Зарда марда джокъ.
Бал чибинни ургъаны – ачы, балы – татлы.
Къарны аманнга къазан такъдырма, къолу аманнга от джакъдырма.
Ач келгенни – тойдур, кеч келгенни – къондур.
Телиге акъыл салгъандан эсе, ёлгеннге джан салырса.
Тёзген – тёш ашар!
Керилген да, ургъан кибикди.
Къарнынг бла ёч алма.
Джеринден айырылгъан – джети джылар, джуртундан айырылгъан – ёлгюнчю джылар.
Эки итни арасына сюек атма, эки адамны арасында сёз чыгъарма.
Асхат ашлыкъ сата, юйдегиси ачдан къата.
Байны оноуу, джарлыгъа джарамаз.
Билмейме деген – бир сёз
Таукелге нюр джауар.
Бетинги сатма, малынгы сат.
Ачыу алгъа келсе, акъыл артха къалады.
Ашыкъгъанны этеги бутуна чырмалыр.
Ач къалгъандан, кеч къалгъан къолай.
Джылыгъа джылан илешир.
Ойнай-ойнай кёз чыгъар.
Окъугъанны бети джарыкъ.
Акъыл аздырмаз, билим тоздурмаз.
Келлик заман – къартлыкъ келтирир, кетген заман – джашлыкъ ёлтюрюр.
Ачыкъ джюрекге джол – ачыкъ.
Уллу къашыкъ эрин джыртар.
Элге къуллукъ этмеген, элге ие болмаз.
Ашхы тенг джолгъа салыр, аман тенг джолдан тайдырыр.
Ёзденликни джайгъан – джокълукъ.
Билимден уллу байлыкъ джокъду.
Ач, тоймам, дейди, тойгъан, ач болмам, дейди.
Къатын къылыкъсыз, эр тынчлыкъсыз.
Эски джаугъа ышанма.
Мухарны эси – ашарыкъда.
Джашны джигитлиги сорулур, къызны джигерлиги сорулур.
Кийимни бичсенг, кенг бич, тар этген къыйын тюлдю.
Аман адам этегингден тутса, кес да къач.
Чомарт къолда мал къалмаз.
Эрине къаргъыш этген къатын, эрнин къабар.
Къайгъы тюбю – тенгиз.
Миллетни бойну – базыкъ, аны бла кюрешген – джазыкъ.
Тойгъандан сора, ашны сёкме.
Ёгюзню мюйюзлери ауурлукъ этмейдиле.
Къартха ушагъан джаш – акъыллы, джашха ушагъан къарт – тели.
Кийим тукъум сордурур.
Тюзлюк тас болмайды.
Адамны сабийин сюйген джюреги, бычакъча, джитиди.
Агъач халкъгъа алтынды, иссиликге салкъынды.
Сескекли кесин билдирир.
Джангызны оту джарыкъ джанмаз!
Тамырсыз терекге таянма – джыгъылырса.
