- Джетген къыз джерли эшекни танымаз.
- Керти сёзге тёре джокъ.
- Зар адам ашынгы ашар, кесинги сатар.
- Джумушакъ сёз къаты таякъны сындырыр.
- Тойгъа барсанг, тоюб бар, эски тонунгу къоюб бар.
- Хазыр ашха – терен къашыкъ.
- Тил – кесген бычакъ, сёз – атылгъан окъ.
- Экеу тутушса, биреу джыгъылыр.
- Аджалсыз ёлюм болмаз.
- Чакъырылмагъан къонакъ къачан кетерин сормаз.
- Бастасын ашагъан, хантусун да ичер.
- Ханы къызы буюгъа-буюгъа киштик болду.
- Джюз элде джюз ёгюзюм болгъандан эсе, джюз джууугъум болсун.
- Ачылгъан эт джабылыр, кёрген кёз унутмаз.
- Башланнган иш битер, къымылдагъан тиш тюшер.
- Тели турса – той бузар.
- Чакъырылмагъан къонакъ – орунсуз.
- Байны оноуу, джарлыгъа джарамаз.
- Огъурлуну сёзю – суу, огъурсузну сёзю – уу.
- Кёбню кёрген – кёб билир.
- Харам къарнашдан, халал тенг ашхы.
- Адам къыйынлыгъын кёлтюрюр, зауукълугъун кёлтюрмез.
- Алим болгъандан эсе, адам болгъан къыйынды.
- Джарлы эскисин джамаса, къууаныр.
- Къайгъыны сюйген, къайгъы табар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёмюрлюк шохлукъну джел элтмез.
- Юй ишлеген балта эшикде къалыр.
- Къалгъан ишге къар джауар.
- Баш – акъыл ючюн, акъылман – халкъ ючюн.
- Эрине къаргъыш этген къатын, эрнин къабар.
- Ёлген аслан – сау чычхан.
- Кёлю джокъну – джолу джокъ.
- Халкъгъа джарагъан, джарлы къалмаз.
- Тыш элде солтан болгъандан эсе, кесинги элде олтан болгъан игиди!
- Джолда аягъынга сакъ бол, ушакъда тилинге сакъ бол.
- Олтуруб кёрюнмей эди да, ёрге туруб кёрюне эди.
- Ачыу алгъа келсе, акъыл артха къалады.
- Аз сёлеш, кёб ишле.
- Орундукъ тюбюнде атылсам да, орта джиликме, де да айлан.
- Киштикге къанат битсе, чыпчыкъ къалмаз эди.
- Адам туугъан джеринде, ит тойгъан джеринде.
- Игиге айтсанг – билир, аманнга айтсанг – кюлюр.
- Суугъа – чабакъ, къаягъа – ыргъакъ.
- Джарлыны эшигин махтагъан джабар.
- Атлыны кёрсе, джаяуну буту талыр.
- Дуния аламаты сен эсенг да, игиме деб айтма.
- Ауругъан – джашаудан умутчу.
- Ёгюзню мюйюзлери ауурлукъ этмейдиле.
- Тамчы таш тешер.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)