- Аман къатын сабий табса, бий болур…
- Адамны аманы адамны бети бла ойнар.
- Аз сёлеш, кёб ишле.
- Къобан да къуру да къобханлай турмайды, адам да къуру да патчахлай турмайды.
- Битмегеннге сакъал – танг.
- Ана кёлю – балада, бала кёлю – талада.
- Чыкълы кюнде чыкъмагъан, чыкъса къуру кирмеген.
- Окъ къызбайны джокълайды.
- Ушамагъан – джукъмаз.
- Джети тилни билген джети кишиди.
- Тюкюрюк баш джармаз, налат кёз чыгъармаз!
- Джылкъыдан – ат чыгъар, тукъумдан – джаш чыгъар.
- Джюрекге ариу – кёзге да ариу.
- Ач отунчуну ачыуу – бурнунда.
- Аз айтсам, кёб ангылагъыз.
- Ачлыкъда тары гырджын халыуадан татлы.
- Экеу тутушса, биреу джыгъылыр.
- От кюйдюрген, сау болса да, тот кюйдюрген, сау болмаз.
- Ауругъанны сау билмез, ач къарынны токъ билмез.
- Бичгенде ашыкъма, тикгенде ашыкъ.
- Ариу сёз джыланны орнундан чыгъарыр.
- Аджашханны ызындагъы кёреди, джангылгъанны джанындагъы биледи.
- Тил джюрекге джол ишлейди.
- Юреннген ауруу къалмаз.
- Акъыл бла адеб эгизледиле.
- Эри аманны, къатыны – аман.
- Накъырда – кертини келечиси.
- Келгинчи, къонакъ уялыр, келгенден сора, къонакъбай уялыр.
- Чабар ат – джетген къыз.
- Ёлген ийнек сютлю болур.
- Кёз – сюйген джерде, къол – ауругъан джерде.
- Ариуну – ауруу кёб.
- Джеринден айырылгъан – джети джылар, джуртундан айырылгъан – ёлгюнчю джылар.
- Аджашхан тёгерек айланыр.
- Халкъны юйю – туугъан джери.
- Ана къойну – балагъа джандет.
- Эте билген, этген этеди, эте билмеген, юретген этеди!
- Аман эсирсе, юйюн ояр.
- Къарт бла баш аша, джаш бла аякъ аша.
- Ач къарынны, токъ билмез
- Къая джолда джортма, ачыкъ сёзден къоркъма.
- Аш иеси бла татлыды.
- Дууулдаса – бал чибин, къонса – къара чибин.
- Уллу айтханны этмеген – уллаймаз.
- Босагъа таш юйге кирмей эди, тыбыр таш эшикге чыкъмай эди.
- Кёбге таш атма.
- Ашхылыкъ джерде джатмайды, аманлыкъ суугъа батмайды.
- Айтханы чапыракъдан ётмеген.
- Билими азны – ауузунда кирит.
- Джаханимни кёрмей, джандетге кёл салмазса.
Къарачай-Малкъар назмула..
29.07.2010 16:52:46
[u:ac98fde2fd]Сени сёзлеринг[/u:ac98fde2fd]
Джетдиле
Сёзлеринг менге...
Джетдиле,
Къанатлары кюйюб.
Ала къондула да,
Энди кюедиле къол аязларым.
/С.А./
|
|
|
|
Читают тему (гостей: 1)