- Джетген къыз джерли эшекни танымаз.
- Байлыкъ тауусулур, билим тауусулмаз.
- Атынг аманнга чыкъгъандан эсе, джанынг тамагъынгдан чыкъсын.
- Кёл – къызбай, къол – батыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу айтханны этмеген – уллаймаз.
- Окъуу – билимни ачхычы, окъуу – дунияны бачхычы.
- Тюкюрюк баш джармаз, налат кёз чыгъармаз!
- Къобан да къуру да къобханлай турмайды, адам да къуру да патчахлай турмайды.
- Бозаны арты дауур болур.
- Аман хансны – урлугъу кёб.
- Джылар джаш, атасыны сакъалы бла ойнар.
- Ач бёрюге мекям джокъ.
- Сабийликде юретмесенг, уллу болса – тюзелмез.
- Чабакъсыз кёлге къармакъ салгъанлыкъгъа, чабакъ тутмазса.
- Айранны сюйген, ийнек тутар.
- Биреуге аманлыкъны тилеме да, кесинге ашхылыкъны тиле.
- Къонакъ болсанг, ийнакъ бол.
- Мураты болгъанны джюрек тебюую башхады.
- Ёлюр джаннга, ёкюл джокъ.
- Этни бети бла шорпасы.
- Бал – татлы, балдан да бала – татлы.
- Уллу къазанда бишген эт, чий къалмаз.
- Туз, гырджын аша, тюзлюк бла джаша.
- Ашда уялгъан – мухар, ишде уялгъан – хомух.
- Сескекли кесин билдирир.
- Атлыны кёрсе, джаяуну буту талыр.
- Рысхы – насыбха къор.
- Аллахдан тилесенг, кёб тиле.
- Чомартны къолун джокълукъ байлар.
- Джангыз торгъай джырламаз.
- Хаухну атма, ёнгкючню сатма.
- Ат басханны джер билед.
- Тойгъа алгъа да барма, тойда артха да къалма.
- Ариу сёз – джаннга азыкъ, аман сёз – башха къазыкъ.
- Билген билмегенни юретген адетди.
- Сормай – алма, чакъырылмай – барма.
- Джангызны оту джарыкъ джанмаз!
- Эр сокъур болсун, къатын тилсиз болсун.
- Адамны аманы адамны бети бла ойнар.
- Къарт бла баш аша, джаш бла аякъ аша.
- Хар сёзню орну барды.
- Ойнай билмеген, оюн бузар.
- Аман киши кеси юйюнде – къонакъ.
- Атлыны ашхысы, ат тизгининден билинир
- Адеб этмеген, адеб кёрмез.
- Ат да турмайды бир териде.
- Баш болса, бёрк табылыр.
- Таш бла ургъанны, аш бла ур.
- Джарашыу сюйген – джалынчакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72