- Магъанасыз сёз – тауушсуз сыбызгъы.
- Чабакъсыз кёлге къармакъ салгъанлыкъгъа, чабакъ тутмазса.
- Аууз сакълагъан – джан сакълар.
- Эки къатын алгъанны къулагъы тынгнгаймаз.
- Башда акъыл болмаса, эки аякъгъа кюч джетер.
- Джарлы эскисин джамаса, къууаныр.
- Къумурсхала джыйылсала, пилни да джыгъадыла.
- Джюз элде джюз ёгюзюм болгъандан эсе, джюз джууугъум болсун.
- Кийиминг бла танылма, адамлыкъ бла таныл.
- Къан бла кирген, джан бла чыгъар.
- Къарны аманнга къазан такъдырма, къолу аманнга от джакъдырма.
- Чалманны аллы къалай башланса, арты да алай барады.
- Халкъны джырын джырласанг, халкъ санга эжиу этер.
- Зар адам ашынгы ашар, кесинги сатар.
- Иги сеники эсе да, сюйген кесимикин этеме.
- Сабийни джумушха джибер да, ызындан бар.
- Ишни аллы бла къууанма да, арты бла къууан.
- Акъыл неден да кючлюдю.
- Ашатыргъа иш – ашхы, ишлетирге аш – ашхы.
- Къонагъы джокъну – шоху джокъ.
- Намысы болмагъанны, сыйы болмаз.
- Ач, тоймам, дейди, тойгъан, ач болмам, дейди.
- Асхат ашлыкъ сата, юйдегиси ачдан къата.
- Ана кёлю – балада, бала кёлю – талада.
- Чомартны къолу берекет.
- Игилик игилик бла сингдирилиучю затды.
- Тешик этген тынчды, аны джамагъан къыйынды.
- Тилчиден кери бол.
- Айран ичген – къутулду, джугъусун джалагъан – тутулду.
- Бетинги сатма, малынгы сат.
- Аджалсыз ёлюм болмаз.
- Сакъ юйюне сау барыр.
- Джаш болсун, къыз болсун, акъылы, саны тюз болсун.
- Кёб къычыргъандан – къоркъма, тынч олтургъандан – къоркъ.
- Ашаса, ашамаса да, бёрюню ауузу – къан.
- Къазанда болса, чолпугъа чыгъар.
- Джыланны къуйругъундан басарынг келсе, аны башы болгъанын унутма.
- Урунуу – насыбны анасы.
- Ачыкъ джюрекге джол – ачыкъ.
- Джетген къыз джерли эшекни танымаз.
- Къатыны харакетли болса, эри къымсыз болур.
- Адамны сабийин сюйген джюреги, бычакъча, джитиди.
- Термилгенинги табмазса, кюлгенинге тюберсе.
- Айырылгъанланы айю ашар, бёлюннгенлени бёрю ашар.
- Ат басханны джер билед.
- Нарт сёз къарт болмаз.
- Эртде тургъан джылкъычыны эркек аты тай табар.
- Юре билмеген ит, къонакъ келтирир.
- Джюрекден джюрекге джол барды.
- Нёгер болсанг, тенг бол, тенг болмасанг, кенг бол.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)