- Тенгни тенглиги джашай барсанг билинир.
- Ачыу алгъа келсе, акъыл артха къалады.
- Ачны эсинде – аш.
- Къызгъанчдан ычхыныр, мухардан ычхынмаз.
- Ким бла джюрюсенг, аны кёзю бла кёрюнюрсе.
- Сибиртки да сыйлы болду, кюрек да кюнлю болду.
- Эм ашхы къайын ана мамукъ бла башынгы тешер.
- Биреуню тёрюнден, кесинги эшик артынг игиди.
- Айтхан сёзюне табылгъан.
- Окъумагъан сокъурду, сокъур ташха абыныр!
- Къыйынлы джети элге оноу этер.
- Элге къуллукъ этмеген, элге ие болмаз.
- Чёбню кёлтюрсенг, тюбюнден сёз чыгъар.
- Чомарт джарлы болмаз.
- Зарда марда джокъ.
- Урама да – ёледи, сатама да – келеди.
- Уллу айтханны этмеген – уллаймаз.
- Аллахдан тилесенг, кёб тиле.
- Керти сёзге тёре джокъ.
- Шапа кёб болса, аш татымсыз болур.
- Тулпарлыкъ, билекден тюл – джюрекден.
- Джылкъыдан – ат чыгъар, тукъумдан – джаш чыгъар.
- Джюрекге ариу – кёзге да ариу.
- Тойну къарнашы – харс, джырны къарнашы – эжиу.
- Чыбыкълыкъда бюгюлмеген, къазыкълыкъда бюгюлмей эди.
- Аш кетер да бет къалыр.
- Иги сёз – джаннга азыкъ, аман сёз башха – къазыкъ.
- Зар адам ашынгы ашар, кесинги сатар.
- Билеги кючлю, бирни джыгъар, билими кючлю, мингни джыгъар.
- Минг тенг да азды, бир джау да кёбдю.
- Къралынгы – душмандан, башынгы от бла суудан сакъла.
- Атлыны кёрсе, джаяуну буту талыр.
- Ачлыкъ отха секиртир.
- Юй ишлеген балта эшикде къалыр.
- Аман адамны тепсинге олтуртсанг, къызынгы тилер.
- Къолунгдан къуймакъ ашатсанг да, атаны борчундан къутулмазса.
- Билим – акъылны чырагъы.
- Кёзден кетген, кёлден да кетеди.
- Къарт бла баш аша, джаш бла аякъ аша.
- Сакъ юйюне сау барыр.
- Малны кют, джерни тюрт.
- Хар ишни да аллы къыйынды.
- Кёлю джокъну – джолу джокъ.
- Чакъырылмай келген къонакъ сыйланмай кетер.
- Экеулен сёлеше тура эселе, орталарына барыб кирме.
- Адамны адамлыгъы къыйынлыкъда айгъакъланады.
- Хатерли къул болур.
- Чакъырылмагъан къонакъ – орунсуз.
- Хата – гитчеден.
- Эки ойлашыб, бир сёлешген.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)