Войти на сайт
9 Мая 2021 года

 

  • Чомартха хар кюн да байрамды.
  • Ариу джол аджал келтирмез.
  • Кёб джат да, бек чаб.
  • Бёрю да ач къалмасын, эчки да ашалмасын.
  • Джырчы ёлсе, джыры къалыр.
  • Эркиши – от, тиширыу – суу.
  • Чакъырылмагъан къонакъ къачан кетерин сормаз.
  • Ойнай-ойнай кёз чыгъар.
  • Айырылгъанланы айю ашар, бёлюннгенлени бёрю ашар.
  • Нафысынгы айтханын этме, намысынгы айтханын эт.
  • Рысхы джалгъанды: келген да этер, кетген да этер.
  • Ата джурт – алтын бешик.
  • Тёрде – темир таякълы, къаяда – чыпчыкъ аякълы.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Къуллукъчума, деб махтанма, къуллукъ – хаух джамчыды!
  • Адам туугъан джеринде, ит тойгъан джеринде.
  • Этек чакъмакълары баш джаргъан, сёлешген сёзлери таш джаргъан.
  • Кютгени беш эчки, сызгъыргъаны уа, джерни джарады.
  • Ханнга да келеди хариблик.
  • Эринчекни аурууу – кёб.
  • «Ма», - дегенни билмесенг, «бер», - дегенни билмезсе.
  • Суугъа – чабакъ, къаягъа – ыргъакъ.
  • Джумушакъ терекни къурт ашар.
  • Айтылгъан буйрукъ, сёгюлмез
  • Аш иеси бла татлыды.
  • Тешигини къатында, чычхан да батыр болур.
  • Къумурсхала джыйылсала, пилни да джыгъадыла.
  • Иесиз малны бёрю ашар.
  • Ишни ахырын ойламай, аллын башлама.
  • Билим къая тешер.
  • Билмезни кёзю кёрмез, этмезни къулагъы эшитмез.
  • Мал тутхан – май джалар.
  • Керти сёзге тёре джокъ.
  • Танг атмайма десе да, кюн къоярыкъ тюйюлдю.
  • Окъуу – билимни ачхычы, окъуу – дунияны бачхычы.
  • Ишлегенде эринме, ишде чолакъ кёрюнме.
  • Ёмюрлюк шохлукъну джел элтмез.
  • Джюрек кёзден алгъа кёрюр.
  • Таякъ этден ётер, тил сюекден ётер.
  • Душманны тышы – акъ, ичи – къара.
  • Къарнынг бла ёч алма.
  • Джаралыны джастыгъында сау ёлюр.
  • Магъанасыз сёз – тауушсуз сыбызгъы.
  • Окъдан джара эртде-кеч болса да бителир, сёз джара, ёмюрге къалыр.
  • Элге къуллукъ этмеген, элге ие болмаз.
  • Бастасын ашагъан, хантусун да ичер.
  • Кесинге джетмегенни, кёб сёлешме.
  • Рысхы – сют юсюнде кёмюк кибикди.
  • Тау башында, тау болмаз, джангыз терек, бау болмаз.
  • Джангызны оту джарыкъ джанмаз!

 

Архив Форума » Новый Форум [архив] » - НФ - Карачаево-балкарская культура и история
Страницы: 1 2 3 След.
RSS
Къарачай-Малкъар назмула..
 
#1
Джаратама0
29.07.2010 13:39:22
Слежу за форум, столько замечательных стихов в разное время написаны были тут разными людьми, да вот только одно единственное но.. все они на русском языке. Пусть великом и могучем, но все-таки на русском языке. Неужели мы не знаем совершенно о наших поэтах? Наших карачаевских, балкарских поэтах? Многоликость и певучесть нашего языка можно прочувствовать именно в поэзии. Может я начну, а вы продолжите? Палах джолу кенг болгъандан, Сен аманнга тенг болгъандан, Аллах сакъласын. Кюн тийгенде кюнсюзлюкден, Эрир джерде кюйсюзлюкден, Аллах сакъласын. Сабийлеринг абыннгандан, Аллах сёзден къабыннгандан, Аллах сакъласын. Душманынга тыяннгандан, Халкъ аллында уялгъандан, Аллах сакъласын. Тыбыр ташынг сууугъандан, Джюреклени сууугъундан, Аллах сакъласын. Умутунгу унутхандан, Кеси адамынг улутхандан Аллах сакъласын. /Созайланы Ахмат/ Seni umut etmegenlei suigenem, Ani senlei bir insan da bilmeidi Koknu koinun еrkelеtken djulduzchuk Sezgenlikge - soz oterge suimeidi. Djanim senge tagilganlai tursada Meni senden djokdu chirtda haparim. Tansik bolub chidalmasam keledi Djashaungu eshiklerin acharim. Kallai djangur assuy bolad djaninga Irhimidila djashaungu djollari. Ne zatlani tushurelle esinge Kish chilledde ahsgamlani tushleri. Neden takir bolad kolung - bilmeime Djashau salgan jaralaring-kobmudule Suigeningi suum tokgen kozleri Alamidi, karamidi, kokmudu? Kemsiz bolub kaisi chekni saklaisa Ani nezatin balsitad djureging Nege kuub, kiynalib Aitilad keche saiyin tileging Ol barida menge nege kerekti? Tanging bolub-tushungdeda atmaima Ani kuru suigen djanim biledi Djuregim ua djuab ishan tabmaidi /Batchalani Fatima/ Насып Джангы айны орагъын шош алып, Кече акъырын орады оракъ... Сюйгенинги ёшюнюнде къалкъып, Ариу тишириу турады джукълап. Дунияда - алай сабыр шошлукъ! Сау аламда - алай сабыр хошлукъ! Тёгерикде хар не зат да - джангы! Кюле келсин анга атах тангы! Ариу тиширыу турады джукълап... /Мусукаланы Сакинат/
 
