Мухарны эси – ашарыкъда.
Къууут – джелге, берне – бошха.
Айыбны суу бла джууалмазса.
Джаралыны джастыгъында сау ёлюр.
Игилик игилик бла сингдирилиучю затды.
Тик ёргени, тик энгишгеси да болады.
Аджаллыгъа окъсуз шкок атылыр.
Ишлерге уял да, ашаргъа табма.
Тенгинг джокъ эсе – изле, бар эсе – сакъла!
Тюзлюк шохлукъну бегитир.
Къалгъан ишге къар джауар.
Джахил болса анасы, не билликди баласы?
Эте билген, этген этеди, эте билмеген, юретген этеди!
Тойгъан джерден туугъан джер игиди.
Намысы болмагъанны, сыйы болмаз.
Ётюрюкню къуйругъу – бир тутум.
Иги джашны ышаны – аз сёлешиб, кёб тынгылар.
Сютню башын джалагъан къутулур, тюбюн ичген тутулур.
Бал ашаргъа сюе эсенг, чибин ургъаннга тёз.
Ачыу алгъа келсе, акъыл артха къалады.
Шапа кёб болса, аш татымсыз болур.
Аш берме да, къаш бер.
Айтханы чапыракъдан ётмеген.
Юйюнг бла джау болгъандан эсе, элинг бла джау бол.
Иги бла джюрюсенг, джетерсе муратынга, аман бла джюрюсенг, къалырса уятха.
Уллу къазанда бишген эт, чий къалмаз.
Ауурну тюбю бла, дженгилни башы бла джюрюген.
Ёлген эшек бёрюден къоркъмайды.
Атадан ёксюз – бир ёксюз, анадан ёксюз – эки ёксюз.
Тойгъа барсанг, тоюб бар, эски тонунгу къоюб бар.
Чалманны аллы къалай башланса, арты да алай барады.
Ариуну – ауруу кёб.
Дуния мал дунияда къалады.
Терек ауса, отунчу – кёб.
Ишни ахырын ойламай, аллын башлама.
Чомартны къолун джокълукъ байлар.
Татлы сёз – балдан татлы.
Ана къойну – балагъа джандет.
Таукел тауну аудурур.
Ат басханны джер билед.
Окъугъан озар, окъумагъан тозар.
Эм уллу байлыкъ – джан саулукъ.
Джарлы тюеге минсе да, ит къабар.
Оюмсуз атлагъан, аджалсыз ёлюр.
Халкъны юйю – туугъан джери.
Чёбню кёлтюрсенг, тюбюнден сёз чыгъар.
Кесинг сынамагъан затны, адамгъа буюрма.
Айран ичген – къутулду, джугъусун джалагъан – тутулду.
Джырына кёре эжиую.
Къыйынлы джети элге оноу этер.
