- Адам къаллай бир ишленмесе, аллай бир кесин уллу кёреди.
- Чомарт къолда мал къалмаз.
- Берекет берсин деген джерде, берекет болур.
- Ата – баланы уясы.
- Билим насыб берир, билим джолну керир.
- Арбаз сайлама да, хоншу сайла.
- Рысхы – сют юсюнде кёмюк кибикди.
- Дууулдаса – бал чибин, къонса – къара чибин.
- Ушамагъан – джукъмаз.
- Кюн – узун, ёмюр – къысха.
- Къызын тута билмеген, тул этер, джашын тута билмеген, къул этер.
- Киштикге къанат битсе, чыпчыкъ къалмаз эди.
- Джырчы джырчыгъа – къарнаш.
- Агъач халкъгъа алтынды, иссиликге салкъынды.
- Джашынгы кесинг юретмесенг, джашау юретир.
- Тынгылагъан тынгы бузар.
- Мухарны эси – ашарыкъда.
- Айтылгъан буйрукъ, сёгюлмез
- Ишлерге уял да, ашаргъа табма.
- Биреуню тёрюнден, кесинги эшик артынг игиди.
- Аманнга алтын чыдамаз.
- Терслик кетер, тюзлюк джетер.
- Къыз келсе, джумуш эте келеди, къатын келсе, ушакъ эте келеди.
- Тамырсыз терекге таянма – джыгъылырса.
- Ойнай-ойнай кёз чыгъар.
- Эртде тургъан бла эртде юйленнген сокъуранмаз.
- Къуру гыбыт бек дыгъырдар.
- Аджалсыз ёлюм болмаз.
- Терек ауса, отунчу – кёб.
- Билим къая тешер.
- Ашхы адам – халкъ байлыгъы, ашхы джер – джашау байлыгъы.
- Иги сеники эсе да, сюйген кесимикин этеме.
- Атынг аманнга чыкъгъандан эсе, джанынг тамагъынгдан чыкъсын.
- Кёлсюзден сёзсюз тууар.
- Нёгерсизни джолу узун.
- Тил – миллетни джаны.
- Окъумагъан сокъурду, сокъур ташха абыныр!
- Къонакъ хазыр болгъанлыкъгъа, къонакъбай хазыр тюлдю.
- Къызгъанчдан ычхыныр, мухардан ычхынмаз.
- Аджашхан тёгерек айланыр.
- Элге къуллукъ этмеген, элге ие болмаз.
- Джаным-тиним – окъуу, билим.
- Дуния аламаты сен эсенг да, игиме деб айтма.
- Ётюрюкден тюбю джокъ, кёлтюрюрге джиби джокъ.
- Аман эсирсе, юйюн ояр.
- Джеринден айырылгъан – джети джылар, джуртундан айырылгъан – ёлгюнчю джылар.
- Чабакъсыз кёлге къармакъ салгъанлыкъгъа, чабакъ тутмазса.
- Билмезни кёзю кёрмез, этмезни къулагъы эшитмез.
- Суугъа – чабакъ, къаягъа – ыргъакъ.
- Ёлген эшек бёрюден къоркъмайды.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)