- Къая джолда джортма, ачыкъ сёзден къоркъма.
- Ётюрюкню къуйругъу – бир тутум.
- Атынг аманнга чыкъгъандан эсе, джанынг тамагъынгдан чыкъсын.
- Ашхылыкъ джерде джатмайды, аманлыкъ суугъа батмайды.
- Ашыкъгъан cуу, тенгизге джетмез.
- Ауузу аманнга «иги», деме.
- Нафысынгы айтханын этме, намысынгы айтханын эт.
- Окъ къызбайны джокълайды.
- Аллахха ийнаннган кишини, Аллах онгдурур ишин.
- Кюн – узун, ёмюр – къысха.
- Танг атмайма десе да, кюн къоярыкъ тюйюлдю.
- Ата – билек, ана – джюрек!
- Ашыкъгъанны этеги бутуна чырмалыр.
- Адамны бетине къарама, адетине къара.
- Алтыннга тот къонмаз.
- Ёлген ийнек сютлю болур.
- Урама да – ёледи, сатама да – келеди.
- Аш берме да, къаш бер.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуню къыйынлыгъы бла кесинге джол ишлеме.
- Сютден ауузу кюйген, суугъа юфгюре эди.
- Къайгъыны сюйген, къайгъы табар.
- Тил бла келеди джыр да.
- Кийимни бир кюнню аясанг, минг кюннге джарар.
- Джиби бир къат джетмей эди да, эки къат тарта эди.
- Билеги кючлю, бирни джыгъар, билими кючлю, мингни джыгъар.
- Бермеген къол, алмайды.
- Кёлю джокъну – джолу джокъ.
- Тойгъа алгъа да барма, тойда артха да къалма.
- Айтылгъан буйрукъ, сёгюлмез
- Ашлыкъны арба юйге келтирир, чана базаргъа элтир.
- Кимни – тили, тиши онглу, кимни – къолу, иши онглу.
- Чомарт къолда мал къалмаз.
- Джыгъылгъанны сырты джерден тоймаз.
- Таула не мийик болсала да, аууш табылыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бир онгсуз адам адет чыгъарды, деб эштирик тюлсе.
- Акъыл сабырлыкъ берир.
- Эли джокъну – кёлю джокъ.
- Сёз къанатсыз учар.
- Тин – байлыгъынг, терен саулугъунг.
- Эшекге миннген – биринчи айыб, андан джыгъылгъан – экинчи айыб.
- Адамны аты башхача, акъылы да башхады.
- Тенги кёбню джау алмаз, акъылы кёбню дау алмаз.
- Къонагъынгы артмагъын алма да, алгъышын ал.
- Къууут – джелге, берне – бошха.
- Эки къатын алгъан – эки ташны ортасына башын салгъан.
- Тёрдеги кюлсе, эшикдеги ышарыр.
- Ёгюзню мюйюзлери ауурлукъ этмейдиле.
- Ашын ашагъанынгы, башын да сыйла.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)