 
 
#2
Джаратама0
29.07.2010 13:43:08
Тилибизде джырлайдыла терекле, Тилибизде бишедиле кёгетле, Уллу кюн да тилибизде чыгъады, Тилибизде бешик джыры чагъады Ма ол тилни махтайма мен кюн сайын, Олду булбулауаз, кёккъанат джайым Анча кюн тийгенде, мен да джарыйма, Тилим мудах болса, мен а джарлыма ..Къолларынг Учдула да кетдиле менден, Суукъдан къачхан къанатлылача Къол аязларым Къуппа-къуру... Он бармагъым - Он мудах къыл. Он бармагъым - Он мудах джыр. Эгечлени кётюрюгюз Джашаумда мен сукъландым джаланда Эгечлери болгъанлагъа сукъландым, Эгечлени чырагъы бек джаннганды, Эгечсизни череги кёп бокъланды. Мен кёргенме къарнашы ёлгенде Аны эгечи бетин союп алгъанын. Бирсини уа, ахыр кюню келгенде, Джылау да этилмеин къалгъанын. Аллах берип, болса эди егечим, Сунар эдим мен кесими кетмезлик, Алай ауур басмазлыкъча кёп кечем, Мени къагъып, бир палах да етмезлик. Эгеч болгъан джанындады къыбыла, Эгечинг бар - сенде ашхы мадарла. Эгечлени кётюрюгюз, къубулта, Къарыу келир ала келген къадарда. /Созайланы Ахмат/
 
 
 
#3
Джаратама0
29.07.2010 13:43:55
Ачыкъ сёзюм Къайда да ата джуртунг Болсун, болсун биргенге. Айта эсенг сёзюнгю, Айт эшите билгеннге. Адамлыгъынгы кёргюзт Джерге хурмет бергеннге Гырджындан да джиергенир Топуракъдан джиергеннген. Сен, танг болуп атсанг да, Ёлмезлик сёз айтсанг да, Махтанма, джаш, махтанма, Аны сюймез атанг да. Эсирик болуп кетсенг, Душман санга айтмаз дау Унутма, айып этер Сени ёсдюрген Минги тау. * * * Биз бир бирден узакъбыз, Биз бир бирден узакъбыз, Ай бла кюнча узакъбыз, Тюш бла тюнча узакъбыз. Биз бир бирге бузлапбыз, Биз бир бирге бузлапбыз, Минги тауну бузуча, Къыш чиллени бузуча. * * * Мен тилейме, тилейме, Сени кёрсем бир, дейме, Кюнден туугъан нюрлени, Джерде тургъан гюллени Кёрмей да джашарыкъма, Кёрмей да джашарыкъма. Мен тилейме, тилейме, Сени болсунла, дейме, Игиликле бары да, Джер джюзюню балы да, Менге бир кёрюн ансы, Менге бир кёрюн ансы. Кёрюн менге, бир кёрюн, Тангъа болсун да кёлюм, Мен гырджынсыз оъуна, Мен бир джырсыз окъуна Къалайым, дейме, дейме Мен ма алай тилейме. /Созайланы Ахмат/
 
 
 
#4
Джаратама0
29.07.2010 13:52:13
[u:2979173960]Унут мени, унут[/u:2979173960] Сен кетдинг, менге терс къараб, Кюнюм бата, бата, къанаб... Азмы сынсыгъанды умут, Унут мени, унут, унут. Джашау къыйынлыкъларым кёб, Кимме мен, терс къара да кет. Мени дуниянгдан къурут, Унут мени, унут, унут. Ангынгдан да, къанынгдан да, Джолунгдан да, къолунгдан да, Сыфатымы думп эт унут Унут мени, унут, унут. [u:2979173960]Аллай болма, тилейме[/u:2979173960] Кесин дайым тау этиб, Бирсини уа ау этиб, Онгсузну уа джау этиб, Сёз айтханнга дау этиб... Огъай десенг, окъ болуб Эки кёзю от болуб, Бармакълары тот болуб, Алай бла джокъ болуб. Джашагъанны билеме Аллай болма, тилейме. * * * Аллай сёзле табтынг... Ачытыр сёз табтынг, Апчытыр сёз табтынг, Къаралтыр сёз табтынг, Аралтыр сёз табтынг. Аны менге сыздынг Ызымдан. Ол кетиб чанчылды, Агъарта чачымы. Кетиб барама Къууан, кёрюб Джаралы ызымы. /Созайланы Ахмат/
 
