- Джыйырма къойну юч джыйырма эбзе кюте эди.
- Джумушакъ сёз къаты таякъны сындырыр.
- Джашлыкъ этмеген, башлыкъ этмез.
- Эртде тургъан бла эртде юйленнген сокъуранмаз.
- Хар сёзню орну барды.
- Ат да турмайды бир териде.
- Ач – эснер, ат – кишнер.
- Сабийни джумушха джибер да, ызындан бар.
- Биреуге аманлыкъ этиб, кесинге игилик табмазса.
- Къыйынлы джети элге оноу этер.
- Оюмсуз атлагъан, аджалсыз ёлюр.
- Аллахха ийнаннган кишини, Аллах онгдурур ишин.
- Къар – келтирди, суу – элтди.
- Кийим тукъум сордурур.
- Тин – байлыгъынг, терен саулугъунг.
- Ишни ахырын ойламай, аллын башлама.
- Джаш къарыу бла кючлю, къарт акъыл бла кючлю.
- Адамгъа аман кюн соруб келмейди.
- Акъыллы – эл иеси, тели – эл баласы.
- Джолунга кёре – джюрюшюнг, джагъанга кёре – юлюшюнг.
- Ачыкъ джюрекге джол – ачыкъ.
- Насыблы элин сюер, насыбсыз кесин сюер.
- Джарлы тюеге минсе да, ит къабар.
- Итли къонакъ джарашмаз.
- Чакъырылмагъан къонакъ тёрге атламаз.
- Къуру гыбыт бек дыгъырдар.
- Чомартны къолун джокълукъ байлар.
- Акъыл бла адеб эгизледиле.
- Юйюнгден чыкъдынг – кюнюнгден чыкъдынг.
- Бек анасы джыламаз.
- Чоюнну башы ачыкъ болса, итге уят керекди.
- Арпа, будай – ащды, алтын, кюмюш а – ташды.
- Ашхы атаны – джашы ашхы, ашхы ананы – къызы ашхы.
- Уллу къазанда бишген эт, чий къалмаз.
- Айраннга суу къош, телиге джол бош.
- Ёлюк кебинсиз къалмаз.
- Кёз – сюйген джерде, къол – ауругъан джерде.
- Таугъа чыгъаллыкъ эсенг, тюзде къалма.
- Кеси юйюмде мен да ханма.
- Этек чакъмакълары баш джаргъан, сёлешген сёзлери таш джаргъан.
- Эски джаугъа ышанма.
- Аз сёлеш, кёб ишле.
- Тау башында, тау болмаз, джангыз терек, бау болмаз.
- Суугъа – таянма, джаугъа – ийнанма.
- Чомарт къонакъ юй иесин сыйлар.
- Хантына кёре тузу, юйюне кёре къызы.
- Терек ауса, отунчу – кёб.
- Уллу сёлешме да, уллу къаб.
- Кёбге таш атма.
- Ач отунчуну ачыуу – бурнунда.
Профиль
|
|
|
|||