- Эркиши – от, тиширыу – суу.
- Акъыл аздырмаз, билим тоздурмаз.
- Чалманны аллы къалай башланса, арты да алай барады.
- Кечеси – аяз, кюню – къыш, джарлы къаргъагъа бир аш тюш!
- Джаш къарыу бла кючлю, къарт акъыл бла кючлю.
- Кёл ашады да, кеси ашады.
- Кенгеш болса, уруш болмаз.
- Намысы болмагъанны, сыйы болмаз.
- Чакъырылгъанны аты, чакъырылмагъанны багъасы болур.
- Накъырданы арты керти болур.
- Телиге акъыл салгъандан эсе, ёлгеннге джан салырса.
- Арбаз сайлама да, хоншу сайла.
- Аман адам элни бир-бирине джау этер.
- Сёз къанатсыз учар.
- Кёз – сюйген джерде, къол – ауругъан джерде.
- Сабийликде юретмесенг, уллу болса – тюзелмез.
- Айтылгъан сёз ызына къайтмаз.
- Кёб ант этген, кёб ётюрюк айтыр.
- «Ма», - дегенни билмесенг, «бер», - дегенни билмезсе.
- Экиндини кеч къылсанг, чабыб джетер ашхам.
- Джылыгъа джылан илешир.
- Ашхы адам – халкъ байлыгъы, ашхы джер – джашау байлыгъы.
- Ишлемеген – тишлемез.
- Къошда джокъгъа – юлюш джокъ.
- Суугъа – чабакъ, къаягъа – ыргъакъ.
- Ач отунчуну ачыуу – бурнунда.
- Татлы сёз – балдан татлы.
- Къонакъны къачан кетерин сорма, къачан келлигин сор.
- Айныгъанлы алты кюн, тогъайгъанлы тогъуз кюн.
- Тилсиз миллет джокъ болур.
- Джангыз торгъай джырламаз.
- Тели турса – той бузар.
- Иги сеники эсе да, сюйген кесимикин этеме.
- Хантына кёре тузу, юйюне кёре къызы.
- Къайтырыкъ эшигинги, къаты уруб чыкъма.
- Мураты болгъанны джюрек тебюую башхады.
- Гыдай эчки суугъа къараб, мюйюзле кёрмесе, джашма алкъын, дегенди.
- Ёксюзню къалачы уллу кёрюнюр.
- Ёпкелегенни ашы татлы болады.
- Уллу сёзде уят джокъ.
- Айырылмаз джууугъунга, унутмаз сёзню айтма.
- Арыгъан къош чамчы болур.
- Суу кетер, таш къалыр.
- Чабакъгъа акъыл, табагъа тюшсе келеди.
- Накъырда – кертини келечиси.
- Эки элинги тыйсанг, джети элде махталырса.
- Джолда аягъынга сакъ бол, ушакъда тилинге сакъ бол.
- Танг атмайма десе да, кюн къоярыкъ тюйюлдю.
- Тёзгеннге, джабылгъан эшик ачылыр.
- Къар – келтирди, суу – элтди.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)