 
 
#5
Джаратама0
29.07.2010 13:52:46
[u:ac98fde2fd]Сени сёзлеринг[/u:ac98fde2fd] Джетдиле Сёзлеринг менге... Джетдиле, Къанатлары кюйюб. Ала къондула да, Энди кюедиле къол аязларым. /С.А./
 
 
 
#6
Джаратама0
29.07.2010 13:53:29
[color=green:9bedb2e7a4][size=18:9bedb2e7a4][u:9bedb2e7a4]Джокъду бирлигибиз[/u:9bedb2e7a4][/size:9bedb2e7a4][/color:9bedb2e7a4] [color=green:9bedb2e7a4]Хар ташыбыз бизге керек, Хар шаудан да - байлыкъ бизге Тангнга джырын айтхан терек Къууат берди джерибизге. Тау башлада, акъ танглада Халкъ тарыхын излейбиз биз, Тюз ниетли инсанлагъа Ырахатлыкъ тилейбиз биз. Барды кеси юйюбюз да, Джерибиз да, игибиз да, Биргебизге кюнюбюз да, Адетибиз, тилибиз да. Алай бизде джокъду бирлик, Элге тирлик боллукъ бирлик. Олду - халкъгъа кюнню берлик, Тамбла да къайтыб келлик.[/color:9bedb2e7a4] * * * Къайда да джер башында Чыкъмасын къама къындан Джаша энди, джерим, сен Айрылмай халкъынгдан. Уллу Аллах сакъласын Кюйсюзлюкню джелинден. Джаша энди, халкъым сен Айрылмай джерингден. Мен джолумда келеме, Баш ура хар кюнюнге. Отунг джансын, гырджынынг Бишсин хар бир юйюнгде. Бешик джырла айтыла Турсунла от джагъандан Менге игилик келди Бу сёзлени джазгъанда. * * * [color=green:9bedb2e7a4]Юйюнгдю, дейдиле , туугъан джер, Гырджынынг ди бишген от джагъанг. Мында мени къучакълайды джел, Мында терк сау болад джарам. Сенсиз джокъ не ата, не ана, Танг атмай, къуруда кюн къанай... Билеме, сенсиз джокъ тилибиз, Думб болады къууанч кюнюбюз. Адамын тас этген кёб заман Джылайды - сынадым аны мен Туугъан джерин тас этген адам Джылауда ётдюрюр ёмюрюн Джазыуунг тарлада окъула Аллахым джаратхан терсе сен Ташчыгъынг ачыса окъуна, Джулдузунг сынсыгъан джерсе сен. Джаннган окъдан сени сакълай, Джаныб кетген, джанын берген - Уллу насыб - джашларынга, Уллу насыб - къушларынга.[/color:9bedb2e7a4] /Созайланы Ахмат/
 
 
 
#7
Джаратама0
29.07.2010 14:04:38
[u:24ec043db6]Унута да барама[/u:24ec043db6] Мен сени унута да барама? ?Унутмам?, - дегеним ? ётюрюк. Мен сени унута да барама ? Бир къыйынды бушу кётюрюб. Аджашхан, ачыгъан, ачытхан да Этмей, шош атлагъан ёмюрню Ол болду улутхан, джарсытхан да, Ол болду мени кюл-кёмюрюм. Мен сени унута да барама, Ол игими болур, не аман? Мен сени унута да барама? Ол кюреш, къазауатды, баям. ?Мен анда хорларгъа да болурма!? - Дейме. Кюн кюлдюрдю джангурну. Тилегим: мени энди къорума ? Олду бек саууту джаууму. Мен сени унута да барама? Кюлгенингми къалды эсимде?! Мен сени унута да барама Ийнаналмай кеси кесиме. Атынгы айтмазгъа кюрешеме? О, дагъыда тутуб, кюй этеме. Мен сени унута да барама? Тюшюмде башымы сен сылама. /Мусукаланы Сакинат/
 
 
 
#8
Джаратама0
29.07.2010 14:05:25
[u:d3e28b2c88]Неге керекди?[/u:d3e28b2c88] Неге керекди, сенсиз, менге Джана тургъан от, бишген гырджын? Неге керекди, сенсиз, менге Бошала билмеген узун джыл? Неге керекди, сенсиз, менге Джанымы талай тургъан эрттен? Оноу этди Аллах джанынга ? Мени да элтсин сени элтген! /МС/
 
 
 
#9
Джаратама0
29.07.2010 14:05:55
Сагъышларыма абына, Барама мен къабырынга... Сенга этген кюйлеримде Мени алай кюйгеними Оту джаныб, ёчюлмейди, Неден да ол кючлю эди, Неден да ол ачы эди, Тынчлыкъ менден къачыб эди... Барама мен къабырынга, Сагъышларыма абына... Кечдимми, кечмедимми мен - Аллахды ол затны билген... Мен кечмегенни ол кечсин Сени ол тынчлыкълы этсин. Джаным кечеди. Акъылым Этеди энтда къылыгъын. Барама мен къабырынгы, Азапларыма абына. /Мусукаланы С./
 
