- Билим ат болуб да чабар, къуш болуб да учар.
- Къошда джокъгъа – юлюш джокъ.
- Джолда аягъынга сакъ бол, ушакъда тилинге сакъ бол.
- Айтхан – тынч, этген – къыйын.
- Дууулдаса – бал чибин, къонса – къара чибин.
- Намысы джокъну – дуниясы джокъ.
- Къарт айтханны этмеген, къартаймаз.
- Иги джашны ышаны – аз сёлешиб, кёб тынгылар.
- Билимсиз иш бармаз.
- Таукел адам тау тешер.
- Эринчекни аурууу – кёб.
- Эски джаугъа ышанма.
- Халкъны юйю – туугъан джери.
- Аш берме да, къаш бер.
- Ишлегенден, къарагъан уста.
- Эл бла кёргенинг эрелей.
- Къонакъ кёб келюучю юйню, къазаны отдан тюшмез.
- Нёгерсизни джолу узун.
- Башда акъыл болмаса, эки аякъгъа кюч джетер.
- Джюз элде джюз ёгюзюм болгъандан эсе, джюз джууугъум болсун.
- Джаз бир кюнню джатсанг, къыш талай кюнню абынырса.
- Чарсда алчыны эл кёреди.
- Джырчы ёлсе, джыры къалыр.
- Акъдан къара болмаз.
- Ётген ёмюр – акъгъан суу.
- Джаным-тиним – окъуу, билим.
- Бал ашаргъа сюе эсенг, чибин ургъаннга тёз.
- Ашхылыкъ джерде джатмайды, аманлыкъ суугъа батмайды.
- Кёрмегеннге кебек – танг, битмегеннге сакъал – танг.
- Гугурук къычырмаса да, тангны атары къалмаз.
- Къумурсхала джыйылсала, пилни да джыгъадыла.
- «Ёгюз, джаргъа джууукъ барма, меннге джюк боллукъса», - дегенди эшек.
- Джашда акъыл джокъ, къартда къарыу джокъ.
- Аллахха ийнаннган кишини, Аллах онгдурур ишин.
- Ханнга да келеди хариблик.
- Ариу сёз – къылычдан джити.
- Харам къарнашдан, халал тенг ашхы.
- Орундукъ тюбюнде атылсам да, орта джиликме, де да айлан.
- Тау башында, тау болмаз, джангыз терек, бау болмаз.
- Кюн – узун, ёмюр – къысха.
- Биреуге аманлыкъны тилеме да, кесинге ашхылыкъны тиле.
- Зарда марда джокъ.
- Тамбла алтындан бюгюн багъыр ашхы.
- Эркиши – от, тиширыу – суу.
- Баш болса, бёрк табылыр.
- Мен да «сен», дейме, сен да «кесим», дейсе.
- Къонакъ аз олтурур, кёб сынар.
- Танг атмайма десе да, кюн къоярыкъ тюйюлдю.
- Джол бла сёзню къыйыры джокъ.
- Билеги кючлю, бирни джыгъар, билими кючлю, мингни джыгъар.
- НФ - Объявления
Темы |
Ответы | Просмотры | Обновление | |
|---|---|---|---|---|
| 1 | 2359 | |
||
| 10 | 2643 | |
||
| 10 | 2619 | |
||
| 9 | 2729 | |
||
| 1 | 1256 | |
||
| 2 | 1768 | |
||
| 18 | 6940 | |
||
| 16 | 4248 | |
||
| 2 | 1375 | |
||
| 51 | 13638 | |
||
| 30 | 17413 | |||
| 7 | 3070 | |
||
| 3 | 1516 | |
||
| 8 | 2502 | |
||
| 15 | 3642 | |
||
| 1 | 1335 | |
||
| 2 | 1570 | |
||
| 1 | 1300 | |
||
| 23 | 6320 | |
||
| 15 | 4570 | |
||
Сейчас на форуме (гостей: 1)