- Хунаны тюбюн къазсанг, юсюнге ауар.
- Дуния аламаты сен эсенг да, игиме деб айтма.
- Ашыкъгъан cуу, тенгизге джетмез.
- Бек анасы джыламаз.
- Ёгюзню мюйюзюнден тутадыла, адамны сёзюнден тутадыла.
- Къыз келсе, джумуш эте келеди, къатын келсе, ушакъ эте келеди.
- Ата – баланы уясы.
- Накъырда – кертини келечиси.
- Ишге юренсин къоллары, халкъ бла болсун джоллары.
- Къулакъдан эсе, кёзге ышан.
- Ана къолу ачытмаз.
- Чомарт къонакъ юй иесин сыйлар.
- Къоркъакъны кёзю экили кёрюр.
- Ётюрюк хапар аякъ тюбю бла джюрюйдю.
- Эки къатын алгъан – эки ташны ортасына башын салгъан.
- Ашхы – джыяр, аман – джояр.
- Билмезни кёзю кёрмез, этмезни къулагъы эшитмез.
- Юй ишлеген балта эшикде къалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къартны бурнун сюрт да, оноугъа тут.
- Тойгъан джерден туугъан джер игиди.
- Мал тутхан – май джалар.
- Къонакъ болсанг, ийнакъ бол.
- Ким бла джюрюсенг, аны кёзю бла кёрюнюрсе.
- Сабий кёргенин унутмаз.
- Чомарт джарлы болмаз.
- Джылкъыдан – ат чыгъар, тукъумдан – джаш чыгъар.
- Махтаннган къыз, тойда джукълар.
- Эки ойлашыб, бир сёлешген.
- Ойнай билмеген, оюн бузар.
- Юйюнгден чыкъдынг – кюнюнгден чыкъдынг.
- Татлы сёз – балдан татлы.
- Кёпюр салгъан кеси ётер, уру къазгъан кеси кетер.
- Игиге айтсанг – билир, аманнга айтсанг – кюлюр.
- Джукъу тёшек сайламайды.
- Дженгил джетерикме деб, узун джолну къоюб, къысхасын барма.
- Этим кетсе да, сюегим къалыр.
- Юреннген ауруу къалмаз.
- Мал ёлсе, сюек къалыр, адам ёлсе, иши къалыр.
- Чыбыкълыкъда бюгюлмеген, къазыкълыкъда бюгюлмей эди.
- Къызбайны юйюне дери сюрсенг, батыр болур.
- Таш бла ургъанны, аш бла ур.
- Арбаз къынгырды да, ийнек сауалмайма.
- Келлик заман – къартлыкъ келтирир, кетген заман – джашлыкъ ёлтюрюр.
- Ётген ёмюр – акъгъан суу.
- Сабыр джетер муратха, сабырсыз къалыр уятха.
- Къонакъны къачан кетерин сорма, къачан келлигин сор.
- Чыкълы кюнде чыкъмагъан, чыкъса къуру кирмеген.
- Джаралыны джастыгъында сау ёлюр.
- Тилчи бир сагъатха айлыкъ хата этер.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)