 
 
#10
Джаратама0
29.07.2010 14:06:26
[u:8d4da12845]Мен билмеген?[/u:8d4da12845] Мен билмеген, билмеген, Джюрегиме тиймеген, Мен сюймеген, сюймеген Мен ол отда кюймеген, Мен ол таудан энмеген, Бир деб эсге келмеген , Теренде батылмагъан, Бир кюнде айтылмагъан Мен алгъындан билмеген, Энди мени иймеген, Тангым ансыз атмагъан, Кечем ансыз джатмагъан. Мен танымгъан сёзню, Мен болалмагъан тезюб, Сёзню, таш этиб атдынг ? Танг атхынчы, кюн батды. ?Мен кетдим?, - дединг да сен, ?Къайытмам?, - дединг да сен? Ашыгъыб кетдинг да сен, Ашыгъыб кирдинг да сен Къабыргъа? /МС/
 
 
 
#11
Джаратама0
29.07.2010 14:06:49
Сенге джырланыр джырымы башлай, Ариу кёзлерингде джуууна, Кюн таба баргъан кибик, алай, Эртенликде иги къууумла Этеме да, шыбырдайма тангнга: Бу джыр болсун таянчакъ деб сенге, Сюймекликни сыны болуб къалсын ? Аауругъанынгы, къайгъынгы да алсын, Эртенликде ол, кюн болуб, атсын, Ингиринде джюрегинге батсын? /МС/
 
 
 
#12
Джаратама0
29.07.2010 14:07:39
Джел, мудах къайгъсын джукълаталмай, Шош къакъды терезе кёзлени? Сен эшталмадынг, мен да айталмай, Тас этдик, экибиз сёзлени. Ол сёзле аджашыб айланнганча Кёрюнеди сенге кечеде? Мен билеме, джашил джайладача, Къыш къыйынды анны кечерге? * * * ?Ёлюм да айырылмаз бизни?, - Дедим да мен, кюлдюрдюм сени Эртде.. ?Игилик, ырахатлыкъ тизиб, Келсин, - дедим, - сенге келгенде, Эртден? Сен кюйдюнг да, насыбсыз болуб, Ариу кёзлеринге къарадым, Ала ? аджым сагъышдан толуб, Гитче болду джаным, къаралыб. Бойсунмагъан джокъду Аллаха, Мен анга табыннганлай келдим, Ол менге гитче, уллу палах Бергенде да, къачмады кёлюм, Ёпкеледим? Энди уа? джашауума къараб, Анда кёрдюм уллу терсликни, Сенге, менге да тюшген джара, Бир урум этиб, экибизни Джыгъылтды да, Джылады кече, Сени къарамынг Анга кёче? [u:2ce1327c76]Мен болмазем?[/u:2ce1327c76] Келе тургъан танг ? къызыл уруб, Къолаязына тюшдю тауну. Сен мен айтхан сёзлени yнут ? Кетди тюнене джаугъан джангур Бюгюн чапыракъдан акъгъанчыкъ Бошхаракъды джангур тамчыдан. Сагъышым да, эсим да ? ачыкъ. Мен болмазем сени ачытхан. Мен болмазем? Сенге тансыгъым, Инджиле, айта эди дауун. Мен кесим да анга джарсыдым. Тереземи тюйгенде джангур. Мен болмазем, джелни къанатын Къучакълаб, джылагъан джангурда Джокъ кечилмез гюнахны аты ? Сен эс бурма мени дауума. Мен болмазем? Сенге тансыгъым? /МС/
 
 
 
#13
Джаратама0
29.07.2010 14:08:04
[u:8f2f6d4841]Сен[/u:8f2f6d4841] Сен джыр эдинг. Мен а ? къанаты Уча эдим. Бир ариу атынг ? Джюрегими сылай тургъанча, Ары кириб, анда ургъанча. Хар атламым ? сенге къууана, Бир ачы тюшюмден уяна, Келе эдим. Джаным джылыныб. Уллу къууанч ары сыйыныб. Сен ? тамбла. Мен а ? тюнене. Келе эдим, арый, тюгюне? Сен джыр эдинг ? мени учургъан, Джюрегими узакъ къачыргъан. Учуб келген ? сен сейир эдинг? Джыр тюйюл эдинг ? Тейри эдинг, Ой, бир кёб затны ойлай эдинг. Мен этеме деб да этмеген, Мен келеме деб да джетмеген, Сен бир сейирлик ариу эдинг, - Джюрегимде кюн джарый эди. Сен джыр эдинг. Мен а къаныты. Уча эдим. Бир ариу атынг? Узакъда кюнлюм кюле эди, Анда джюрегим кюе эди. [u:8f2f6d4841]Биз[/u:8f2f6d4841] Биз кюн сайын тюбешмейбиз Юйлешмейбиз, юйлешмейбиз ? Башха сени джолунг? Сюймекликни къолу Узатылыб турса да (Аны джолу мурсады!) Биз садакъа юлешмейбиз, Джаша деб биз кюрешмейбиз? Алай, эримей, ол, Барыб турады джол? /Мусукаланы Сакинат/
 
