- Бети – къучакълар, джюреги – бычакълар.
- Къошда джокъгъа – юлюш джокъ.
- Аман адам этегингден тутса, кес да къач.
- Иги джашны ышаны – аз сёлешиб, кёб тынгылар.
- Таукел тауну аудурур.
- Джети тилни билген джети кишиди.
- Кёлю джокъну – джолу джокъ.
- Чарсда алчыны эл кёреди.
- Ашына кёре табагъы, балына кёре къалагъы.
- Биреуге кёлтюрген таягъынг, кесинги башынга урур.
- Аш иеси бла татлыды.
- Джарлыны тону джаз битер.
- Ач, тоймам, дейди, тойгъан, ач болмам, дейди.
- Ач къалгъандан, кеч къалгъан къолай.
- Рысхысына кёре, джаш ёсер, къышлыгъына кёре, мал ёсер.
- Акъыл бла адеб эгизледиле.
- Адам сёзюнден белгили.
- Бюгюн дуния кибик, тамбла ахыратды.
- Хансыз джомакъ болмаз.
- Адебни адебсизден юрен.
- Эски джаугъа ышанма.
- Мал ёлсе, сюек къалыр, адам ёлсе, иши къалыр.
- Къызын тута билмеген, тул этер, джашын тута билмеген, къул этер.
- Тай асырагъан, атха минер.
- Адам туугъан джеринде, ит тойгъан джеринде.
- Билмегенинги, билгеннге сор.
- Таш ата билмеген, башына урур.
- Эшекни не къадар тюйсенг да, ат болмаз.
- Къазанчы аман болса, къазаны къайнамаз.
- Терслик кетер, тюзлюк джетер.
- Чомартны къолу берекет.
- Джукъу тёшек сайламайды.
- Бир онгсуз адам адет чыгъарды, деб эштирик тюлсе.
- Атлыны ашхысы, ат тизгининден билинир
- Башынга джетмегенни сорма.
- Адамны сыфатына къарама, сёзюне къара.
- Джаз бир кюнню джатсанг, къыш талай кюнню абынырса.
- Эркишиге тары кебек танг кёрюнюр.
- Акъыллы айтыр эди, акъылсыз къоймайды.
- Минг тенг да азды, бир джау да кёбдю.
- Джыгъылгъанны сырты джерден тоймаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Аман адам элни бир-бирине джау этер.
- Зар адамны насыбы болмаз.
- Тюзню ётмеги тюзде къалса да, тас болмаз.
- Хантына кёре тузу, юйюне кёре къызы.
- Сёз садакъдан кючлюдю.
- Къонакъ кёб келюучю юйню, къазаны отдан тюшмез.
- Къонагъынгы артмагъын алма да, алгъышын ал.
- Итли къонакъ джарашмаз.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)