- Къарт болгъан джерде, берекет болур, сабий болгъан джерде, оюн болур.
- Къонакъ кёб келюучю юйню, къазаны отдан тюшмез.
- Кёзюнде тереги болгъан, чёбю болгъаннга кюле эди.
- Ауурну тюбю бла, дженгилни башы бла джюрюген.
- Билим – акъылны чырагъы.
- Мал кёб болса, джууукъ кёб болур.
- Къатын къылыкъсыз, эр тынчлыкъсыз.
- Билгенни къолу къарны джандырыр.
- Чалманны аллы къалай башланса, арты да алай барады.
- Айранын берсенг, челегин да къызгъанма.
- Айныгъанлы алты кюн, тогъайгъанлы тогъуз кюн.
- Ойнай билмеген, оюн бузар.
- Байны оноуу, джарлыгъа джарамаз.
- Накъырда – кертини келечиси.
- Мен да «сен», дейме, сен да «кесим», дейсе.
- Къызгъанчдан ычхыныр, мухардан ычхынмаз.
- Агъач халкъгъа алтынды, иссиликге салкъынды.
- Ашхы болсанг, атынг чыгъар, аман болсанг, джанынг чыгъар.
- Билим къая тешер.
- Намысы болмагъанны, сыйы болмаз.
- Адам туугъан джеринде, ит тойгъан джеринде.
- Орундукъ тюбюнде атылсам да, орта джиликме, де да айлан.
- Аджашхан тёгерек айланыр.
- Сакъламагъан затынга джолукъсанг, не бек къууанаса, не бек ачыйса.
- Тенги кёбню джау алмаз, акъылы кёбню дау алмаз.
- Биреуге аманлыкъ этиб, кесинге игилик табмазса.
- Экеулен сёлеше тура эселе, орталарына барыб кирме.
- Огъурлуну сёзю – суу, огъурсузну сёзю – уу.
- Джаш болсун, къыз болсун, акъылы, саны тюз болсун.
- Ач келгенни – тойдур, кеч келгенни – къондур.
- Айтылгъан буйрукъ, сёгюлмез
- Къыйынлы джети элге оноу этер.
- Байны къызы баймакъ болса да, юйде къалмаз!
- Аджал соруб келмез, келсе, къайтыб кетмез.
- Тойгъандан сора, ашны сёкме.
- Намыс сатылыб алынмайды.
- Баш – акъыл ючюн, акъылман – халкъ ючюн.
- Адамны аманы адамны бети бла ойнар.
- Хаухну атма, ёнгкючню сатма.
- Сууда джау джокъ, кёб сёзде магъана джокъ.
- Джуртун къоругъан озар.
- Ишин билген, аны сыйын чыгъарады.
- Къарнынг ауруса, ауузунгу тый
- Чакъырылмай келген къонакъ сыйланмай кетер.
- Алтыда кюлмеген, алтмышда кюлмез.
- Уясында не кёрсе, учханында аны этер.
- Ургъан суудан башынгы сакъла.
- Атынг аманнга чыкъгъандан эсе, джанынг тамагъынгдан чыкъсын.
- Болджал ишни бёрю ашар.
- Ышармагъан – кюлмез, кюлмеген – къууанчны билмез.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)