 
 
#14
Джаратама0
29.07.2010 14:08:20
[u:7cbace8756]Юйрениб къалгъанма[/u:7cbace8756] Юйрениб къалгъанма да сенге Не десенг да, мен кюлюб турама. Сен мени излей келсенг, санлаб, ?Кесинги узакъ джолгъа къурама!? - Дейме да, къарайма кёзюнге ? Анда джумушакъ, ачыкъ да танг, Ата келиб, тола, тёгюле, Алай джарыкъ болуб, къарасанг? ?Эригиб къалама кюн сайын Ариу айтыб турсала джалан?, - Сен мени билесе да, аыйб, Этмейсе, не десем да, баям. Бир насыбсыз кюнюмде уа мен, Телефону аллыма алыб, Бир ариу айтсанг эди деб сен, Сёлешеме, джаным къыйналыб. Сен аны билесе да кесинг, Ауазым ётюрюксюз болур, Ачыууму джюгенин кесиб, Джашаууму этесе толу. Менге этиб кетерик дауунг Тынгылайды ёмюрден бери. Сен эте да билмейсе дауур ? Олду этдирген сейир мени. Юйрениб къалгъанма да сенге Джаным, сёзюм да ? сенге ачыкъ. Сен, ол затны биле тургъанлай, Аз кюлмейсе, ойлансам къачыб. [u:7cbace8756]Атынг[/u:7cbace8756] Атынг эштилиб турады Къуру да манга. Ол джюрегиме бугъады ? Не этгин анга?! Мен дайым да къыйнайды Бир палах сезим ? Ол джолну ? къолну тыяды, Азаплы ? кесим? Мен андан эште болурма Сени атынгы. Ой джойдурма, сен джойдурма Этген антымы! Ёлюмсюздю деб айтырем, Тюненем ? ёлюб. Антыма ? артха къайтырем.. Ол кетди, кюйюб? Атынг эштилиб турады ? Къууанчлы, татлы? Бир сейир сезим тууады ? Учханча атлы? [u:7cbace8756]Мен сени сюе эдим?[/u:7cbace8756] ?Мен сени сюе эдим?? - Дединг да ачы, ?Мен сени сюе эдим?? - Джюрегим къачыб, Ажым этген къарамдан, Сенге салгъан джарамдан, Джюрек басхан къарадан, Сынсый-сынсый, тарала, Эштгенинден уяла, Узакъ чарсда тас болду. Анны белгисиз джолу? Мен сени сюе эдим? /Мусукаланы Сакинат/
 
 
 
#15
Джаратама0
29.07.2010 14:08:48
[u:b8e8a91397]Ал мени биргенге[/u:b8e8a91397] Мен сени тас этсем, Затым джокъ букъдурурча Мен кетсем , мен кетсем, Сен мени унутурча? Эсингде зат къалыр деб, Сёз да айтмай кетсем? Биргеме да алырем? Элталырча эсем? Мен сюйген кюй, макъам да Къыллары юзюлюб. Ашыра чыгъаргъа да? - Гюнахым сюзюлюб. Кюз да, къыш да джангыды, Биринчи келгенде. Алай ол джарыкъдан да Джюрегим элгене? Сен да, мен да къачабыз, Бир бирни тас этиб. Эшикни джел ачады ? Экибиз а ? кетиб? Ал мени биргенге! Ёкюлюм ? къанатлыды. Ол сары джеллеге Хорлатыр? Хорлатырмы? Ал мени биргенге [u:b8e8a91397]Джарыкъ[/u:b8e8a91397] Къызгъындым кесими сюйгенимден ? Ашыкъмадым сёз таууса туруб? Сен къарайса мени кюйгениме? Сюймекликъ а терек кибик, къуруб Кеталмады. Анны джаны ? джара. Мени сагъышларым алай къара! Къызгъандым ариу сёзюмю сенден Башхагъа уа сюймедим айтыргъа? Бек бийикге миниб, андан энсенг, Бир къыйын кёреме къайтыргъа. Къайтмадыкъ не сен, не мен ары? Алай тура болу анда джарыкъ, Алгъын кибик, алай ариу джаныб Джюрегим абынды, аны таныб. [u:b8e8a91397]Джазыу[/u:b8e8a91397] Мен сени алай сюйгеними Билсе, дуния сейир этер. Ол, кёрсе мени кюйгеними, Кесине санаб, бушуу этер. Ёмюрлюк да, биргилик да джокъ Бу джашауну ачы гырджыны, Тоб атылмай, тиймегенлей окъ, Къууанчны, кюйню да джыгъылтыр. Сен кетесе. Джюрегим ? джалан? Мени да биргенге ала бар! Ким кимни тура болур алдай?! Сюймеклик ? уллу, насыб а ? тар Азатлыкъны сюйген ? аламат! Алай? ол да джюкдю джангызгъа. Джюрегим этеди къазауат. Сен анга тейри къылыч ызла Джыр да джокъду. Джол да ? къарангы Узакъда джулдуз да, ай да барды? Сени бла мени арамы Джазыуу джашил джай бла къарды. /МС/
 
