- Джогъун бар этген, барын бал этген.
- Атлыны кёрсе, джаяуну буту талыр.
- Чёбню кёлтюрсенг, тюбюнден сёз чыгъар.
- Аманнга да, игиге да оноусуз къатышма.
- Къыз чыгъаргъан – къызыл къымжа.
- Биреуге аманлыкъ этиб, кесинге игилик табмазса.
- Ауузу бла къуш тута айланады.
- Тойчу джашха къарама, къойчу джашха къара.
- Джюрекге ариу – кёзге да ариу.
- Кёб ант этген, кёб ётюрюк айтыр.
- Ачлыкъ отха секиртир.
- Тюзню ётмеги тюзде къалса да, тас болмаз.
- Джаз бир кюнню джатсанг, къыш талай кюнню абынырса.
- Аз сёлеш, кёб ишле.
- Келинин тута билмеген, къул этер, къызын тута билмеген, тул этер.
- Нёгерсизни джолу узун.
- Билим ат болуб да чабар, къуш болуб да учар.
- Тил – кесген бычакъ, сёз – атылгъан окъ.
- Кёзюнде тереги болгъан, чёбю болгъаннга кюле эди.
- «Ма», - дегенни билмесенг, «бер», - дегенни билмезсе.
- Асхат ашлыкъ сата, юйдегиси ачдан къата.
- Аз айтсам, кёб ангылагъыз.
- Сагъышы джокъ – джукъучу, акъылы джокъ – къаугъачы.
- Хар зат кесини орнуна иги.
- Артына баргъанны, къатына барма.
- Джыйырма къойну юч джыйырма эбзе кюте эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Бир онгсуз адам адет чыгъарды, деб эштирик тюлсе.
- Тин – байлыгъынг, терен саулугъунг.
- Адеб базарда сатылмаз.
- Тёгюлген тюгел джыйылмайды.
- Аджалсыз ёлюм болмаз.
- Байлыкъ тауусулур, билим тауусулмаз.
- Биреуню тёрюнден, кесинги эшик артынг игиди.
- Джангыз торгъай джырламаз.
- Ана – юйню кюн джарыгъы.
- Айырылмаз джууугъунга, унутмаз сёзню айтма.
- Къонагъы джокъну – шоху джокъ.
- Намыс болмагъан джерде, насыб болмаз.
- Къонакъ аз олтурур, кёб сынар.
- Къарны аманнга къазан такъдырма, къолу аманнга от джакъдырма.
- Джарлы эскисин джамаса, къууаныр.
- Суу ичген шауданынга тюкюрме.
- Накъырда – кертини келечиси.
- Бастасын ашагъан, хантусун да ичер.
- Тойгъан джерден туугъан джер игиди.
- Уллу айтханны этмеген – уллаймаз.
- Насыблы элин сюер, насыбсыз кесин сюер.
- Юй кюйдю да, кюйюз чыкъды, ортасындан тюйюш чыкъды.
- Тик ёргени, тик энгишгеси да болады.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)