- Башсыз урчукъ тюзюне айланмаз.
- Алма терегинден кери кетмез.
- Ишленмеклик адамлыкъды.
- Тамбла алтындан бюгюн багъыр ашхы.
- Таукел тауну аудурур.
- Суугъа – таянма, джаугъа – ийнанма.
- Тёгюлген тюгел джыйылмайды.
- Ойнаб айтсанг да, эслеб айт.
- Къумурсхала джыйылсала, пилни да джыгъадыла.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чыбыкълыкъда бюгюлмеген, къазыкълыкъда бюгюлмей эди.
- Мадар болса, къадар болур.
- Сабыр джетер муратха, сабырсыз къалыр уятха.
- Игини сыйлагъан адетди.
- Джаш къарыу бла кючлю, къарт акъыл бла кючлю.
- Элде адам къалмаса, ит тахтагъа минер.
- Нарт сёз къарт болмаз.
- Мухарны эси – ашарыкъда.
- Джаханимни кёрмей, джандетге кёл салмазса.
- Сибиртки да сыйлы болду, кюрек да кюнлю болду.
- Къатын къылыкъсыз, эр тынчлыкъсыз.
- Джарашыу сюйген – джалынчакъ.
- Кийимни бир кюнню аясанг, минг кюннге джарар.
- Иги болса, тамадама – махтау, аман болса, меннге – айыб.
- Юй кюйдю да, кюйюз чыкъды, ортасындан тюйюш чыкъды.
- Тилчиден кери бол.
- Кесинг сынамагъан затны, адамгъа буюрма.
- Кёзню ачылгъаны – иги, ауузну джабылгъаны – иги.
- Бети – къучакълар, джюреги – бычакълар.
- Битмегеннге сакъал – танг.
- Джумушакъ терекни къурт ашар.
- Ойнай-ойнай кёз чыгъар.
- Бир онгсуз адам адет чыгъарды, деб эштирик тюлсе.
- Айранын берсенг, челегин да къызгъанма.
- Аман эсирсе, юйюн ояр.
- Къыз тиширыу кеси юйюнде да къонакъды.
- Ашда уялгъан – мухар, ишде уялгъан – хомух.
- Джангыз терек къынгыр ёсер.
- Кийиминг бла танылма, адамлыкъ бла таныл.
- Къолунгдан къуймакъ ашатсанг да, атаны борчундан къутулмазса.
- Кирсизни – саны таза, халалны – къаны таза.
- Намыс болмагъан джерде, насыб болмаз.
- Чакъырылмагъан къонакъ къачан кетерин сормаз.
- Джыйырма къойну юч джыйырма эбзе кюте эди.
- Игилик игилик бла сингдирилиучю затды.
- Татлы тилде – сёз ариу, чемер къолда – иш ариу.
- Ариу сёз аурууунгу алыр.
- Ёгюзню мюйюзюнден тутадыла, адамны сёзюнден тутадыла.
- Кёзю сокъурдан – къоркъма, кёлю сокъурдан – къоркъ.
- Аман киши кеси юйюнде – къонакъ.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
10.11.2015 03:31:59
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама. Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн.. Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ. Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да. Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз. Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз. Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа? Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду. Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз? Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема. |
|
|
|
11.11.2015 02:21:07
Sabr,
Сизге сау бол!! Аллах разы болсун) Башха кюннгеми разысыз сиз огъесе къойдукъму?! |
|
|
|
11.11.2015 02:47:46
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да. |
|||
|
|
11.11.2015 22:35:48
Nasib&Namis, огъур бла башлайыкъ!))
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да)))
Я самая классная на форуме))))))))))))))
|
|
|
|
11.11.2015 22:40:27
Черника, хош кел!!!)))
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
|
|
|
|
11.11.2015 22:42:07
Я самая классная на форуме))))))))))))))
|
|||
|
|
11.11.2015 23:46:28
|
|
|
|
12.11.2015 00:02:23
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
|
|||
|
|
12.11.2015 00:35:35
Сэстренка,
Хата джокъ, Эгешчигим))))) |
|
|
|
13.11.2015 23:20:06
ТИЛСИЗ МИЛЛЕТ ДЖОКЪ БОЛУР.
Акъбайланы И. |
|
|
|
16.11.2015 00:42:40
Адам бала-
Ол сыйлыды хар неден: Айыб алыр Урлагъан бла тилеген. Сенек, балта- Ол джашчыкъны ишиди. Сауут-саба Иги къызны бетиди. |
|
|
|
16.11.2015 00:45:13
Ауругъанны айыб болур къозугъан;
Абыннганны тургъуз,тутуб къолундан . |
|
|
|
16.11.2015 00:48:19
Уллу кирсе,
Гитче ёрге турады. Орнун берген, Кеси сыйлы болады. |
|
|
|
16.11.2015 00:49:29
Кёб сёлешген -
Ол айыбды адамгъа. Юй хапарны Баям этме орамгъа. |
|
|
|
16.11.2015 00:51:26
Миллет деген- ол бир джуртну иеси;
Аны болур адет,намыс тёреси. |
|
|
|
25.11.2015 00:23:59
Бюгюн ана тилде сёлеширге керек шойбуз...
Къалгъан кюнледе уа? |
|
|
|
25.11.2015 02:55:27
Селеширге излеген кюн сайламайын селешсе иги болур ) |
|||
|
|
25.11.2015 02:57:42
Языки айфона))
|
||||
|
|
|||
Читают тему (гостей: 1)