 
 
#16
Джаратама0
29.07.2010 14:09:39
[u:abba0a8a97]Кетмейдиле къоюб[/u:abba0a8a97] Сюйгенлерин кетмейдиле къоюб, Умутларын, насыпларын джоюб. Не тыширыу, не эр киши болуб, Сюйгенлерин кетмейдиле къоюб. Сюйгенлерин кетмейдиле атыб, Ётюб кетген къууанчларын сатыб, Не джаш адам, не къарт адам болуб, Сюйгенлерин кетмейдиле къоюб. Кетселе уа? сюймейдиле ала. Ала къойгъан ? от джалагъан тала, Сезим кюйген, умут кюйген джара, - Сюймегенни белгилери ? ала. Сюйгенлерин кетмейдиле къоюб, Не тиширыу, не эр киши болуб.
 
 
 
#17
Джаратама0
29.07.2010 14:10:04
[u:19f9317760]Кюн эрийди[/u:19f9317760] Белгисиз къайгъыны джарашдырмай, Кюн эрийди тауну бетинде. Сен мени бийикде аджашдырма, Не къыйиын эсе да элтирге Биргенге. Мен кюзде тас болуб айланама. Ол сарыды сары атлылай. Мен анны да кесим сайлагъанма, - Ма кюнде учхан къанатлылай, Ол алай! Кюнлерим да батар, кюлгеним да? Эт менге бир мадар, бир амал. Джырларым да мени, кюйлерим да Бир сейир, бир тукъум, бир джалан ? Ой, джалан! Бир чаба, бир тохтай, бир джорта да, Сен, сары атлы ? бир гюнахлы. Джюрегим а къуру да джолдады. Ол сени да джолгъа къаратды, Кюз атлы? [u:19f9317760]Тас[/u:19f9317760] Хар не да тас болгъанды. Сен да ? тас. Тереземи уа шош къагъады джаз. Кюледи джаз мени джарсыуума, Ма ол а билмей бир тауусула. Хар кюн сайын Магъанасызма мен, Къуру къалыб, Тыхырдагъан тирмен Кибик? Хар не да тас болгъанды. Мен да ? тас Алай, анга джарсымагъанча, джаз Чагъады акъ, Чагъады мардасыз, Джалан да мен, къышдача, амалсыз. /МС/
 
 
 
#18
Джаратама0
29.07.2010 14:10:36
[u:3aad55b10f]Не этеме?[/u:3aad55b10f] Не этеме сенсиз джашауну? ? Къара таудан акъ атлы аугъанды. Не этеме сенсиз джашауну? ? Мени энтда да джолум таугъады. Эрикгенме ары баргъандан, Сенича, ётюб кетген ? игиди. Бир джолну къуру да малтагъан ? Ол да ма бир болмагъан белгиди. Не этеме татыб болмагъан Кюн кюйдюрген джолланы къумун да?! Мен ? бир сейирлик, бир онгмагъан, Терс джолну барыб тургъан къуру да Не этеме сени юлешиб? ? Юлюшсюз къалгъан алай джарлыды. Бу дуниягъа болмай юйлешиб, Мени джолум бир башха джарыды. Не этеме быллай джашауну? Кюн кюлсе да, джюрегим суууйду. Ары джанында уа акъ тауну Бир башха, дженгил джашау уюйду.
 
 
 
#19
Джаратама0
29.07.2010 14:10:59
[u:1c5cd16764]Таугъа алыб кет да[/u:1c5cd16764] Мени джарлы этме Кёзлеринг бла. Мени джарлы этме Тёзгенинг бла? Насыбсыз да этме, Айтма, деме зат. Таугъа алыб кет да Эт мени азат. Эт мени азат да, Къанатлы да эт, Эт менге бир зат бла Бир болушлукъ эт? Таугъа алыб кет да, Мени таулу эт. Таугъа алыб кет да, Акъ булутну джет? Анда адам, тауча, Тазады, таза, Джомакъ, джыр да сауча, Акъ джазыу джаза? Анда кюн кюледи? Кёрдюм тюшюмде. Джюрегим сюеди. Ары тюшерге. /МС/
 
 
 
