Войти на сайт
4 Мая 2024 года

 

  • Сёз садакъдан кючлюдю.
  • Окъуу – билимни ачхычы, окъуу – дунияны бачхычы.
  • Кёл ашады да, кеси ашады.
  • Айтханы чапыракъдан ётмеген.
  • Экеулен сёлеше тура эселе, орталарына барыб кирме.
  • Айтхан сёзюне табылгъан.
  • Къонагъынгы артмагъын алма да, алгъышын ал.
  • Уллу айтханны этмеген – уллаймаз.
  • Айтхан – тынч, этген – къыйын.
  • Аджашхан тёгерек айланыр.
  • Эли джокъну – кёлю джокъ.
  • Aдам боллукъ, сыфатындан белгили.
  • Кёз – сюйген джерде, къол – ауругъан джерде.
  • Ауругъаннга – кийик саулукъ, джетген къызгъа – чилле джаулукъ.
  • Кюн кёрмеген, кюн кёрсе, кюндюз чыракъ джандырыр.
  • Тойгъан джерге джети къайт.
  • Уруну арты – къуру.
  • Нарт сёз – тилни бети.
  • Кёл – къызбай, къол – батыр.
  • Байны къызы баймакъ болса да, юйде къалмаз!
  • Намысы джокъну – дуниясы джокъ.
  • Агъач халкъгъа алтынды, иссиликге салкъынды.
  • Аджалсыз ёлюм болмаз.
  • Ашына кёре табагъы, балына кёре къалагъы.
  • Ач келгенни – тойдур, кеч келгенни – къондур.
  • Нарт сёз къарт болмаз.
  • Къарнынг бла ёч алма.
  • Намысы болмагъанны, сыйы болмаз.
  • Джан саулукъ бермей, сан саулукъ бермезсе.
  • Аманны тукъумуна къарама, игини тукъумун сорма.
  • Кёкдеги болмаса, джердегин кёрмейди.
  • Хоншуну тауугъу къаз кёрюнюр, келини къыз кёрюнюр.
  • Ёпкелегенни ашы татлы болады.
  • Адамны сабийин сюйген джюреги, бычакъча, джитиди.
  • Аджаллыгъа окъсуз шкок атылыр.
  • Ач къарынны, токъ билмез
  • Ёлюк кебинсиз къалмаз.
  • Халкъгъа джарагъан, джарлы къалмаз.
  • Таякъ этден ётер, тил сюекден ётер.
  • Эр сокъур болсун, къатын тилсиз болсун.
  • Хар адамгъа кеси миннген тау кибик.
  • Асхат ашлыкъ сата, юйдегиси ачдан къата.
  • Къыйынлы джети элни къайгъысын этер.
  • Мал тутхан – май джалар.
  • Бастасын ашагъан, хантусун да ичер.
  • Айырылмаз джууугъунга, унутмаз сёзню айтма.
  • Бал чибинни ургъаны – ачы, балы – татлы.
  • Эринчекни аурууу – кёб.
  • Мен да «сен», дейме, сен да «кесим», дейсе.
  • Иги – алгъыш этер, аман – къаргъыш этер.

 

Архив Форума » Бёлюмле :: Тематические разделы » Ана тилде :: Ana tilde
Страницы: 1 2 3 След.
RSS
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
 
#1
Джаратама0
10.11.2015 02:58:53
Багъалы эгечлерим эмда къарнашларым!!!! :мерси:
  1. Бюгюнден башлаб, хар гюрге кюн сайын :усипуси: ЭЛЬБРУСОИДДЕ -ФОРУМДА АНА ТИЛНИ КЮНЮ БОЛЛУКЪДУ!!!! :браво:

...джангыз ана тилде сёлешейик,келигиз ол кюн джетгенлей... :oops:
ТИЛИБИЗНИ унутмайыкъ...Сакълайыкъ... джокъ этиб къоймайыкъ.... :царь:

Халатла бла джазама...оооо..мен ана тилде джаза билмейме деб артына тартмагъыз)) бирликде-тирилик))
...алай бла юрене барлыкъбыз... болуша турлукъбуз... :куку:

БЛАЙДА СИЗ КЪОРКЪУР ЗАТ ДЖОКЪДУ 😉 :дайпять:
Гюрге кюн ол- в т о р н и к д и !!!!! :emojio68:

САУ БОЛУГЪУЗ ЭС БЁЛГЕНИГИЗГЕ!!!!
КЕТДИК :лечу:
 
 
 
#2
Джаратама0
10.11.2015 03:31:59
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама.

Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..

Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ.

Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да.

Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз.

Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз.
Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа?

Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду.

Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз?

Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема.
 
 
 
#3
Джаратама0
11.11.2015 02:21:07
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
 
 
 
#4
Джаратама0
11.11.2015 02:47:46
Цитата
Nasib&Namis пишет:
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
Турсун тургъаныча. Кюнлени тюрлендирген тынчды, адамланы тюрлендиргенди къыйын. Алай а, кюрешиб турургъа керекди.
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да.
 
 
 
#5
Джаратама0
11.11.2015 22:22:31
Nasib&Namis, сау болугъуз бу тема ючюн! Мен Тюркде джашайма, юйде бирбирибизле ана тилибизде сёлешебиз, да мен Къарачайлы нёгер табыб аны бла да сёлеширге сюе эдим алай а уллу шахарда Къарачайлы адамгъа тюбемедим былайда джашагъан джууукъларыбыздан сора. Аны амалтын бек къууандым сау болугъуз!
 
