Хаухну атма, ёнгкючню сатма.
Мени джылытмагъан кюн, меннге тиймесин!
Билимли ёлмез, билимсиз кёрмез.
Кюн – узун, ёмюр – къысха.
Байлыкъ болгъан джерде, тынчлыкъ джокъду.
Бичгенде ашыкъма, тикгенде ашыкъ.
Алтыда кюлмеген, алтмышда кюлмез.
Окъдан джара эртде-кеч болса да бителир, сёз джара, ёмюрге къалыр.
Тойгъа барсанг, тоюб бар, эски тонунгу къоюб бар.
Ишлерге уял да, ашаргъа табма.
Садакъачыны джаны – къапчыгъында.
Сууда джау джокъ, кёб сёзде магъана джокъ.
Суу да къайтады чыкъгъан джерине.
Адамны адамлыгъы къыйынлыкъда айгъакъланады.
Тюкюрюк баш джармаз, налат кёз чыгъармаз!
Кёбню кёрген – кёб билир.
От кюйдюрген, сау болса да, тот кюйдюрген, сау болмаз.
Билген билмегенни юретген адетди.
Къартха ушагъан джаш – акъыллы, джашха ушагъан къарт – тели.
Къонагъы джокъну – шоху джокъ.
Адамны сабийин сюйген джюреги, бычакъча, джитиди.
Сабийликде юретмесенг, уллу болса – тюзелмез.
Огъурлуну сёзю – суу, огъурсузну сёзю – уу.
Тешигини къатында, чычхан да батыр болур.
Юреннген ауруу къалмаз.
Этни да ашады, бетни да ашады.
Эки къатын алгъанны къулагъы тынгнгаймаз.
Абынмазлыкъ аякъ джокъ, джангылмазлыкъ джаякъ джокъ.
Ойнай билмеген, уруб къачар.
Къарыусузгъа кюлме, онгсузгъа тийме.
Арпа, будай – ащды, алтын, кюмюш а – ташды.
Ашыкъгъанны этеги бутуна чырмалыр.
Адеб джокъда, намыс джокъ.
Джаным-тиним – окъуу, билим.
Чомарт бергенин айтмаз.
Ана къолу ачытмаз.
Адамгъа аман кюн соруб келмейди.
Къонакъны къачан кетерин сорма, къачан келлигин сор.
Къазанда болса, чолпугъа чыгъар.
Байны оноуу, джарлыгъа джарамаз.
Терслик кетер, тюзлюк джетер.
Къошда джокъгъа – юлюш джокъ.
Эл тойса, тоймагъан, эл къойса, къоймагъан.
Чакъырылмай келген къонакъ сыйланмай кетер.
Тюзню ётмеги тюзде къалса да, тас болмаз.
Тас болгъан бычакъны сабы – алтын.
Чалманны аллы къалай башланса, арты да алай барады.
Аш хазыр болса, иш харам болур.
Ашхы сёз таш тешер.
Таукелге нюр джауар.
