Биреуню эскиси биреуге джангы болмайды.
Биреуге аманлыкъны тилеме да, кесинге ашхылыкъны тиле.
Тюз сёз баргъан сууну тыяр.
Тойгъандан сора, ашны сёкме.
Шапа кёб болса, аш татымсыз болур.
Айтханы чапыракъдан ётмеген.
Айтхан сёзюне табылгъан.
Ата Джуртун танымагъан, атасын да танымаз.
Кирсизни – саны таза, халалны – къаны таза.
Сабий кёргенин унутмаз.
Атынг аманнга чыкъгъандан эсе, джанынг тамагъынгдан чыкъсын.
Тил – кесген бычакъ, сёз – атылгъан окъ.
Атадан ёксюз – бир ёксюз, анадан ёксюз – эки ёксюз.
Таула не мийик болсала да, аууш табылыр.
Айтылгъан буйрукъ, сёгюлмез
Ата джурт – алтын бешик.
Джаралыны джастыгъында сау ёлюр.
Ойнаб айтсанг да, эслеб айт.
Кесине оноу эте билмеген, халкъына да эте билмез.
Сагъыш – къартлыкъгъа сюйюмчю.
Уллу айтханны этмеген – уллаймаз.
Джогъун бар этген, барын бал этген.
Керек ташны ауурлугъу джокъ.
Джигер – джаннга къыйынлыкъ.
Къыз келсе, джумуш эте келеди, къатын келсе, ушакъ эте келеди.
Аман адамны тепсинге олтуртсанг, къызынгы тилер.
Адамны аманы адамны бети бла ойнар.
Эр сокъур болсун, къатын тилсиз болсун.
Элде адам къалмаса, ит тахтагъа минер.
Тели турса – той бузар.
Окъ къызбайны джокълайды.
Ишленмеген джаш – джюгенсиз ат, ишленмеген къыз – тузсуз хант.
Чакъырылгъанны аты, чакъырылмагъанны багъасы болур.
Ёлген ийнек сютлю болур.
Ариу сёз джыланны орнундан чыгъарыр.
Хатерли къул болур.
Бал ашаргъа сюе эсенг, чибин ургъаннга тёз.
Окъуусуз билим – джокъ, билимсиз кюнюнг – джокъ.
Джюрекден джюрекге джол барды.
Ач уят къоймаз.
Таугъа чыгъаллыкъ эсенг, тюзде къалма.
Джол бла сёзню къыйыры джокъ.
Эл тойса, тоймагъан, эл къойса, къоймагъан.
Айтылгъан сёз ызына къайтмаз.
Тойгъанлыкъ къойгъа джарашады.
Ат да турмайды бир териде.
Эл ауузу – элек, анга ийнаннган – халек.
Кёзню ачылгъаны – иги, ауузну джабылгъаны – иги.
Дуния малгъа сатылма, кесингден телиге къатылма.
Мал тутхан – май джалар.
