- Ашда уялгъан – мухар, ишде уялгъан – хомух.
- Чомарт бергенин айтмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айтхан – тынч, этген – къыйын.
- Ач да бол, токъ да бол – намысынга бек бол.
- Кёбден умут этиб, аздан къуру къалма.
- Къартны сыйын кёрмеген, къартлыгъында сыйлы болмаз.
- Ойнай билмеген, уруб къачар.
- Ариу сёзде ауруу джокъ.
- Рысхы – насыбха къор.
- Кёз – сюйген джерде, къол – ауругъан джерде.
- Ачыу алгъа келсе, акъыл артха къалады.
- Сагъышы джокъ – джукъучу, акъылы джокъ – къаугъачы.
- Суугъа – чабакъ, къаягъа – ыргъакъ.
- Джыгъылгъанны сырты джерден тоймаз.
- Биреуню къыйынлыгъы бла кесинге джол ишлеме.
- Тамбла алтындан бюгюн багъыр ашхы.
- Сакъламагъан затынга джолукъсанг, не бек къууанаса, не бек ачыйса.
- Тойчу джашха къарама, къойчу джашха къара.
- Шекер бла туз – бир болмаз, ушамагъан – юй болмаз.
- Тёзген – тёш ашар!
- Чомарт джарлы болмаз.
- Чомартха хар кюн да байрамды.
- Чакъырылмагъан джерге барма, чакъырылгъан джерден къалма.
- Бет бетге къараса, бет да джерге къарар.
- Тулпарлыкъ, билекден тюл – джюрекден.
- Ана – юйню кюн джарыгъы.
- Олтуруб кёрюнмей эди да, ёрге туруб кёрюне эди.
- Чомартны къолун джокълукъ байлар.
- Джыйырма къойну юч джыйырма эбзе кюте эди.
- Зар адамны насыбы болмаз.
- Къазанны башы ачыкъ болса, итге уят керекди.
- Айран тёгюлсе, джугъусу къалыр.
- Тойгъан джерге джети къайт.
- Кюн – узун, ёмюр – къысха.
- Билмейме деген – бир сёз
- Сабыр джетер муратха, сабырсыз къалыр уятха.
- Онгсузну – джакъла, тенгликни – сакъла.
- Термилгенинги табмазса, кюлгенинге тюберсе.
- Адамны сабийин сюйген джюреги, бычакъча, джитиди.
- Рысхысына кёре, джаш ёсер, къышлыгъына кёре, мал ёсер.
- Башланнган иш битер, къымылдагъан тиш тюшер.
- Ариуну – ауруу кёб.
- Мени джылытмагъан кюн, меннге тиймесин!
- Кёлю джокъну – джолу джокъ.
- Аллахха ийнаннган кишини, Аллах онгдурур ишин.
- Кюл тюбюндеги от кёрюнмейди.
- Къатын байлыкъны сюер, эр саулукъну сюер.
- Дуния мал дунияда къалады.
- Ёпкелегенни ашы татлы болады.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 2)