- Джерни букъусу кёкге къонмаз.
- Къанны къан бла джуума, аманны аман бла къуума.
- Ач – эснер, ат – кишнер.
- Тау башында, тау болмаз, джангыз терек, бау болмаз.
- Тешигини къатында, чычхан да батыр болур.
- Айтхан сёзюне табылгъан.
- Байны къызы баймакъ болса да, юйде къалмаз!
- Бек анасы джыламаз.
- Сакъ юйюне сау барыр.
- Тёрдеги кюлсе, эшикдеги ышарыр.
- Мураты болгъанны джюрек тебюую башхады.
- Ичимден чыкъды хата, къайры барайым сата?
- Къолунгдан къуймакъ ашатсанг да, атаны борчундан къутулмазса.
- Эркиши – от, тиширыу – суу.
- Киштикге къанат битсе, чыпчыкъ къалмаз эди.
- Адамгъа аман кюн соруб келмейди.
- Экиндини кеч къылсанг, чабыб джетер ашхам.
- Ашда – бёрю, ишде – ёлю.
- Ач уят къоймаз.
- Кесинг сынамагъан затны, адамгъа буюрма.
- Сёлеш деб шай берген, тохта деб, сом берген.
- Джукъу тёшек сайламайды.
- Къонакъны къачан кетерин сорма, къачан келлигин сор.
- Тилчиден кери бол.
- Окъугъанны бети джарыкъ.
- Чакъырылмагъан къонакъ тёрге атламаз.
- Аман адам этегингден тутса, кес да къач.
- Ёлмесенг да, къарт дамы болмазса?
- Кёз – сюйген джерде, къол – ауругъан джерде.
- Джыланны къуйругъундан басарынг келсе, аны башы болгъанын унутма.
- Сёз къанатсыз учар.
- Окъдан джара эртде-кеч болса да бителир, сёз джара, ёмюрге къалыр.
- Азыгъы аз, алгъа къабар, аты аман, алгъа чабар.
- Кёбню кёрген – кёб билир.
- Гугук кесини атын айтыб къычыргъанча, мен, мен деб нек тураса?
- Иги бла джюрюсенг, джетерсе муратынга, аман бла джюрюсенг, къалырса уятха.
- Джашынгы кесинг юретмесенг, джашау юретир.
- Кесинге джетмегенни, кёб сёлешме.
- Сютню башын джалагъан къутулур, тюбюн ичген тутулур.
- Кёзден кетген, кёлден да кетеди.
- Тилчи бир сагъатха айлыкъ хата этер.
- Байлыкъ келсе, акъыл кетер.
- Тюз сёз баргъан сууну тыяр.
- Кийимни бир кюнню аясанг, минг кюннге джарар.
- Айран тёгюлсе, джугъусу къалыр.
- Ана кёлю – балада, бала кёлю – талада.
- Къызны минг тилер, бир алыр.
- Эл бла кёргенинг эрелей.
- Сангырау къулакъ эл бузар.
- Минг тенг да азды, бир джау да кёбдю.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)