- Ашын ашагъанынгы, башын да сыйла.
- Чабар ат – джетген къыз.
- Киштикге къанат битсе, чыпчыкъ къалмаз эди.
- Ашлыкъ – бюртюкден, джюн – тюкден.
- Гитче джилтин уллу элни джандырыр.
- Ашаса, ашамаса да, бёрюню ауузу – къан.
- Акъыл неден да кючлюдю.
- Къарнынг тойгъунчу аша да, белинг талгъынчы ишле.
- Тилде сюек болмаса да, сюек сындырыр.
- Ауузу аманнга «иги», деме.
- Этим кетсе да, сюегим къалыр.
- Сабийликде юретмесенг, уллу болса – тюзелмез.
- Бети – къучакълар, джюреги – бычакълар.
- Айтылгъан буйрукъ, сёгюлмез
- Ханы къызы буюгъа-буюгъа киштик болду.
- Аман къатын алгъан, арыр, иги къатын алгъан джарыр.
- Тилчи бир сагъатха айлыкъ хата этер.
- Телиге акъыл салгъандан эсе, ёлгеннге джан салырса.
- Хар зат кесини орнуна иги.
- Сагъышы джокъ – джукъучу, акъылы джокъ – къаугъачы.
- Келинин тута билмеген, къул этер, къызын тута билмеген, тул этер.
- Огъурлуну сёзю – суу, огъурсузну сёзю – уу.
- Биреуге кёлтюрген таягъынг, кесинги башынга урур.
- Ашха уста, юйюнде болсун
- Эркишиге тары кебек танг кёрюнюр.
- Ашарыкъда сайлагъаннга – чий гырджын.
- Рысхы – сют юсюнде кёмюк кибикди.
- Иги – алгъыш этер, аман – къаргъыш этер.
- Этни да ашады, бетни да ашады.
- Хансыз джомакъ болмаз.
- Чомартны къолу берекет.
- Адеб этмеген, адеб кёрмез.
- Аууздан келген, къолдан келсе, ким да патчах болур эди.
- Ариу – кёзге, акъыл – джюрекге.
- Байлыкъдан саулукъ ашхыды.
- Аш хазыр болса, иш харам болур.
- Ачлыкъ отха секиртир.
- Джети тилни билген джети кишиди.
- Таякъ этден ётер, тил сюекден ётер.
- Айраннга суу къош, телиге джол бош.
- Шекер бла туз – бир болмаз, ушамагъан – юй болмаз.
- Аман адам этегингден тутса, кес да къач.
- Сакъ юйюне сау барыр.
- Кийим тукъум сордурур.
- Мухар, кеси тойса да, кёзю тоймаз.
- Чабакъсыз кёлге къармакъ салгъанлыкъгъа, чабакъ тутмазса.
- Хоншуну тауугъу къаз кёрюнюр, келини къыз кёрюнюр.
- Баш – акъыл ючюн, акъылман – халкъ ючюн.
- Мураты болгъанны джюрек тебюую башхады.
- Къарны аманнга къазан такъдырма, къолу аманнга от джакъдырма.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
10.11.2015 03:31:59
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама. Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн.. Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ. Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да. Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз. Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз. Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа? Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду. Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз? Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема. |
|
|
|
11.11.2015 02:21:07
Sabr,
Сизге сау бол!! Аллах разы болсун) Башха кюннгеми разысыз сиз огъесе къойдукъму?! |
|
|
|
11.11.2015 02:47:46
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да. |
|||
|
|
11.11.2015 22:35:48
Nasib&Namis, огъур бла башлайыкъ!))
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да)))
Я самая классная на форуме))))))))))))))
|
|
|
|
11.11.2015 22:40:27
Черника, хош кел!!!)))
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
|
|
|
|
11.11.2015 22:42:07
Я самая классная на форуме))))))))))))))
|
|||
|
|
11.11.2015 23:46:28
|
|
|
|
12.11.2015 00:02:23
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
|
|||
|
|
12.11.2015 00:35:35
Сэстренка,
Хата джокъ, Эгешчигим))))) |
|
|
|
13.11.2015 23:20:06
ТИЛСИЗ МИЛЛЕТ ДЖОКЪ БОЛУР.
Акъбайланы И. |
|
|
|
16.11.2015 00:42:40
Адам бала-
Ол сыйлыды хар неден: Айыб алыр Урлагъан бла тилеген. Сенек, балта- Ол джашчыкъны ишиди. Сауут-саба Иги къызны бетиди. |
|
|
|
16.11.2015 00:45:13
Ауругъанны айыб болур къозугъан;
Абыннганны тургъуз,тутуб къолундан . |
|
|
|
16.11.2015 00:48:19
Уллу кирсе,
Гитче ёрге турады. Орнун берген, Кеси сыйлы болады. |
|
|
|
16.11.2015 00:49:29
Кёб сёлешген -
Ол айыбды адамгъа. Юй хапарны Баям этме орамгъа. |
|
|
|
16.11.2015 00:51:26
Миллет деген- ол бир джуртну иеси;
Аны болур адет,намыс тёреси. |
|
|
|
25.11.2015 00:23:59
Бюгюн ана тилде сёлеширге керек шойбуз...
Къалгъан кюнледе уа? |
|
|
|
25.11.2015 02:55:27
Селеширге излеген кюн сайламайын селешсе иги болур ) |
|||
|
|
25.11.2015 02:57:42
Языки айфона))
|
||||
|
|
|||
Читают тему (гостей: 2)