- Ёгюзню мюйюзюнден тутадыла, адамны сёзюнден тутадыла.
- Байны къызы баймакъ болса да, юйде къалмаз!
- Акъыл аздырмаз, билим тоздурмаз.
- Джолда аягъынга сакъ бол, ушакъда тилинге сакъ бол.
- Тик ёргени, тик энгишгеси да болады.
- Сакъламагъан затынга джолукъсанг, не бек къууанаса, не бек ачыйса.
- Акъыллы эркиши атын махтар, акъылсыз эркиши къатынын махтар.
- Дуния малгъа сатылма, кесингден телиге къатылма.
- Ишленмеклик адамлыкъды.
- Аманны эки битли тону болур, бирин сеннге кийдирир, бирин кеси киер.
- Танг атмайма десе да, кюн къоярыкъ тюйюлдю.
- Магъанасыз сёз – тауушсуз сыбызгъы.
- Ач да бол, токъ да бол – намысынга бек бол.
- Бермеген къол, алмайды.
- Билмегенинги, билгеннге сор.
- Акъыллы – эл иеси, тели – эл баласы.
- Айтылгъан буйрукъ, сёгюлмез
- Нёгерсизни джолу узун.
- Ёксюзню къалачы уллу кёрюнюр.
- Айтылгъан сёз ызына къайтмаз.
- Къошда джокъгъа – юлюш джокъ.
- Айраннга суу къош, телиге джол бош.
- Тау башында, тау болмаз, джангыз терек, бау болмаз.
- Мал тутхан – май джалар.
- Билим насыб берир, билим джолну керир.
- Эли джокъну – кёлю джокъ.
- Адамгъа аман кюн соруб келмейди.
- Ашха уста, юйюнде болсун
- Сютден ауузу кюйген, суугъа юфгюре эди.
- Алма терегинден кери кетмез.
- Миллетни бойну – базыкъ, аны бла кюрешген – джазыкъ.
- Къызын тута билмеген, тул этер, джашын тута билмеген, къул этер.
- Къатын къылыкъсыз, эр тынчлыкъсыз.
- Ауурну тюбю бла, дженгилни башы бла джюрюген.
- Тил – миллетни джаны.
- Ашда уялгъан – мухар, ишде уялгъан – хомух.
- Экеулен сёлеше тура эселе, орталарына барыб кирме.
- Сабыр джетер муратха, сабырсыз къалыр уятха.
- Ёнгкюч къууана барыр, джылай келир.
- Таш ата билмеген, башына урур.
- Аджал соруб келмез, келсе, къайтыб кетмез.
- Акъыл бла адеб эгизледиле.
- Акъыллы айтыр эди, акъылсыз къоймайды.
- Ётюрюк хапар аякъ тюбю бла джюрюйдю.
- Байны оноуу, джарлыгъа джарамаз.
- Игиге айтсанг – билир, аманнга айтсанг – кюлюр.
- Айранын берсенг, челегин да къызгъанма.
- Ашын ашагъанынгы, башын да сыйла.
- Чомартха Тейри да борчлуду.
- Айыбны суу бла джууалмазса.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)