- Джаш болсун, къыз болсун, акъылы, саны тюз болсун.
- Чомарт бергенин айтмаз.
- Тамырсыз терекге таянма – джыгъылырса.
- Босагъа таш юйге кирмей эди, тыбыр таш эшикге чыкъмай эди.
- Атлыны кёрсе, джаяуну буту талыр.
- Биреуге аманлыкъны тилеме да, кесинге ашхылыкъны тиле.
- Бек анасы джыламаз.
- Аманны тукъумуна къарама, игини тукъумун сорма.
- Эски джаугъа ышанма.
- Мадар болса, къадар болур.
- Аш хазыр болса, иш харам болур.
- Акъдан къара болмаз.
- Аш иеси бла татлыды.
- Суу ичген шауданынга тюкюрме.
- Ачлыкъ отха секиртир.
- Рысхы – сют юсюнде кёмюк кибикди.
- Иги джашны ышаны – аз сёлешиб, кёб тынгылар.
- Къайгъыны сюйген, къайгъы табар.
- Къарнынг бла ёч алма.
- Келинин тута билмеген, къул этер, къызын тута билмеген, тул этер.
- Кёзню ачылгъаны – иги, ауузну джабылгъаны – иги.
- Айтхан сёзюне табылгъан.
- Адамны джюреги нени кёрюрге сюйсе, кёзю да аны кёрюрге ёч болады.
- Аман къатын сабий табса, бий болур…
- Ашыкъгъанны этеги бутуна чырмалыр.
- Айтылгъан сёз ызына къайтмаз.
- Махтаннган къыз, тойда джукълар.
- Эл бла кёргенинг эрелей.
- Адебни адебсизден юрен.
- Миллетни бойну – базыкъ, аны бла кюрешген – джазыкъ.
- Джюрек кёзден алгъа кёрюр.
- Тилсиз миллет джокъ болур.
- Ачыкъ джюрекге джол – ачыкъ.
- Къонакъ болсанг, ийнакъ бол.
- Къуллукъчума, деб махтанма, къуллукъ – хаух джамчыды!
- Сакъламагъан затынга джолукъсанг, не бек къууанаса, не бек ачыйса.
- Къайтырыкъ эшигинги, къаты уруб чыкъма.
- Билимсиз иш бармаз.
- Ана къойну – балагъа джандет.
- Терслик кетер, тюзлюк джетер.
- Адамны адамлыгъы къыйынлыкъда айгъакъланады.
- Тойгъан антын унутур.
- Окъуусуз билим – джокъ, билимсиз кюнюнг – джокъ.
- Тёрдеги кюлсе, эшикдеги ышарыр.
- Ойнай билмеген, уруб къачар.
- Ётюрюкден тюбю джокъ, кёлтюрюрге джиби джокъ.
- Биреуге кёлтюрген таягъынг, кесинги башынга урур.
- Ауурну тюбю бла, дженгилни башы бла джюрюген.
- Чакъырылмагъан джерге барма, чакъырылгъан джерден къалма.
- Ашда уялгъан – мухар, ишде уялгъан – хомух.
Цитаты из книг на карачаево-балкарском языке.
22.04.2010 23:23:14
Адам кесини джазыуу неге тюбетирин билмегени къалай игиди...(с) "14 джыл"
|
|
|
|
22.04.2010 23:27:43
Дунияны башында эм ачы артыкълыкъ сабийлеге тюшген зорлукъду(с)"14 джыл"
|
|
|
|
24.04.2010 02:15:28
Рамла
Сизде меннге къошулуб бу теманы бардырсагъыз бек разы боллугъем Башха китабладан къоша барыргъа боллукъмуду? Цитатала бла къаллмай бир юзюгюн салыргъа уа? |
|
|
|
24.04.2010 02:20:34
zavitok
боллукъду )) |
|
|
|
14.07.2010 17:08:09
zavitok
Аперим, Заремка! Эринмей, муну барысын былайгъа джазгъан! ненча хариф джазгъан эсенг да, анча игилик табхын къысха заманны ичинде! |
|
|
|
19.04.2011 11:53:40
Теманы кюбюрден чыгъарайым. Джукъ джазама-деб, табмай тургъанла бар эселе
|
|
|
|
19.04.2011 17:38:40
Рамла
"Цитаты из книг на карачаево-балкарском языке". Ана тилибизге кёчюрсек: "Къарачай-малкъар китабладан/чыгъармаладан юзюкле". Алай а, къалсын джазылгъаныча. |
|
|
|
Читают тему (гостей: 1)