- Къалгъан ишге къар джауар.
- Тёрени джагъы джокъ.
- Къуру гыбыт бек дыгъырдар.
- Болджал ишни бёрю ашар.
- Нёгерсизни джолу узун.
- Ишин билген, аны сыйын чыгъарады.
- Атадан ёксюз – бир ёксюз, анадан ёксюз – эки ёксюз.
- Халкъны юйю – туугъан джери.
- Ариу сёз аурууунгу алыр.
- Ач уят къоймаз.
- Харам къарнашдан, халал тенг ашхы.
- Джашынгы кесинг юретмесенг, джашау юретир.
- Сагъыш – къартлыкъгъа сюйюмчю.
- Аууз сакълагъан – джан сакълар.
- Урунуу – насыбны анасы.
- Ашын ашагъанынгы, башын да сыйла.
- Къайтырыкъ эшигинги, къаты уруб чыкъма.
- Къонакъ аман болса, къонакъбай джунчур
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны джюреги нени кёрюрге сюйсе, кёзю да аны кёрюрге ёч болады.
- Ишлегенде эринме, ишде чолакъ кёрюнме.
- Олтуруб кёрюнмей эди да, ёрге туруб кёрюне эди.
- Аз сёлешген, къайгъысыз турур.
- Къыз келсе, джумуш эте келеди, къатын келсе, ушакъ эте келеди.
- Байлыкъдан саулукъ ашхыды.
- Къонагъы джокъну – шоху джокъ.
- Къатын байлыкъны сюер, эр саулукъну сюер.
- Джырчы ёлсе, джыры къалыр.
- Садакъачыны джаны – къапчыгъында.
- Къайгъыны сюйген, къайгъы табар.
- Айраннга суу къош, телиге джол бош.
- Агъач – джерни чырайы, кийим – эрни чырайы.
- Иги сёз – джаннга азыкъ, аман сёз башха – къазыкъ.
- Бюгюн дуния кибик, тамбла ахыратды.
- Уллу айтханны этмеген – уллаймаз.
- Байны къызы баймакъ болса да, юйде къалмаз!
- Таукел къуру къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къралынгы – душмандан, башынгы от бла суудан сакъла.
- Аман къатын сабий табса, бий болур…
- Нарт сёз къарт болмаз.
- Ата Джуртуму башы болмасам да, босагъасында ташы болайым.
- Уллу къашыкъ эрин джыртар.
- Атынг аманнга чыкъгъандан эсе, джанынг тамагъынгдан чыкъсын.
- Чомартны къолун джокълукъ байлар.
- Асхат ашлыкъ сата, юйдегиси ачдан къата.
- Кёзюнде тереги болгъан, чёбю болгъаннга кюле эди.
- Ёлген аслан – сау чычхан.
- Тойну къарнашы – харс, джырны къарнашы – эжиу.
- Юйлю уругъа ит чабмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72