- Игилик игилик бла сингдирилиучю затды.
- Аман адам элни бир-бирине джау этер.
- Магъанасыз сёз – тауушсуз сыбызгъы.
- Ишге юренсин къоллары, халкъ бла болсун джоллары.
- Юй кюйдю да, кюйюз чыкъды, ортасындан тюйюш чыкъды.
- Арба аугъандан сора, джол кёргюзтюучю кёб болур.
- Кийиминг бла танылма, адамлыкъ бла таныл.
- Аманнга да, игиге да оноусуз къатышма.
- Джашлыкъ этмеген, башлыкъ этмез.
- Чомарт къонакъ юй иесин сыйлар.
- Тёзгеннге, джабылгъан эшик ачылыр.
- Билим – акъылны чырагъы.
- Ашхы адам – халкъ байлыгъы, ашхы джер – джашау байлыгъы.
- Ашда уялгъан – мухар, ишде уялгъан – хомух.
- Гыдай эчки суугъа къараб, мюйюзле кёрмесе, джашма алкъын, дегенди.
- Уруну арты – къуру.
- Къозулугъунда тоймагъан, къойлугъунда тоймаз.
- Ауузу бла къуш тута айланады.
- Ишлегенде эринме, ишде чолакъ кёрюнме.
- Кёб джашагъан – кёб билир.
- Юйлю уругъа ит чабмаз.
- Чакъырылмагъан къонакъ къачан кетерин сормаз.
- Билмезни кёзю кёрмез, этмезни къулагъы эшитмез.
- Эркишини аманы тиширыуну джылатыр.
- Адамгъа аман кюн соруб келмейди.
- Тюз сёз баргъан сууну тыяр.
- Эртде тургъан джылкъычыны эркек аты тай табар.
- Къонагъынгы артмагъын алма да, алгъышын ал.
- Узун джолну барсанг, бюгюн келирсе, къысха джолну барсанг, тамбла келирсе.
- Аз сёлешген, къайгъысыз турур.
- Кёзюнде тереги болгъан, чёбю болгъаннга кюле эди.
- Ёгюзню мюйюзлери ауурлукъ этмейдиле.
- Ётюрюкню башын керти кесер.
- Терслик кетер, тюзлюк джетер.
- Борчунг бар эсе, хурджунунга ойлаб узал.
- Адамны бетине къарама, адетине къара.
- Нарт сёз къарт болмаз.
- Чакъырылмагъан къонакъ – орунсуз.
- Ашхы – джыяр, аман – джояр.
- Ханы къызы буюгъа-буюгъа киштик болду.
- Кёл ашады да, кеси ашады.
- Къызбайны юйюне дери сюрсенг, батыр болур.
- Адам туугъан джеринде, ит тойгъан джеринде.
- Аурууну келиую тынч, кетиую – къыйын.
- Таула не мийик болсала да, аууш табылыр.
- Къарын къуру болса, джюрек уру болур.
- Кёл – къызбай, къол – батыр.
- Аджалсыз ёлюм болмаз.
- Атадан ёксюз – бир ёксюз, анадан ёксюз – эки ёксюз.
- Таш бла ургъанны, аш бла ур.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)