- Чабакъсыз кёлге къармакъ салгъанлыкъгъа, чабакъ тутмазса.
- Тенгни тенглиги джашай барсанг билинир.
- Байлыкъ тауусулур, билим тауусулмаз.
- Къартха ушагъан джаш – акъыллы, джашха ушагъан къарт – тели.
- Тыш элде солтан болгъандан эсе, кесинги элде олтан болгъан игиди!
- Юй кюйдю да, кюйюз чыкъды, ортасындан тюйюш чыкъды.
- Къартны сыйын кёрмеген, къартлыгъында сыйлы болмаз.
- Къобан да къуру да къобханлай турмайды, адам да къуру да патчахлай турмайды.
- Керек ташны ауурлугъу джокъ.
- Айран ичген – къутулду, джугъусун джалагъан – тутулду.
- Ашхы сёз таш тешер.
- Ким бла джюрюсенг, аны кёзю бла кёрюнюрсе.
- Къарын къуру болса, джюрек уру болур.
- Эшекге миннген – биринчи айыб, андан джыгъылгъан – экинчи айыб.
- Элге къуллукъ этмеген, элге ие болмаз.
- Ханы къызы буюгъа-буюгъа киштик болду.
- Аш берме да, къаш бер.
- Эрни эр этерик да, къара джер этерик да, тиширыуду.
- Биреуню къыйынлыгъы бла кесинге джол ишлеме.
- Гитче джилтин уллу элни джандырыр.
- Эри аманны, къатыны – аман.
- Хатерли къул болур.
- Джаралыны джастыгъында сау ёлюр.
- Тамчы таш тешер.
- Аз сёлешген, къайгъысыз турур.
- Накъырданы арты керти болур.
- Нёгер болсанг, тенг бол, тенг болмасанг, кенг бол.
- Шапа кёб болса, аш татымсыз болур.
- Кёл ашады да, кеси ашады.
- Кийиминг бла танылма, адамлыкъ бла таныл.
- Айранны сюйген, ийнек тутар.
- Уллу атлама – абынырса, уллу къабма – къарылырса.
- Битмегеннге сакъал – танг.
- Джолунга кёре – джюрюшюнг, джагъанга кёре – юлюшюнг.
- Ач бёрюге мекям джокъ.
- Атадан ёксюз – бир ёксюз, анадан ёксюз – эки ёксюз.
- Бек анасы джыламаз.
- Чомарт къолда мал къалмаз.
- Тин – байлыгъынг, терен саулугъунг.
- Тойгъан джерден туугъан джер игиди.
- Окъугъан – асыу, окъумагъан – джарсыу.
- Къызны минг тилер, бир алыр.
- Къызын тута билмеген, тул этер, джашын тута билмеген, къул этер.
- Аджал соруб келмез, келсе, къайтыб кетмез.
- Къарыусузгъа кюлме, онгсузгъа тийме.
- Эркиши – от, тиширыу – суу.
- Ачлыкъ отха секиртир.
- Къарнынг тойгъунчу аша да, белинг талгъынчы ишле.
- Тик ёргени, тик энгишгеси да болады.
- Тилчи тилден къаныкъмаз.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)