- Алгъанда – джууукъ, бергенде – джау.
- Чомарт къолда мал къалмаз.
- Тёгюлген тюгел джыйылмайды.
- Илму – джашауну джолу.
- Тойгъа барсанг, тоюб бар, эски тонунгу къоюб бар.
- Эркиши – от, тиширыу – суу.
- Чакъырылмагъан къонакъ къачан кетерин сормаз.
- Ауругъан – джашаудан умутчу.
- Огъурлуну сёзю – суу, огъурсузну сёзю – уу.
- Кёб джат да, бек чаб.
- Ишлегенден, къарагъан уста.
- Кийимни бичсенг, кенг бич, тар этген къыйын тюлдю.
- Ишлегенде эринме, ишде чолакъ кёрюнме.
- Ишлемеген – тишлемез.
- Рысхы джалгъанды: келген да этер, кетген да этер.
- Тулпарлыкъ, билекден тюл – джюрекден.
- Тил джюрекге джол ишлейди.
- Хоншуну тауугъу къаз кёрюнюр, келини къыз кёрюнюр.
- Болджал ишни бёрю ашар.
- Эртде тургъан бла эртде юйленнген сокъуранмаз.
- Ач отунчуну ачыуу – бурнунда.
- Алма терегинден кери кетмез.
- Aдам боллукъ, сыфатындан белгили.
- Эте билген, этген этеди, эте билмеген, юретген этеди!
- Ауругъаннга – кийик саулукъ, джетген къызгъа – чилле джаулукъ.
- Ойнай билмеген, уруб къачар.
- Кюн – узун, ёмюр – къысха.
- Акъыл бла адеб эгизледиле.
- Къобан да къуру да къобханлай турмайды, адам да къуру да патчахлай турмайды.
- Тюз сёз баргъан сууну тыяр.
- Келинин тута билмеген, къул этер, къызын тута билмеген, тул этер.
- Арбаз сайлама да, хоншу сайла.
- Акъыллы башны – тили къысха.
- Мухарны эси – ашарыкъда.
- Ишленмеген джаш – джюгенсиз ат, ишленмеген къыз – тузсуз хант.
- Акъыл къартда, джашда тюйюлдю – башдады.
- Байны къызы баймакъ болса да, юйде къалмаз!
- Душманны тышы – акъ, ичи – къара.
- Тёрде – темир таякълы, къаяда – чыпчыкъ аякълы.
- Кесине оноу эте билмеген, халкъына да эте билмез.
- Тойгъандан сора, ашны сёкме.
- Терслик кетер, тюзлюк джетер.
- Окъуу – билимни ачхычы, окъуу – дунияны бачхычы.
- Джукъу тёшек сайламайды.
- Ашхы атаны – джашы ашхы, ашхы ананы – къызы ашхы.
- Ачлыкъда тары гырджын халыуадан татлы.
- Аш берме да, къаш бер.
- Аджалсыз ёлюм болмаз.
- Акъыллы эркиши атын махтар, акъылсыз эркиши къатынын махтар.
- Къартны бурнун сюрт да, оноугъа тут.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)