Эльбрусоид :: Форум :: Архив форумов

Эски джаугъа ышанма.
Ушамагъан – джукъмаз.
Айран тёгюлсе, джугъусу къалыр.
Туз, гырджын аша, тюзлюк бла джаша.
Ач отунчуну ачыуу – бурнунда.
Джашда акъыл джокъ, къартда къарыу джокъ.
Ойнаб айтсанг да, эслеб айт.
Ишлемеген – тишлемез.
Джашны джигитлиги сорулур, къызны джигерлиги сорулур.
Кирсизни – саны таза, халалны – къаны таза.
Иги болса, тамадама – махтау, аман болса, меннге – айыб.
Баш – акъыл ючюн, акъылман – халкъ ючюн.
Тойгъан антын унутур.
Ата Джуртун танымагъан, атасын да танымаз.
Атлыны кёрсе, джаяуну буту талыр.
Къарын къуру болса, джюрек уру болур.
Булут кёкге джарашыу, уят бетге джарашыу.
Артына баргъанны, къатына барма.
Ишлегенден, къарагъан уста.
Ариу сёз джыланны орнундан чыгъарыр.
Ётюрюкден тюбю джокъ, кёлтюрюрге джиби джокъ.
Байма, деб да, къууанма, джарлыма, деб да, джылама.
Ёпкелегенни ашы татлы болады.
Къыйынлы джети элни къайгъысын этер.
Урама да – ёледи, сатама да – келеди.
Кёбден умут этиб, аздан къуру къалма.
Эр абынмай, эл танымаз.
Эркишини аманы тиширыуну джылатыр.
Бетинги сатма, малынгы сат.
Билимден уллу байлыкъ джокъду.
Алтыннга тот къонмаз.
Юреннген ауруу къалмаз.
Таукел тауну аудурур.
Аманнга да, игиге да оноусуз къатышма.
Телиге акъыл салгъандан эсе, ёлгеннге джан салырса.
Юйлю уругъа ит чабмаз.
Ач – эснер, ат – кишнер.
Ишлерге уял да, ашаргъа табма.
Арбаз къынгырды да, ийнек сауалмайма.
Джюрекден джюрекге джол барды.
Байдан умут эте, джарлыдан ёгюз багъасы къорады.
Ётюрюкню башын керти кесер.
Джылкъыдан – ат чыгъар, тукъумдан – джаш чыгъар.
Иги сёз – джаннга азыкъ, аман сёз башха – къазыкъ.
Окъугъанны бети джарыкъ.
Сакъламагъан затынга джолукъсанг, не бек къууанаса, не бек ачыйса.
Эллинг бла джау болсанг да, юйюнг бла джау болма.
Къонакъ хазыр болгъанлыкъгъа, къонакъбай хазыр тюлдю.
Байлыкъ келсе, акъыл кетер.
Тай асырагъан, атха минер.

Логин:
Пароль:
	Запомнить меня на этом компьютере

Забыли свой пароль?
Регистрация