Арпа, будай – ащды, алтын, кюмюш а – ташды.
Бермеген къол, алмайды.
Къыйынлы джети элге оноу этер.
Акъыллы башны – тили къысха.
Алгъанда – джууукъ, бергенде – джау.
Аманнга игилик этсенг, юйюнге сау бармазса.
Аджашханны ызындагъы кёреди, джангылгъанны джанындагъы биледи.
Айырылмаз джууугъунга, унутмаз сёзню айтма.
Ариу сёзде ауруу джокъ.
Кенгеш болса, уруш болмаз.
Таукел къуру къалмаз.
Илму – джашауну джолу.
Аман къатын алгъан, арыр, иги къатын алгъан джарыр.
Сёлеш деб шай берген, тохта деб, сом берген.
Аджашхан тёгерек айланыр.
Джангыз торгъай джырламаз.
Кёб джашагъан – кёб билир.
Ушамагъан – джукъмаз.
Чакъырылмагъан джерге барма, чакъырылгъан джерден къалма.
Адамны сабийин сюйген джюреги, бычакъча, джитиди.
Аджалсыз ёлюм болмаз.
Джылыгъа джылан илешир.
Ишни аллы бла къууанма да, арты бла къууан.
Кёл ашады да, кеси ашады.
Таукел тауну аудурур.
Тенгни тенглиги джашай барсанг билинир.
Махтаннган къыз, тойда джукълар.
Эл бла кёргенинг эрелей.
Аш хазыр болса, иш харам болур.
Тешик этген тынчды, аны джамагъан къыйынды.
Къатын къылыкъсыз, эр тынчлыкъсыз.
Тилде сюек болмаса да, сюек сындырыр.
Уясында не кёрсе, учханында аны этер.
Айтхан сёзюне табылгъан.
Къозулугъунда тоймагъан, къойлугъунда тоймаз.
Зарда марда джокъ.
Байны оноуу, джарлыгъа джарамаз.
Ат басханны джер билед.
Ашлыкъ – бюртюкден, джюн – тюкден.
Игилик игилик бла сингдирилиучю затды.
Ана къойну – балагъа джандет.
Тилчи тилден къаныкъмаз.
Чомарт джарлы болмаз.
Кийим тукъум сордурур.
Сабийликде юретмесенг, уллу болса – тюзелмез.
Ойнай билмеген, оюн бузар.
Джюз элде джюз ёгюзюм болгъандан эсе, джюз джууугъум болсун.
Адам бла мюлк юлешмеген эсенг, ол адамны билиб бошагъанма, деб кесинги алдама.
Сагъыш – къартлыкъгъа сюйюмчю.
Ётюрюкню къуйругъу – бир тутум.
