- Джюрекден джюрекге джол барды.
- Ёксюзню тилеги къабыл болур.
- Ишлегенде эринме, ишде чолакъ кёрюнме.
- Тенгинг джокъ эсе – изле, бар эсе – сакъла!
- Билими азны – ауузунда кирит.
- Арпа, будай – ащды, алтын, кюмюш а – ташды.
- Джукъу тёшек сайламайды.
- Ишленмеген джаш – джюгенсиз ат, ишленмеген къыз – тузсуз хант.
- Аллахха ийнаннган кишини, Аллах онгдурур ишин.
- Адам туугъан джеринде, ит тойгъан джеринде.
- Атлыны кёрсе, джаяуну буту талыр.
- Тойчу джашха къарама, къойчу джашха къара.
- Экеу тутушса, биреу джыгъылыр.
- Аман хансны – урлугъу кёб.
- Акъыллы эркиши атын махтар, акъылсыз эркиши къатынын махтар.
- Джаз бир кюнню джатсанг, къыш талай кюнню абынырса.
- Тойгъан джерге джети къайт.
- Душманны тышы – акъ, ичи – къара.
- Хансыз джомакъ болмаз.
- Кёб джашагъан – кёб билир.
- Билим – акъылны чырагъы.
- Тенги кёбню джау алмаз, акъылы кёбню дау алмаз.
- Ат да турмайды бир териде.
- Ач, тоймам, дейди, тойгъан, ач болмам, дейди.
- Джашынгы кесинг юретмесенг, джашау юретир.
- Мал кёб болса, джууукъ кёб болур.
- Асхат ашлыкъ сата, юйдегиси ачдан къата.
- Джарлыны тону джаз битер.
- Телини эшигин, махтау джабар.
- Aдам боллукъ, сыфатындан белгили.
- Джангыз торгъай джырламаз.
- Сагъышы джокъ – джукъучу, акъылы джокъ – къаугъачы.
- Ариу джол аджал келтирмез.
- Къыз тиширыу кеси юйюнде да къонакъды.
- Тюкюрюк баш джармаз, налат кёз чыгъармаз!
- Керилген да, ургъан кибикди.
- Тешик этген тынчды, аны джамагъан къыйынды.
- Къралынгы – душмандан, башынгы от бла суудан сакъла.
- От кюйдюрген, сау болса да, тот кюйдюрген, сау болмаз.
- Тамбла алтындан бюгюн багъыр ашхы.
- Тёзгеннге, джабылгъан эшик ачылыр.
- Иги адамны бир сёзю эки болмаз.
- Байны къызы баймакъ болса да, юйде къалмаз!
- Аманнга алтын чыдамаз.
- Телиге от эт десенг, юйюнге от салыр.
- Къоркъакъны кёзю экили кёрюр.
- Къарнынг къанлынга кийирир.
- Ышармагъан – кюлмез, кюлмеген – къууанчны билмез.
- Кесинге джетмегенни, кёб сёлешме.
- Суу ичген шауданынга тюкюрме.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)