- Уллу айтханны этмеген – уллаймаз.
- Ата Джуртуму башы болмасам да, босагъасында ташы болайым.
- Чомарт къонакъ юй иесин сыйлар.
- Джырчы ёлсе, джыры къалыр.
- Чомартны къолу берекет.
- Аз сёлеш, кёб ишле.
- Ётюрюкню къуйругъу – бир тутум.
- Эм ашхы къайын ана мамукъ бла башынгы тешер.
- Туз, гырджын аша, тюзлюк бла джаша.
- Ойнаб айтсанг да, эслеб айт.
- Къыз тиширыу кеси юйюнде да къонакъды.
- Къыйынлы джети элге оноу этер.
- Джарлыны эшигин махтагъан джабар.
- Чомартны къолун джокълукъ байлар.
- Ёнгкюч къууана барыр, джылай келир.
- Ишлемеген – тишлемез.
- Юй кюйдю да, кюйюз чыкъды, ортасындан тюйюш чыкъды.
- Ауругъаннга – кийик саулукъ, джетген къызгъа – чилле джаулукъ.
- Тили узунну, намысы – къысха.
- Айырылгъанланы айю ашар, бёлюннгенлени бёрю ашар.
- Бет бетге къараса, бет да джерге къарар.
- Кесинге джетмегенни, кёб сёлешме.
- Аман киши кеси юйюнде – къонакъ.
- Бети къызарыучу адамны, джюреги харам болмаз.
- Орундукъ тюбюнде атылсам да, орта джиликме, де да айлан.
- Тыш элде солтан болгъандан эсе, кесинги элде олтан болгъан игиди!
- Ашхылыкъ джерде джатмайды, аманлыкъ суугъа батмайды.
- Джаш болсун, къыз болсун, акъылы, саны тюз болсун.
- Къаллай салам берсенг, аллай джууаб алырса.
- Сютню башын джалагъан къутулур, тюбюн ичген тутулур.
- Орну джокъну – сыйы джокъ.
- От кюйдюрген, сау болса да, тот кюйдюрген, сау болмаз.
- Къая джолда джортма, ачыкъ сёзден къоркъма.
- Ёксюзню къалачы уллу кёрюнюр.
- Ариу – кёзге, акъыл – джюрекге.
- Нарт сёз – тилни бети.
- Суу да къайтады чыкъгъан джерине.
- Къайтырыкъ эшигинги, къаты уруб чыкъма.
- Тил – миллетни джаны.
- Адеби болмагъан къыз – тузсуз хант.
- Ана кёлю – балада, бала кёлю – талада.
- Акъыллы башны – тили къысха.
- Акъыл бла адеб эгизледиле.
- Адамны бетине къарама, адетине къара.
- Джыланны къуйругъундан басарынг келсе, аны башы болгъанын унутма.
- Бал чибинни ургъаны – ачы, балы – татлы.
- Агъач халкъгъа алтынды, иссиликге салкъынды.
- Кёзюнде тереги болгъан, чёбю болгъаннга кюле эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашхы тенг джолгъа салыр, аман тенг джолдан тайдырыр.
- НФ - Объявления
Темы |
Ответы | Просмотры | Обновление | |
|---|---|---|---|---|
| 1 | 1131 | |
||
| 10 | 1273 | |
||
| 10 | 1098 | |
||
| 9 | 1507 | |
||
| 1 | 628 | |
||
| 2 | 1069 | |
||
| 18 | 4154 | |
||
| 16 | 2143 | |
||
| 2 | 658 | |
||
| 51 | 8488 | |
||
| 30 | 12300 | |||
| 7 | 1891 | |
||
| 3 | 759 | |
||
| 8 | 1180 | |
||
| 15 | 1663 | |
||
| 1 | 684 | |
||
| 2 | 739 | |
||
| 1 | 708 | |
||
| 23 | 2526 | |
||
| 15 | 2250 | |
||
Сейчас на форуме (гостей: 2)