- Ашлыкъ – бюртюкден, джюн – тюкден.
- Аджал соруб келмез, келсе, къайтыб кетмез.
- Къуллукъчума, деб махтанма, къуллукъ – хаух джамчыды!
- Тенги кёбню джау алмаз, акъылы кёбню дау алмаз.
- Къаллай салам берсенг, аллай джууаб алырса.
- Зарда марда джокъ.
- Рысхы джалгъанды: келген да этер, кетген да этер.
- Билимли ёлмез, билимсиз кёрмез.
- Къонакъ аз олтурур, кёб сынар.
- Тилсиз миллет джокъ болур.
- Сёз – кюмюш, джыр – алтын.
- Аманнга алтын чыдамаз.
- Гугук кесини атын айтыб къычыргъанча, мен, мен деб нек тураса?
- Ётюрюкден тюбю джокъ, кёлтюрюрге джиби джокъ.
- Айтхан сёзюне табылгъан.
- Душманны тышы – акъ, ичи – къара.
- Чомартха Тейри да борчлуду.
- Ауузу аманнга «иги», деме.
- Адам къаллай бир ишленмесе, аллай бир кесин уллу кёреди.
- Айыбны суу бла джууалмазса.
- Сабий кёргенин унутмаз.
- Кёлсюзден сёзсюз тууар.
- Хаухну атма, ёнгкючню сатма.
- Джаш къарыу бла кючлю, къарт акъыл бла кючлю.
- Джуртун къоругъан озар.
- Ата – билек, ана – джюрек!
- Юйюнгден чыкъдынг – кюнюнгден чыкъдынг.
- Уллу айтханны этмеген – уллаймаз.
- Эте билген, этген этеди, эте билмеген, юретген этеди!
- Ким бла джюрюсенг, аны кёзю бла кёрюнюрсе.
- Баргъанынга кёре болур келгенинг.
- Кёб джашагъан – кёб билир.
- Аджашхан тёгерек айланыр.
- Шекер бла туз – бир болмаз, ушамагъан – юй болмаз.
- Къарнынг къанлынга кийирир.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны артындан къара сабан сюрме.
- Чоюнну башы ачыкъ болса, итге уят керекди.
- Ойнай билмеген, уруб къачар.
- Суугъа – таянма, джаугъа – ийнанма.
- Ёлюр джаннга, ёкюл джокъ.
- Битмегеннге сакъал – танг.
- Эллинг бла джау болсанг да, юйюнг бла джау болма.
- Айран ичген – къутулду, джугъусун джалагъан – тутулду.
- Экеулен сёлеше тура эселе, орталарына барыб кирме.
- Аманнга да, игиге да оноусуз къатышма.
- Хунаны тюбюн къазсанг, юсюнге ауар.
- Сёз садакъдан кючлюдю.
- Эшекге миннген – биринчи айыб, андан джыгъылгъан – экинчи айыб.
- Тойгъа барсанг, тоюб бар, эски тонунгу къоюб бар.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
10.11.2015 03:31:59
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама. Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн.. Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ. Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да. Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз. Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз. Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа? Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду. Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз? Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема. |
|
|
|
11.11.2015 02:21:07
Sabr,
Сизге сау бол!! Аллах разы болсун) Башха кюннгеми разысыз сиз огъесе къойдукъму?! |
|
|
|
11.11.2015 02:47:46
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да. |
|||
|
|
11.11.2015 22:35:48
Nasib&Namis, огъур бла башлайыкъ!))
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да)))
Я самая классная на форуме))))))))))))))
|
|
|
|
11.11.2015 22:40:27
Черника, хош кел!!!)))
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
|
|
|
|
11.11.2015 22:42:07
Я самая классная на форуме))))))))))))))
|
|||
|
|
11.11.2015 23:46:28
|
|
|
|
12.11.2015 00:02:23
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
|
|||
|
|
12.11.2015 00:35:35
Сэстренка,
Хата джокъ, Эгешчигим))))) |
|
|
|
13.11.2015 23:20:06
ТИЛСИЗ МИЛЛЕТ ДЖОКЪ БОЛУР.
Акъбайланы И. |
|
|
|
16.11.2015 00:42:40
Адам бала-
Ол сыйлыды хар неден: Айыб алыр Урлагъан бла тилеген. Сенек, балта- Ол джашчыкъны ишиди. Сауут-саба Иги къызны бетиди. |
|
|
|
16.11.2015 00:45:13
Ауругъанны айыб болур къозугъан;
Абыннганны тургъуз,тутуб къолундан . |
|
|
|
16.11.2015 00:48:19
Уллу кирсе,
Гитче ёрге турады. Орнун берген, Кеси сыйлы болады. |
|
|
|
16.11.2015 00:49:29
Кёб сёлешген -
Ол айыбды адамгъа. Юй хапарны Баям этме орамгъа. |
|
|
|
16.11.2015 00:51:26
Миллет деген- ол бир джуртну иеси;
Аны болур адет,намыс тёреси. |
|
|
|
25.11.2015 00:23:59
Бюгюн ана тилде сёлеширге керек шойбуз...
Къалгъан кюнледе уа? |
|
|
|
25.11.2015 02:55:27
Селеширге излеген кюн сайламайын селешсе иги болур ) |
|||
|
|
25.11.2015 02:57:42
Языки айфона))
|
||||
|
|
|||
Читают тему (гостей: 2)