 
 
#6
Джаратама0
11.11.2015 22:35:48
Nasib&Namis, огъур бла башлайыкъ!)) :гоккачыкъ:
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да))) :гыы:
Я самая классная на форуме))))))))))))))
 
 
 
#7
Джаратама0
11.11.2015 22:40:27
Черника, хош кел!!!))) :гоккачыкъ:
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
 
 
 
#8
Джаратама0
11.11.2015 22:42:07
Цитата
Sabr пишет:
Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..
Билал, ол кюн атеист къалгъан болмаз эди... Аллахдан башха болушлукъ табмазлыкъларын ангыламагъан болмаз эди ол кюн не бир адамдан, не бир затдан.
Я самая классная на форуме))))))))))))))
 
 
 
#9
Джаратама0
11.11.2015 23:46:28
Sabr,Черника, Сэстренка, сау болугъуз ))) хо)))керти классно болду, Элен)))бирликде-тирилик... сизсиз джукъ да болмазлыгъын билигиз!))
 
 
 
#10
Джаратама0
12.11.2015 00:02:23
Цитата
Nasib&Namis пишет:
керти классно болду, Элен)))
))))))))
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
 
 
 
#11
Джаратама0
12.11.2015 00:35:35
Сэстренка,
Хата джокъ, Эгешчигим)))))
 
 
 
#12
Джаратама0
12.11.2015 01:02:59
Сэстренка,
Керти къууандым былайда ана тилибизде ушакъ этилгенине. Мен да университетда сохтама) Былайда туугъанма, хо джаратама былайын алай а Ата-Джуртну кёрюрге бир да кёб излейме. Хо тюз айтаса)
 
 
 
#13
Джаратама0
12.11.2015 08:26:59
Бек аламат:)
Магъанасы кюнню ол болсун, бюгюнлюкде бир-эки деб адам къошулсун, тамласында кёб болурбуз Аллах буюрса))
Кюннлени къарасын кийерге джарамаз, къаза кетсенг къайсы кюннгеда табылыр "чёрный вторник" неда "кровавый воскресение", ол затха асыры терен кирмесек керекди!
Сёзню ызындан: (никто никого не заставляет!!!) разы болугъуз за мой французский, сизле бла бирге юрене барлыкъма:)
 
 
 
#14
Джаратама1
13.11.2015 23:20:06
ТИЛСИЗ МИЛЛЕТ ДЖОКЪ БОЛУР.
Акъбайланы И.
 
 
 
#15
Джаратама1
13.11.2015 23:30:21
ИГИ СЁЗ

ИГИ СЁЗНЮ БЫЧАКЪ КЕСМЕЗ,
ИГИ СЁЗНЮ БОРАН ЭЛТМЕЗ,
ИГИ СЁЗ ОТДА КЮЙМЕЗ,
ИГИ СЁЗГЕ БАГЪА ДЖЕТМЕЗ.


ИГИ СЁЗ ДЖОМАКЪДЫ,ДЖЫРДЫ,
СЁЗЮ БАРНЫ КЮЧЮ БАРДЫ!
ИГИ СЁЗСЮЗ ДУНИЯ ТАРДЫ,
ДЖЮРЕК,ДЖОЛ ДА КЪАРАНГЫДЫ.

ИГИ СЁЗ ДЖОЛ НЁГЕР БОЛАД,
КЪЫЙЫН КЮН БИРГЕНГЕ БАРАД.
БИЗ ЁЛСЕК- ИГИ СЁЗ КЪАЛАД,
ОЛ САУ КЪАЛГЪАНЛАГЪА ДЖАРАЙД.

МЕЧИЛЕНИ КЯЗИМ
 
 
 
#16
Джаратама0
14.11.2015 15:27:47
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?
 
 
 
#17
Джаратама0
16.11.2015 00:42:40
Адам бала-
Ол сыйлыды хар неден:
Айыб алыр
Урлагъан бла тилеген.

Сенек, балта-
Ол джашчыкъны ишиди.
Сауут-саба
Иги къызны бетиди.
 
 
 
#18
Джаратама1
16.11.2015 00:45:13
Ауругъанны айыб болур къозугъан;
Абыннганны тургъуз,тутуб къолундан .
 
 
 
#19
Джаратама1
16.11.2015 00:48:19
Уллу кирсе,
Гитче ёрге турады.
Орнун берген,
Кеси сыйлы болады.
 
 
 
#20
Джаратама0
16.11.2015 00:49:29
Кёб сёлешген -
Ол айыбды адамгъа.
Юй хапарны
Баям этме орамгъа.
 
 
 
#21
Джаратама0
16.11.2015 00:51:26
Миллет деген- ол бир джуртну иеси;
Аны болур адет,намыс тёреси.
 
 
 
#22
Джаратама0
17.11.2015 00:58:35
Цитата

ЙУЖНЫ_ШПИЙЁНЪ пишет:
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?

Бизни сёзлюк китабыбызда болмагъан джангы сёзле къураргъа дей? Огъесе,менми терс англадым )
 
 
 
#23
Джаратама0
25.11.2015 00:23:59
Бюгюн ана тилде сёлеширге керек шойбуз...

Къалгъан кюнледе уа?
 
 
 
#24
Джаратама0
25.11.2015 02:55:27
Цитата

Sabr пишет:
Бюгюн ана тилде сёлеширге керек шойбуз...

Къалгъан кюнледе уа?

Селеширге излеген кюн сайламайын селешсе иги болур )
 
 
 
#25
Джаратама0
25.11.2015 02:57:42
Языки айфона))
 
 
 
Страницы: 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.