#20
Джаратама0
29.07.2010 14:12:24
[u:e7b22692f0]Кюлюб къарадынг[/u:e7b22692f0] Кюлюб къарадынг да кёзюме, Дуния алай ариу болду ? Къайгъыларым джарты юзюле, Джаным иги къууумдан толду. Кюлюб къарадынг да кёзюме, Джылы джангур джауду ингирде, Мынчакъ-мынчакъ болуб, тёгюле, Мени джомагъына кийире. Кюлюб къарадынг да кёзюме, Джаным учаргъа къанат алды. Менге къараб тургъан кюзгюде Къууанчым ёмюрлеге къалды. [u:e7b22692f0]Джанымы ийнагъы[/u:e7b22692f0] Джанымы ийнагъы Джыр этеме санга, Джангыдан ийнаныб Насыбны барына. Шош кюледи эрттен, Умутум ? къанатлы. Сен келесе келе, Сёз да, джыр да ? татлы. Ол ариу кёзлеге Къарасам ? джылына. Джокъ къарыу тёзерге Алада джылыугъа. Мен марал джауунда ? Джер да, кёк да кюле ? Джууна тургъанлай, Ма алай кёрюне. Учунама санга, Джокъ сылтау, табылмаз Учунама санга, Эт мени абынмаз. Джанымы ийнагъы, Мен санга ашыкъдым. Джангыдан ийнаныб: Сен ? насыб къайыгъым. /Мусукаланы Сакинат/
 
 
 
#21
Джаратама0
29.07.2010 14:13:13
[u:9f6e965dac]Ушаб[/u:9f6e965dac] Хар неси да сюймекликге ушаб, Джюрегими, тынчлыгъымы ашаб, Айланады умут деген бир зат, Болалмайды джаным андан азат. Кёк да узакъ, джер да тюйюл джуукъ Бирде ? джылы сёзюнг, бирде ? сууукъ Ёлтюрюб, да, тирилтиб да баргъан Сен кетгенде, ол биргеме къалгъан. Джан салыб, неми да кёзге тутхан, Бийик элтиб, алыб джерге сукъгъан. Аллахны тюзлюгюн шекли этген. Соруу белги болуб, къалыб кетген. Кеб да тюйюл, аз да тюйюл насыб, Анны тергей билмей, кюйюб, джарсыб, Бир тохтайма, бир барама санга ? Не зат этгин быллай сейир джаннга? Ай да ? толу, джол да джатады тюз. Тереземи тюе турады кюз. Бирде джарыкъ, бирде мудах бола, Джаным кибик, джырлай, кюе, тола. [u:9f6e965dac]Аллыма къара[/u:9f6e965dac] Аллыма къара, Мен келмей къалмам. Джюрегим ? джара, Болджал а салмам. Кюледи кюнлюм. Гюл, мурса да бар. Кетерге сюйдюм, Аллымда уа ? джар. Эки акъ къанат - Дуния багъасы. Джашауум ? азаб, Къалсам аласыз. Бири ? ийнаныу, Бири уа ? умут? Сени къыйнадым, Кесими джулуб. Адам аллында Джокъ манга борчунг. ? Ингир алада Танымаз хоншум. Аллахды кеси Бизни тюбетген, Бизни, эс этиб, Насыблымы этген. Танысам насыб, Бийиги да ? гъарш, Башласам джарсыб, Терени уа ? чарс. Аллыма къара. Мен келмей къалмам. Сау болур джарам. Табылыр дарман. /МС/
 
 
 
#22
Джаратама0
29.07.2010 14:13:35
[u:4f1b27d9e0]Анны билгенли[/u:4f1b27d9e0] Къолумдан келиб, Ачытмам сени. Кюн, таудан эниб, Эрий кетгени. Юлгю болгъанлай, Къарайса анга. Аныча, алай Сюе джанаргъа. Сени сюйгеним ? Джаныма саугъа. Сени кёргеним ? Чыкъгъаным таугъа Неден да иги, Неден да татлы. Анны билгенли, Кюн ариу батды. Келеме алай, Келеме сюйюб, Чарс тангым саулай Тас болуб, кюйюб. [u:4f1b27d9e0]Бет джарыкълыкъ[/u:4f1b27d9e0] Къош-баш тюйюб айланнган Ушамайды, ушамай. Сени минг джыл таныгъан ? Мен, анга тюшюналмай. Кюлеме да, къарайма Сени суку бетинге? Мен алайма, алайма Не сюйсем да, этдире Турама да, сюеме, Джарыкъ болуб къарасанг, Аллынга келген мени Ауарамы алалсанг. Бет джарыкълыкъдан иги Джукъ да джокъ дунияма. Мен анны билиб келдим: Ол ? билеклик адамгъа.
 
 
 
