- Тау башында, тау болмаз, джангыз терек, бау болмаз.
- Ачлыкъда тары гырджын халыуадан татлы.
- Башы ишлегенни, ауузу да ишлер.
- Джарашыу сюйген – джалынчакъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эшекни не къадар тюйсенг да, ат болмаз.
- Джарлыны тону джаз битер.
- Чабакъсыз кёлге къармакъ салгъанлыкъгъа, чабакъ тутмазса.
- Аш хазыр болса, иш харам болур.
- Бюгюн дуния кибик, тамбла ахыратды.
- Дженгил джетерикме деб, узун джолну къоюб, къысхасын барма.
- Джаз бир кюнню джатсанг, къыш талай кюнню абынырса.
- Чакъырылмагъан къонакъ къачан кетерин сормаз.
- Биреуге кёлтюрген таягъынг, кесинги башынга урур.
- Биреуню тёрюнден, кесинги эшик артынг игиди.
- Тёзген – тёш ашар!
- Чомарт къолда мал къалмаз.
- Джюрекге ариу – кёзге да ариу.
- Ишни аллы бла къууанма да, арты бла къууан.
- От этилмеген джерден тютюн чыкъмайды.
- Бойнуму джети джерден кессенг да, мен ол ишни этеллик тюлме.
- Чакъырылгъанны аты, чакъырылмагъанны багъасы болур.
- Бети – къучакълар, джюреги – бычакълар.
- Элиб деген, элге болушур.
- Алим болгъандан эсе, адам болгъан къыйынды.
- Арба аугъандан сора, джол кёргюзтюучю кёб болур.
- Айранны сюйген, ийнек тутар.
- Ат да турмайды бир териде.
- Ишге юренсин къоллары, халкъ бла болсун джоллары.
- Терслик кетер, тюзлюк джетер.
- Ач да бол, токъ да бол – намысынга бек бол.
- Джангыз терек къынгыр ёсер.
- Чомартны къолун джокълукъ байлар.
- Ауругъанны сау билмез, ач къарынны токъ билмез.
- Эри аманны, къатыны – аман.
- Миллетни бойну – базыкъ, аны бла кюрешген – джазыкъ.
- Ачлыкъ отха секиртир.
- Акъыллы – эл иеси, тели – эл баласы.
- Ким бла джюрюсенг, аны кёзю бла кёрюнюрсе.
- Тиширыусуз юй – отсуз от джагъа.
- Иги сеники эсе да, сюйген кесимикин этеме.
- Байны оноуу, джарлыгъа джарамаз.
- Келинни – келгинчи, бёркню кийгинчи кёр.
- Бастасын ашагъан, хантусун да ичер.
- Акъыллы башны – тили къысха.
- Азыкъ аз болса, эртде орун сал.
- Ишни ахырын ойламай, аллын башлама.
- Билгенни къолу къарны джандырыр.
- Джаханимни кёрмей, джандетге кёл салмазса.
- Телиге акъыл салгъандан эсе, ёлгеннге джан салырса.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)