- Айтылгъан буйрукъ, сёгюлмез
- Гугук кесини атын айтыб къычыргъанча, мен, мен деб нек тураса?
- Тынгылагъан тынгы бузар.
- Аман адам этегингден тутса, кес да къач.
- Къарнынг тойгъунчу аша да, белинг талгъынчы ишле.
- Ишни аллы бла къууанма да, арты бла къууан.
- Окъумагъан сокъурду, сокъур ташха абыныр!
- Тилсиз миллет джокъ болур.
- Шекер бла туз – бир болмаз, ушамагъан – юй болмаз.
- Иги адамны бир сёзю эки болмаз.
- Дууулдаса – бал чибин, къонса – къара чибин.
- Насыб бютеу халкъны юлюшюдю.
- Хазыр ашха – терен къашыкъ.
- Соргъан айыб тюлдю, билмеген айыбды.
- Джолунга кёре – джюрюшюнг, джагъанга кёре – юлюшюнг.
- Айран ичген – къутулду, джугъусун джалагъан – тутулду.
- Аякъларынгы джууургъанынга кёре узат.
- Юре билмеген ит, къонакъ келтирир.
- Къартны сыйын кёрмеген, къартлыгъында сыйлы болмаз.
- Акъылсызны джууукъгъа алма, акъыллыны кенгнге салма.
- Алтыннга тот къонмаз.
- Ойнай-ойнай кёз чыгъар.
- Арба аугъандан сора, джол кёргюзтюучю кёб болур.
- Акъдан къара болмаз.
- Ашхылыкъ джерде джатмайды, аманлыкъ суугъа батмайды.
- Джогъун бар этген, барын бал этген.
- Кёбню кёрген – кёб билир.
- Ишленмеген джаш – джюгенсиз ат, ишленмеген къыз – тузсуз хант.
- Эл тойса, тоймагъан, эл къойса, къоймагъан.
- Аллахдан тилесенг, кёб тиле.
- Баргъанынга кёре болур келгенинг.
- Айранын берсенг, челегин да къызгъанма.
- Сёз садакъдан кючлюдю.
- Ашыкъгъан cуу, тенгизге джетмез.
- Тюкюрюк баш джармаз, налат кёз чыгъармаз!
- Къарны аманнга къазан такъдырма, къолу аманнга от джакъдырма.
- Адамны артындан къара сабан сюрме.
- Аман къатын сабий табса, бий болур…
- Рысхы – насыбха къор.
- Ёлюр джаннга, ёкюл джокъ.
- Кийимни бичсенг, кенг бич, тар этген къыйын тюлдю.
- Кюл тюбюндеги от кёрюнмейди.
- Билмегенинги, билгеннге сор.
- Байма, деб да, къууанма, джарлыма, деб да, джылама.
- Къуру гыбыт бек дыгъырдар.
- Къан бла кирген, джан бла чыгъар.
- Кимни – тили, тиши онглу, кимни – къолу, иши онглу.
- Чомартха Тейри да борчлуду.
- Эртде тургъан бла эртде юйленнген сокъуранмаз.
- Джашны джигитлиги сорулур, къызны джигерлиги сорулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72