- Уллу атлама – абынырса, уллу къабма – къарылырса.
- Билими азны – ауузунда кирит.
- Ургъан суудан башынгы сакъла.
- Сакъалы текени да бар, мыйыгъы киштикни да бар.
- Билим ат болуб да чабар, къуш болуб да учар.
- Орну джокъну – сыйы джокъ.
- Джыйырма къойну юч джыйырма эбзе кюте эди.
- Джарашыу сюйген – джалынчакъ.
- Агъач – джерни чырайы, кийим – эрни чырайы.
- Кёзюнде тереги болгъан, чёбю болгъаннга кюле эди.
- Иги – алгъыш этер, аман – къаргъыш этер.
- Къызбайны юйюне дери сюрсенг, батыр болур.
- Чакъырылмагъан къонакъ – орунсуз.
- Адеби болмагъан къыз – тузсуз хант.
- Суугъа – таянма, джаугъа – ийнанма.
- Ёлмесенг да, къарт дамы болмазса?
- Аманны эки битли тону болур, бирин сеннге кийдирир, бирин кеси киер.
- Хунаны тюбюн къазсанг, юсюнге ауар.
- Эки элинги тыйсанг, джети элде махталырса.
- Эшекни не къадар тюйсенг да, ат болмаз.
- Атлыны ашхысы, ат тизгининден билинир
- Узун джолну барсанг, бюгюн келирсе, къысха джолну барсанг, тамбла келирсе.
- Гырджын – тепсини тамадасы.
- Таула не мийик болсала да, аууш табылыр.
- Экеулен сёлеше тура эселе, орталарына барыб кирме.
- Акъылсызны джууукъгъа алма, акъыллыны кенгнге салма.
- Билимден уллу байлыкъ джокъду.
- Бети бедерден, намыс сакълама.
- Кёб джашагъан – кёб билир.
- Окъуусуз билим – джокъ, билимсиз кюнюнг – джокъ.
- Халкъны джырын джырласанг, халкъ санга эжиу этер.
- Эл бла кёргенинг эрелей.
- Бермеген къол, алмайды.
- Азыкълы ат арымаз, къатыны аман джарымаз.
- Мухар, кеси тойса да, кёзю тоймаз.
- Тойгъан джерден туугъан джер игиди.
- Акъыл бла адеб эгизледиле.
- Билим насыб берир, билим джолну керир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхы – джыяр, аман – джояр.
- Малны кют, джерни тюрт.
- Айныгъанлы алты кюн, тогъайгъанлы тогъуз кюн.
- Тили узунну, намысы – къысха.
- Тура эдим джата, къайдан чыкъды хата?
- Босагъа таш юйге кирмей эди, тыбыр таш эшикге чыкъмай эди.
- Чакъырылмагъан къонакъ тёрге атламаз.
- Тилсиз миллет джокъ болур.
- Къар – келтирди, суу – элтди.
- Орундукъ тюбюнде атылсам да, орта джиликме, де да айлан.
- Къаллай салам берсенг, аллай джууаб алырса.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)