- Сууда джау джокъ, кёб сёзде магъана джокъ.
- Нафысынгы айтханын этме, намысынгы айтханын эт.
- Хар ишни да аллы къыйынды.
- Акъыл сабырлыкъ берир.
- Ач – эснер, ат – кишнер.
- Айтхан – тынч, этген – къыйын.
- Ашхылыкъ джерде джатмайды, аманлыкъ суугъа батмайды.
- Уллу къашыкъ эрин джыртар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бети бедерден, намыс сакълама.
- Иги адам абынса да, джангылмаз.
- Джан саулукъ бермей, сан саулукъ бермезсе.
- Адеб этмеген, адеб кёрмез.
- Сагъышы джокъ – джукъучу, акъылы джокъ – къаугъачы.
- Къыйынлы джети элни къайгъысын этер.
- Тойну къарнашы – харс, джырны къарнашы – эжиу.
- Къазанны башы ачыкъ болса, итге уят керекди.
- Байлыкъ болгъан джерде, тынчлыкъ джокъду.
- Къатын байлыкъны сюер, эр саулукъну сюер.
- Къызын тута билмеген, тул этер, джашын тута билмеген, къул этер.
- Билими азны – ауузунда кирит.
- Тилчиден кери бол.
- Джаным-тиним – окъуу, билим.
- Келгинчи, къонакъ уялыр, келгенден сора, къонакъбай уялыр.
- Арба аугъандан сора, джол кёргюзтюучю кёб болур.
- Юреннген ауруу къалмаз.
- Окъдан джара эртде-кеч болса да бителир, сёз джара, ёмюрге къалыр.
- Ариу сёз джыланны орнундан чыгъарыр.
- Чакъырылгъанны аты, чакъырылмагъанны багъасы болур.
- Нарт сёз – тилни бети.
- Джашлыкъ этмеген, башлыкъ этмез.
- Къая джолда джортма, ачыкъ сёзден къоркъма.
- Игини сыйлагъан адетди.
- Кирсизни – саны таза, халалны – къаны таза.
- Эки итни арасына сюек атма, эки адамны арасында сёз чыгъарма.
- Джарлыны эшигин махтагъан джабар.
- Аман эсирсе, юйюн ояр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Билимден уллу байлыкъ джокъду.
- Ач бёрюге мекям джокъ.
- Джаралыны джастыгъында сау ёлюр.
- Таукел тауну аудурур.
- Къызгъанчдан ычхыныр, мухардан ычхынмаз.
- Таш бла ургъанны, аш бла ур.
- Иги джашны ышаны – аз сёлешиб, кёб тынгылар.
- Джерни букъусу кёкге къонмаз.
- Мураты болгъанны джюрек тебюую башхады.
- Къарыусузгъа кюлме, онгсузгъа тийме.
- Босагъагъа джууукъ орун болса, ашыгъыб тёрге озма.
- Джырына кёре эжиую.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)