#23
Джаратама0
29.07.2010 14:15:02
[u:ee681d75fa]Сюеме[/u:ee681d75fa] ?Тансыкъ болуб, санга, Алай келдим!? - десенг, Къанат бере манга, Ариу айта, келсенг. Сюеме. Аллынга Къарайма мен алай ? Сакълайма, ариудан Ариу атла атай ?Кюнюм, тюнюм, да ? сен Болуб, келдим!? - десенг Къууанч болур эсен, Алай айта келсенг. ?Дарман болдунг, манга ? Андан келдим!? - десенг, Чыкъдым насыб тангнга, Келсенг, келсенг, келсенг. ?Кюнню, гюлню, алыб, Келдим санга!? - десенг, Манга къучакъ джайыб, Алай айта келсенг. Сюеме. Аллынгы Къарайма мен алай ? Сакълайма, алгъындан Ариу атла атай. [u:ee681d75fa]Мени сюйген[/u:ee681d75fa] Мени сюйген джан да джокъ Арбазны тюеди буз. Узакъда ойнайды той, Анга баш болуб къобуз. Къобуз да, джыр да ? эски, Харс къагъады кёкде ай Мен болалмайма эсли ? Не да де, сен не да айт. Мени сюйген ? джангыз сен Баш булгъайса, кюлдюре, Алай кел, манга келсенг, Къошуб-къошуб сюйдюре. Джаным ? санга аманат. Джюк тюйюлдю ? къанатды. (Ол джюк болгъан сагъатда, Санга керексиз затды.) Азатлыгъым ? ол да кюч Анны элте билгеннге. Береме анны ёнкюч, Турур ючюн биргенге. Мени сюйген ? джангыз сен. Кюн кёзюме тиеди. Сен мени сюе эсенг, Андан иги не эди?! /Мусукаланы Сакинат/
 
 
 
#24
Джаратама0
29.07.2010 14:15:27
[u:b9461be309]Тау тил[/u:b9461be309] Элия джашнагъанча, алай Къылычны сууургъанча, алай Джай джылы джангурла джаугъанлай, Кюн да, акъ тауладан аугъанлай, Сёз да, джыр да сайлаб айланыб, Базманнга, тизгиннге салыныб, Ауру, дженгили да ? энчи, Хар бири да ? джаннга келечи. Ол тилде анамы ауазы, Ол тилде элими аязы, Ол тилде сюйгеним айтхан сёз, Ол тилде ыннамы сёзю: ?Тёз! Не да иги болур?, - деб, ыннам, Акъыллы кёзлерин да къыйнай, Шош айтады, джылла араны Этмей джокъ, келтире аланы Ол тилде атамы акъ атда Учханы, джыр, таурух да айта? Сау ёмюр бир башха джерледе Джашагъан, аджашхан джерлешле, Ол тилде айтдыла барларын, Ол тилни эштирге джанлары Сюйюб. Ол керекли сёзледе Не къарыу, не кюч бар тёзерге! ? Чачылгъан миллетни бир этген, Эсгертген бир къандан, бир эртден Болгъанын бизни хар бирибиз! О, бизни тау тилибиз! [u:b9461be309]Заман аман болмаз[/u:b9461be309] Заман аман болмаз Аманбыз кесибиз. Ары ? солгъа, онгнга, Кетгенди эсибиз. Аллыбызгъа къараб, Сагъыш этгенле джокъ, Кюрешмейин мараб, Къагъыб барады окъ. Душман душман тюйюл Шуёх да ? арсарлы. Джелле къагъыб, тюйюб, Этгендиле джарлы? Эминала джыгъыб, Тауусмагъан миллет, Ёмюрлени джырыб, Салыб тёре ? адет, Келеди. Джол ? узун. Джамауаты - арыб. Узакълада къузгъун Сары сарын салыб. Шайтан тойгъа ушаб, Къууанч алай джарты. Анны соруб, сураб Келген ? къара атлы. Азат деген ? сынау, Тюшгенди арсарсыз Анны къуугъан ? алдау Уллу болуб къарсы. Джаным ? алай джалан, Эртенлигим ? сору, Кюле тургъан заман Билмез анны къоруй. Бизничала бир кёб Умут деген ? байракъ Къараб турады кёк, Джаным кибик, чууакъ. /МС/
 
 
 
#25
Джаратама0
29.07.2010 14:16:41
[u:c502afb52a]Билиб турама[/u:c502afb52a] Башха сёз айтма манга - Мен ауриуну сюеме Сенден ариу сёз сакълай, Кёзюнг кёре кюеме. Билиб турама, билиб, Сёзлеринг - манга туура. Сары джыйрыгъын кийиб, Кюз келир, джорта, къууа Мен сакъларма, сакъларма, Сау къадарда джюрегим. - Ой, ненча джыр такъгъанма, Келмей бир бош кюерим. Айтырынгы билеме - Айта тураса дайым. Алай энтта, тилемей, Айт айталгъанынг сайын. Аны саны, ёлчеми Санар кибик тюйюлдю. Ол берген насыб чеги Уллу, джарыкъ кюнмюдю. [u:c502afb52a]Таб[/u:c502afb52a] Мен аджашсам энтда, Сен изле да, таб. Мени излей кет да, Джыр, назму атаб... Кюн да, ай да бошду, Сенсиз болсала. Джол да кёкда шошду - Тынгылаб ала. "Танг атармы?" - деб да Къарайма айгъа. Ийнанама энтда Чагъарыкъ джайгъа. Сен, айлана кет да, Излеб, мени таб. Сен ызымдан джет да, Айт, манга атаб. Ариу сёзмю джырмы - Сениди сайлау, - Ары сыйынырча Сюймеклик саулай. /Мусукаланы Сакинат/
 
 
 
Страницы: 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2021 Elbrusoid.org  |  Все права защищены Законами Гор.