлама.
- Билмезни кёзю кёрмез, этмезни къулагъы эшитмез.
- Бермеген къол, алмайды.
- Ауругъаннга – кийик саулукъ, джетген къызгъа – чилле джаулукъ.
- Башы ишлегенни, ауузу да ишлер.
- Айыбны суу бла джууалмазса.
- Ёмюрлюк шохлукъну джел элтмез.
- Ким бла джюрюсенг, аны кёзю бла кёрюнюрсе.
- Джашда акъыл джокъ, къартда къарыу джокъ.
- Тилчиден кери бол.
- Бет бетге къараса, бет да джерге къарар.
- Къан бла кирген, джан бла чыгъар.
- Уллу къазанда бишген эт, чий къалмаз.
- Къартны сыйын кёрмеген, къартлыгъында сыйлы болмаз.
- Мухардан ач ычхынмаз.
- Берекет берсин деген джерде, берекет болур.
- Тойгъа алгъа да барма, тойда артха да къалма.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
10.11.2015 03:31:59
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама. Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн.. Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ. Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да. Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз. Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз. Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа? Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду. Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз? Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема. |
|
|
|
11.11.2015 02:21:07
Sabr,
Сизге сау бол!! Аллах разы болсун) Башха кюннгеми разысыз сиз огъесе къойдукъму?! |
|
|
|
11.11.2015 02:47:46
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да. |
|||
|
|
11.11.2015 22:35:48
Nasib&Namis, огъур бла башлайыкъ!))
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да)))
Я самая классная на форуме))))))))))))))
|
|
|
|
11.11.2015 22:40:27
Черника, хош кел!!!)))
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
|
|
|
|
11.11.2015 22:42:07
Я самая классная на форуме))))))))))))))
|
|||
|
|
11.11.2015 23:46:28
|
|
|
|
12.11.2015 00:02:23
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
|
|||
|
|
12.11.2015 00:35:35
Сэстренка,
Хата джокъ, Эгешчигим))))) |
|
|
|
13.11.2015 23:20:06
ТИЛСИЗ МИЛЛЕТ ДЖОКЪ БОЛУР.
Акъбайланы И. |
|
|
|
16.11.2015 00:42:40
Адам бала-
Ол сыйлыды хар неден: Айыб алыр Урлагъан бла тилеген. Сенек, балта- Ол джашчыкъны ишиди. Сауут-саба Иги къызны бетиди. |
|
|
|
16.11.2015 00:45:13
Ауругъанны айыб болур къозугъан;
Абыннганны тургъуз,тутуб къолундан . |
|
|
|
16.11.2015 00:48:19
Уллу кирсе,
Гитче ёрге турады. Орнун берген, Кеси сыйлы болады. |
|
|
|
16.11.2015 00:49:29
Кёб сёлешген -
Ол айыбды адамгъа. Юй хапарны Баям этме орамгъа. |
|
|
|
16.11.2015 00:51:26
Миллет деген- ол бир джуртну иеси;
Аны болур адет,намыс тёреси. |
|
|
|
25.11.2015 00:23:59
Бюгюн ана тилде сёлеширге керек шойбуз...
Къалгъан кюнледе уа? |
|
|
|
25.11.2015 02:55:27
Селеширге излеген кюн сайламайын селешсе иги болур ) |
|||
|
|
25.11.2015 02:57:42
Языки айфона))
|
||||
|
|
|||
Читают тему (гостей: 1)